علي : السلام عليكم وقبل يد عمه
أبو محمد : وعليكم السلام هلا هلا نورت
علي : بوجودك عمي
أم محمد : يا هلا بصهري كيفك شو أخبارك
علي : الحمدلله والله الأمور كلها تمام
وجلس علي قرابة الساعه مع عائلة لميا والتي هي عائلة عمه ثم ذهب ولم يتوقف عن أوامره بالطبع فذكر لميا بكل شروطه
___________
لميا : شو رؤى كيف التوجيهي (سادس علمي ) أو (ثالث ثانوي )
رؤى : الحمدلله قربت أموت 😂👍
لميا : بدك ترفعي راسنا هاا
رؤى : إن شاء الله إن شاء الله
لميا : حسامو كيفك
حسام : والله الحمدلله بهالشغل والله
لميا : الله يعطيك العافية وانت كيفك حمودي (محمد)
محمد : الحمدلله بخير
لميا : وينتا بدنا نفرح فيك هاي صار عمرك ٢٨ بدنا نشوف ولادك 😉
أم محمد : يريت يما في حواليكي عروس 😂
لميا (بذكاء): هلق كنت بدي أقللكم تخطبو زهراء بس للأسف
أم محمد (بإستغراب ) : ليش للاسف
لميا : شكلها رح تنخطب لأنه البارحه إجاها خطابة شاب محترم ومن عيلة كبيرة
أم محمد : خسارة كنت متمنيتها لمحمد من زمان بنت مؤدبة وخلوقه ومنعرفها
لميا : لسا ما ردت اذا هي موافقه او لاء جدي أعطاها يومين وبكره لازم ترد جواب لجدو اذا موافقه أو لاء
أم محمد : يارب ما توافق
لميا وهي تنظر لمحمد الذي شرد في مكان آخر : يارب آمين
_____________
مر اليوم على لميا بسرعه فهي لم تجلس جيدا مع عائلتها حتى حل الظلام فاستيقظت على صوت قرع جرس المنزل
لميا وهي تنظر للساعه : الساعه ٧ حدا بيجي بهالوقت
فتح الباب أبو محمد : أهلا علي تفضل
سمعت لميا اسمه فتسمرت في مكانها هل حقا اتى في هذا الوقت المبكر من الصباح كي يأخذها
لبست لميا غطاء الصلاة على رأسها وخرجت لتراه يجلس على الأريكة يبتسم لها بمكر
لميا : انت شفت أدي الساعه
علي : اه أكيد شفت الساعه السابعه صباحا
لميا : مش كانه الدنيا لسا كتير بكير
علي (بإبتسامة ماكرة ): عزمت حالي على الفطور عند دار عمي
أبو محمد : البيت بيتك صهري . عيب يا لميا تحكي هيك مع زوجك بيجي بأي وقت وما تنسي هاد ابن أخوي وانا متل أبوه
علي : وأكتر يا عمي
لميا : حاضر بابا
وذهبت الى المطبخ لتعد الفطور للعائلة ريثما تستيقظ رؤى وأحمد و حسام
حضرت لميا طاولة الطعام وتجمعت العائلة على الطاولة
ام محمد : يما شيلي الحجاب عن راسك مافي حدا غريب
لميا : لا ماما متعوده أحط حجاب
نظر اليها علي بنظرات لم تفهمها لميا نظرات ذات مغزى لم تستوعبه
أنت تقرأ
تزوجت أرملاً ✿
Romanceقصه تتحدث عن فتاة تتضطر الى الزواج من إبن عمها المتزوج والذي توفت زوجته عند ولادة طفلتها فهل سوف تتعايش لميا مع الأمر وتتزوج زواجا كأي زوجين ام الطلاق هو نهايه هذة القصه ملاحظه : اذا ما لاقيت تفاعل رح احذفها 🙂
