تغلغل في الجمرات

part50

#تغلغل في الجمرات
للكاتبه فبراير

لاتنسون التصويت +التعليق بين الفقرات

- ‏بين لحظة ولحظة أُخرى كنت على وشك هدم كل شيء والضياع في قوقعة الاكتئاب ، ثم فجأة خرجت أيادي من العدم وتشبثت بي بقوة منعتني من الانحاء.

...................................................................
رجعت ليورا خايفه مرعوبه تركت ايد الارهم باوع عليه وقلص عيونه بتعب خليت اديه ع صدري ابجي واهز راسي بنفي دنكت وعضيت شفايفي

مثل شخص ونضرب حيل على راسه ورجع عقله براسه اني شداسوي وين موديه نفسي هاي امي اكو اغلى من الام اني فقدت كلشي شلون بعد افقد امي ..

رجعت خطوات خايفه ورجليه ترجف مد ايده الارهم متقدم منب واني ارجع ليورا واتنفس بخوف وجهه شاحب
-زنان تعالي لاصدكين ولج ااني بضهرج منو يندك بيج والارهم بضهرج تعالي ياتعب سنين تعالي..

ماحجيت ولا كلمه درت وجهي ل اثمد ليضحك بصوت عالي كلش عالي سديت اذاني من قوه صوته صوت ضحكته الخبيثه التحطم كلبي رفعت عيوني ل ارهم لازم صدره بتعب بطنه وصدره ينزفن دم غمض عيونه بتعب

وبحركه سريعه جرني لحضنه -ماعوفج ابد صدكي ماعوفج انتِ زوجتي وفرحتي بهاي الدنيا اذا عفتج معناها عفت روحي وماكو شخص يعوف روحه

جنت جامده مفصوله عن هل حياه لاحرك ولا كلام بس حجايات الاثمد براسي وترجع عليه مثل الشريط الي يتكرر رفعت عيوني اله قابلتني عيونه الذبلانه والبيها اصرار ميعوفني

قويت روحي وزفرت انفاسي معلنه عن شخصيه جديده شخصيه حتولد حياه ثانيه ل امي وبنفس الوقت حدمر شخص كان ملجئ الي

رفعت اديه ودفعته حيل من صدره المصاوب ماعرف قوتي منين اجت بس اني اجزم اضافيري صارت بصدره وكع بلكاع يبصق الدم من خلكه ويكح حيل خفت عليه وردت ارجعله واوكومه بس تراجعت

وكف بصعوبه وهوَ حلكه يجر دم
-عوفنيي مارييدك فتهمت مارييدك ومراح ارجع وياك لوتموت اخذت قراري راح ابقى يم اثمد لان لان شفتت بي حنان ماشفته من قبل

كملت كلامي وعضيت شفتي دنكت راسي وبجيت شويه ورفعت راسي من شفته ساكن ماحجه ولاكلمه بس جان يباوعلي بعتب -انجبي زنان انجبي ولاحرف ادري بي مسسويلج شي وتخافيين ولج خلي ثقتج بيه ميوصلجج والله بس خليي نروح كوا متحمله وماروح اكتله امشيي يعيوني..

رفعت عيني اله بحزم ورافضه كلامه
-كتلك ماروح وياك اطلع منا ماريدك سببتلي هواي مشاكل ماريدك بعد وجهه فكرر ماشفتت منك خيير حقير نذل وتافهه وسسخييف بكلشي مكدرت تنقذني ووخليتني هناا اسبووع كامل وهسه جايني ممن بعد ماتعلمت ع وجودي هنا اطلع ماريد اشوفف وجهك