تغلغل في الجمرات

part32

وخر ايده من عيوني تنفست براحه وهوَ يوخر ايده من خشمي وحلكي لزمت ركبتي وبجيت حيل وجهه دفنه بركبتي بس اريد اشوفه

صوتي اختفى ميطلع ماحس بصوتي
اديه خدرانه نهبطت من الخوف نهبطت من اذكر لحضه رجعتلي الاغتصاب
اديه مددتهن بصفي وعيوني مرفوعه فوك احس بنفاسه منتضمه بركبتي

رفعت ايدي كوا قربت ايدي ع شعره اريد اجرة اشوف وجهه جريتته حيل كوا باوعت وفتحت عيوني من شفته الارهم اي هوَ

والشال محاوط وجهه عيونه مغمضات وثكل ذابه عليه معقوله هذا الارهم

بعد مدة دامت دقايق..

فتح عيونه واني صافنه عليه
تلمس وجهي واني متت بدمي

قرب وجهه وشال شويه ويغطي حلكي
لان فدمرة تقرب بجيت اكثر وشهكت

-اششش زنان اشش غمضي عيونج بسااع لاتفتحيهن غمضي زناني ااشش حبيبتي

غمضت مثل مكال واني خوف سيطر عليه متت من الرعبه تنفست براحه وهوَ كام مسح على راسي وغطاني حلم حلم هذا ااش اسكتي زنان لاتفتحين عيونج..

غطه حت وجهي ب البطانيه ختنكت بس ماحجيت خوفي تغلب عليه عصرت حلكي جوا البطانيه وبجيت حيل حسيته بعده واكف اسمع صوته وهوَ يتنهد..

-راح اطلع زنان لاصرخين ابد ماشي
صبح افهمج ليش صار هيج هسه لاتحجين لاتحجين فدوا لاترفعين وجههج وتباوعين عليه ديربالجج تخلين عينج بعيني فدوا زنان..

نبرته جانت مثل الخايف ويتوسل غمضت عيني عليه وعاصره حلكي اكتم صوتي
حسيت بخطواته وفتح الباب وقبل لايطلع سمعته يهمس

-كومي من اطلع حقفل الباب من برا وانطيج المفتاح من جوا الباب تاخذي ولو اكلج زنان افتحي الباب للتفتحين حتى اذا طلبت منج وهددج ماشي..

محجيت ولاكلمه حسيت من طبك الباب وقفله وكطكه المفتاح وخرت البطانيه باوعت المفتاح يم الباب شامره

غصيت بلبجي ياربي دخيلك كلما تمر هل ذكرة بشعه بعقلي روحي تروح وكلشي يرجف بيه

واليوم زاد هل خوف بكلبي من سوا هيج عيونه لمحت عيونه جانت حمر موعيون الارهم ابد

وجان تنفسه يلفح ركبتي
ع اي ساعه يهجم عليه خليت ايدي ع حلكي عضيتها وزدت بلبجي وحمدت الله ماسوالي شيء

رجعت على جربايه كورت نفسي عليها وروحي وكلبي ينزفن دم خوف رهبه المفتاح بيه اخذته جاعصته بيدي حتى اثاره طبعت ب ايدي وصارت حمرة عركت من كثر مامكورته ب ايدي واشهك بلبجي

وعيني ع الباب لا هم يدخل حتى لو بيدي المفتاح وجاعصته بيدي اخاف هم يدخل عليه ويسوي لما سواا ياربي دخيلك