ما الذي قالته عيناك لقلبي فاستجاب
بعد مرور أسبوع وكان الأسبوع كالنار على لميا ، فهي كانت تحلم بأن يكون فارس أحلامها يحبها هي فقط ويكون مثلها فهي لا تعرف علي جيدا ابدا
___________________
زهراء : الو
لميا: الو كيفك حبي
زهراء :الحمدلله كيفك انتي
لميا : الحمدلله
زهراء : شو ما فكرتي بالموضوع ترا علي انتي بتعرفيه شب ظل ملتزم بمبادئه ودينه حتى خلا سيلين الله يرحمها تتحجب مثلنا وتلبس لبس طويل
لميا : بعرف والنعم منه بس انا بعدني صغيره وإنتي بتعرفي انا معجبه بمين
زهراء : اخخخخ منك بعرف إنك بتحبيه بس هو شكلو ما بحبك وما ببدالك الشعور يعني ، ترا أبدا ما عجبني وبين انو تاع بنات
لميا : وانتي شو عرفك انو تاع بنات
زهراء : شفت حسابه عل فيسبوك ماشاء الله ما تارك بنت من شره
لميا : بيكونو أصدقاءه عادي ترا ، طيب بدي أسالك علي بعدو بحبها لمرته
زهراء : أخخ شو بدي أحكيلك لأحكيلك يا حرام بعده بحها كتير حتى جاب صورها معه وملابسها ، امي ظلت تقنع فيه انو تزوجه وما قبل يمكن عشان هيك أبوي حكا مع جدي عشان يشوفله عروس ويخليه يقبل فيها لانه علي ما بيقدر يرفض طلب لجدي
لميا : بعرف بس حرام تزوجوه غصب عنه
زهراء : أسكتي ولي بدك ياه يظل هيك سيلين لازم تلاقي حنان الأم ولازم تحس بعيلتها إنها متكامله
لميا : بعرف انا ما كاسر ظهري غيرها على قد ما بحبها على قد ما زعلانه عليها ولدت وما شافت أمها🥺
😔زهراء : وشو رأيك انتي تعوضيها عن حنان أمها
لميا :......زهراء بكمل حكي معك بعدين عم ينادولي
زهراء : اهربي اهربي باي
لميا :😅باي
__________________
لميا:بابا
الأب : نعم ياروح بابا
لميا : انا ما بدي أرفض طلب جدو ، ويلي بتلاقيه مناسب انا راضيه فيه
الأب : والله علي شب ما في منه صحيح مبين قاسي بس إنتي أكيد رح تليني قلبه وتخليه يحبك وينسا مرته الاولى
لميا: يعني بابا انت موافق
الأب : والله يا بنتي انا موافق ما رح الاقي صهر مثله
_________________
لميا بتوتر خايفه تكون القرار يلي أخذته غلط وهيي بعدو قلبها معلق برائد (الشب المعجبه فيه بجامعتها) هيي بتحبو بس هو ما بحبها ولا مره حكا معها حرف بس هيي أعجبت بشخصيته وهو شب حليوه وتعلقت فيه مع انها عارفه انو 😔يمكن هو ما بيبادلها الشعور
______________
ومرت الأيام وإجت ام علي لعند اهل زهراء عشان يحضروا للخطوبه ويجييو المحابس
ام علي :لولولولولييييش
لميا : اهلا وسهلا خالتي تفضلي
ام علي : اهلين فيكي يا أحلا عروس الله يهني إبني فيكي وغمزتها 😉
لميا : الله يخليلنا ياكي ويطول بعمرك
راحو على السوق ولميا عقلها ما معها ولا كإنها معهم مجرد جسم متحرك لانها ما كانت تحلم هيك هيي بنت أحلامها مع رائد بس طيبة قلبها خلتها بعالم تاني غير يلي رسمته
وبمكان تاني
علي : اخخخخ انا مش عارف لمين أحكي يلي بقلبي ما حدا رح يفهمني غيرك لانك رفيقي من أيام الطفوله
فهد : له له والله الأخخخخ طالعه من صمصومة قلبك لك أكم يوم وبتعقد خطوبتك وانت زعلان
علي : انت بتعرف انا قلبي بمين متعلق ويحرم علي النسوان من بعدها
فهد : الله يرحمها هيي ماتت لازم تكمل حياتك الحياة ما خلصت اذا ما مفكر بحالك فكر ببنتك سيلين شو ذنبها تعيش بلا ام طول عمرها حرام عليك
علي : انا وافقت على هالزواج بس عشانها ، أصلا انا ما كنت حاطط ببالي لميا انا كنت أشوفها بنظري طفله ما توقعت بيوم من الأيام رح بتصير زوجتي
فهد : انا بعرف وافقت عشان سيلين ، بس ما تظلم البنت معك
علي : انا عارف اني رح أظلمها ما رح أكون معها زوج متل ما رح تتوقع ، انا خلص دفنت قلبي مع سيلين فهي ما تتوقع إشي مني
فهد : الله يهديك وتغير عقلك هاد
_____________
نرجع عند لميا
زهراء : لميا لميااا وين شردتي
لميا : اه نعم
زهراء : بكره الخطبه لازم تروحي تنامي بكير عشان نروح عل صالون
لميا : اه رح انام بكره عل ساعه ١٠ بتكوني هون اه منروح انا وياكي
زهراء: ماشي حبي رح اخلي علي يوصلنا
لميا : اوك
________________
الساعه العاشره صباحا
زهراء : علي علوشي قوم بدك توصلنا عل صالون اليوم خطبتك وناايم
سيلين : بابا يلا قوم بدنا نروح عل صالون مع ماما لميا
علي : سيلين امك الله يرحمها ماتت ما تقولي عن حدا ماما
زهراء: هدي هدي البنت ما حكت شي يمكن لانها بتعتبر لميا متل امها قالت عنها ماما ، هلق قوم وصلنا عل صالون ما بدك تشوف كيف خطيبتك رح تطلع
😒علي : لا ما بدي أشوف
وصلهم علي عند الصالون وطبعا طول الطريق عيونن عبعض ويتطلعو على بعض بكره والتنين مش طايقين بعض
راح علي وبعد ساعتين رجع بعد ما خلوصو صالون وراح علي وشاف...............يتبع
_________________
شو رأيكم بالبارت إن شاء الله يكون عجبكم 💜❤️🌹
أنت تقرأ
تزوجت أرملاً ✿
Romansaقصه تتحدث عن فتاة تتضطر الى الزواج من إبن عمها المتزوج والذي توفت زوجته عند ولادة طفلتها فهل سوف تتعايش لميا مع الأمر وتتزوج زواجا كأي زوجين ام الطلاق هو نهايه هذة القصه ملاحظه : اذا ما لاقيت تفاعل رح احذفها 🙂
