رواية/فيـنـوس ♥♒
للكاتبه/sαℓeмα🔏
ــــــــــــــــــــــــــــــ
الساعه 11:00ص 🕖
طلع أدم من الحمام بعدما دوش ....كان يحس ف روحه مرهق ومازال مريض فقرر انه مايمشيش للجامعه ويرتاح ......كان لابس شورت وماليه نص كم من كثر مايحس ف روحه ساخن من الحراره قعمز ع الكنبه ف الصاله وف يده منشفه ينشف ف شعره المبلول
فجأه سمع صوت جرس الباب🔔
استغرب أدم لانه ماعندش من يجيه ف الوقت هضا ....ناض وهو عاقد حواجبه متوجه للباب
ولما قعد يدق الباب عيط أدم : تي باهي جاي يا$@&#
وفتح الباب وهو ينفتر
كانت قدام الباب مصبيه مرأه ف نص الاربعينات من عمرها ف جنبها عيل صغير ممكن عمره سبع سنوات ....كان شكلهم يدل ع انه حالتهم الماديه متريحه ....أدم كان ف الاول يحسابهم غالطين ف الشقه لكن لما برمت عليه المرأه وشاف وجهها انصدم
أدم عيونه مفتوحات ع وسعهن صدره يعلي وينزل من شدة النفس ....ضاغط بيده ع الباب وهو ف قمة غضبه
المرا همست وعيونها مدمعه وقالت : أدم
أدم قعد ساكت فتره وبعدها قال بغيظ : من انتي ؟؟
المرا دموعها نزلن ع خدودها وهي تقول : انا امك يا أدم
أدم مركز بنضره ع العيل اللي واقف ف جنبها وقال : انا امي ميته ...هيا روحي بلا دوه فاضيه ...وكان بيسكر الباب بس أمه سبقاته وحطت يدها وهي اترجى فيه : أدم خلينا نحكو شويه
ــــــــــــــــــــــــــــــــ
وصلت جهان للعماره اللي يسكن فيها أدم ......خذت المصعد ووصلت ف شقته استغربت لما لقت بابها مفتوح ...قربت ودقت الباب لكن خشت بسرعه لما سمعت أدم يعيط بعلو صوته
خشت تجرى لقت أدم يهزب ف مرا ويعيط عليها وهي واقفه ف تركينه وعيل صغير متشبث ف عبايتها ويبكي
جهان وهي مصدومه قدمت بسرعه وتحاول تمسك أدم اللي كان حيضرب امه وهي تعيط وتبكي وتقوله : أدم حرام عليك أنا امك
أدم يدف فيها ويعيط وهو بيتفجر : معش تقووولي اااااامككك .....ااانا ماعندييش ام ....ااطططلعي براااااا
جهان ماسكه ادم وهي مش فاهمه شي و تحاول تهديه شويه
أم أدم : أدم الله يربحك اسمعني شويه .....انا كنت الاسبوع هضا كله وانا ندور عليك نبيك تعيش امعايه واتعرف ع خوتك
أدم يدف ف جهان ويحاول يتهجم ع امه : وربي كااان ماتطللللعي يا@%$& نقتلك ونششرب من دمكككك .......25 سنه عااااايش بروحي توا جاااايه وجاااايبه امعااااك ال#$%$@ هضا وتقوليلي خوك وتعرفووو .....كنتي فكرررتي ف الكلللام هضا قببببل تسيبيني عشاااان راااااجل ...ااااطللعي
ام أدم قالت بأنفعال : اناااا ماسيبتكش بس كنت مشغوله الفتره هذي
أدم الدم رقا لراسه وتلفت جنبه وكانت قاعده الطاوله ضربها بيده قلبها وهو يعيط : 25سنه مشغوووووله ......مشغوووله تدهوووري من رااااجل لررررااااجل ودف جهان وقدم ع امه مسكها من عبايتها وقعد يكر فيها : ااااطلللعي ومعشش تورينييي وجهههك ...والله لو شفتك مررره اخررى حتي صدفهه نقتلللك ... ودفها بره الحوش هيا وولدها وطربق الباب
جهان واقفه وترعش من الخوف من أدم وعياطه
أدم خش للمطبخ فتح الدولاب وطلع شيشه وقعد يشرب
وجهان واقفه مصدومه .....طلع أدم من المطبخ بعدما كسر الاكواب اللي ع المرمره كلهم وهو يسب طلع وقعمز ع الكنبه وهو يتنفس بسرعه ومغطي وجههه بيديه
جهان قعمزت ع الكنبه المقابلته
أدم حول يديه مع ع وجهه وقعد يشوف لجهان ....رمشت جهان عيونها بسرعه وبخوف من نضرات أدم
أدم تكا راسه ع الكنبه وغمض عيونه وابتسم ابتسامه خفيفه
جهان بلعت ريقها بخوف بعدما عرفت انه اللي شربه بدا يأثر فيه
أدم بحت فيها وقال : انا عمري مانسيتها .....بس هيا سيبتني وانا صغير طول عمري نفكر شن هو الغلط اللي درته وخلاها تسيبني بس مالقيتش
جهان شفقت ع أدم بعدما فهمت اللي صاير.....وفي نفس الوقت اذكرت امها وقعدت تبكي
أدم ضحك وقرب منها وقال بلسان ثقيل : ماتبكيش راه ف النهايه الكل حيسيبوك عادي
جهان زادت تبكي وخذت كتابها وكتبت لأدم "بس انا نبي امي"
أدم قرب عليها وخذاها ف حضنه ♥
جهان انصدمت وخافت حاولة توخر أدم عنها بس ماقدراتش .....زادت ف البكا وخلطت عليها
أدم بعدما حس بجهان ادف فيه قال بصوت مبحوح : خليني
جهان بدت تهدأ .....وتحس ف قلبها بيطلع من قرب أدم لها
أدم وخر عنها واتكا ع الكنبه وقال : تي انتي امتا بتدوي ؟!
جهان ماقدرتش تمسك ضحكتها من كلام أدم وحركاته
أدم تكا راسه ع الكنبه وقال : بجد نحكي ....يعني انتي ماعندكش علاج
جهان هزت راسها بمعني" عندي "
أدم قدم عليها وشير بيده وقال : وينه ....قصدي ليش ماعالجتيش
جهان خذت الكتاب امتاعها وكتبت " نخاف نمشي للدكتوره النفسيه بروحي"
أدم رد اتكا : خلاص تم انا نمشي امعاك
جهان ضحكت وهزت راسها
أدم ابتسم وهو يبحت فيها وقال : عندك علم انك #فينوس ♥
جهان صبت وهي تاخذ ف شنطتها وكتابها ووجهها محمر من الحشمه شيرت لأدم انها بتروح وطلعت روحت
ــــــــــــــــــــــــــــــــ
الساعه 12:30 م ⭐
