رواية/فيـنـوس ♥♒
للكاتبه/sαℓeмα🔏
ــــــــــــــــــــــــــــــ
أدم اضطر انه يفك يده من يد جهان ويسلم عليها وقال : اهلا
المرأه شافت لجهان وبعدها شافت لأدم
أدم شير ع جهان وقاللها : جهان وشير علي المرأه وقال لجهان : خديجه
خديجه مدت يدها وقالت : اهلين ياانسه جهان
جهان سلمت عليها وهزت راسها وهي تشوف لادم ومش فاهمه
أدم شاف لخديجه : كيف الشغل ؟
خديجه مشت بتجاه المكتب اللي قدامهم ووراها أدم وجهان وقالت : تمام بس ف اوراق لازم اتوقع عليها حضرتك
أدم هز راسه وخش للمكتب وجهان امعاه وخديجه مشت اتجيب ف الاوراق اللي قالت عليهن
جهان اتشوف للمكتب اللي كان غايه ف الجمال وكبير وواسع ، وبعدها شافت لادم اللي قعمز ورا المكتب ع الكرسي ويشوف للاوراق اللي عليه
جهان قعمزت امقابل أدم وقالت:أدم انا مش فاهمه شي انت تشتغل هنا ؟
أدم ابتسم وقال وهو يشوف للأوراق : لا هذي الشركه امتاعي
جهان شافتله وهي متفاجأه : كيف ؟؟......انت عمرك ماقتلي عليها
أدم شاف لجهان بجديه وقال : ماحدش يعرف عليها الشركه هذي، حتي اصحابي ردي بالك تطلع منك كلمه بخصوص الموضوع هضا ...الشركه هذي من الحاجات اللي خلاهن ليه باتي
جهان اتشوف ف المكان وساكته
خشت خديجه جابت اوراق لأدم وقعدوا يحكوا ف شوية حاجات ع الشغل وبعدها طلعت ، جهان قدمت من ادم وهي مبتسمه
أدم شافلها وقال: شنو؟
جهان لفت ع مكتب أدم و وقفت جنبه وقالت : وريني المكان ....ومسكت يده وقعدت تسحب فيه :هيا ياأدم هيا
أدم تأفأف وناض وهو يحاول يخفي ضحكته
وطلعوا من المكتب وهما يتفرجوا ع الشركه وأدم يعرف فيها ع الموظفين و المكانات
لعند وصلوا ف مكتب
أدم : وهضا مكتب السكرتيرا امتاع خديجه طبعا خديجه هي المساعده امتاعي وهي ادير ف كل الشغل لانه انا نادراً ما انجي للشغل
جهان هز راسها وهي تشوف للمكان وكيف بتحكي سمعوا صوت وراهم
ادم غمض عيونه وتنهد وكأنه كان هارب من شيء وصارله
السكرتيرا بدهشه: استاذ أدم
أدم بدون مايشوفلها : اهلا
السكرتيرا ناضت من مكتبها وجايه بتجاههم
جهان وشوشت لأدم : من وين تعرفك ؟!
أدم فنص ف جهان بتعجب وقال : مش كنت نخرفلك ونقولك انه انا الشركه هذي امتاعي وكل الناس اللي تخدم هنا تخدم عندي
جهان هزت كتوفها وقالت : مش عارفه حسيتها غريبه وكأنها تعرفك اكثر
وصلت فيهم السكرتيرا وسلمت عليهم وقعدت تسأل ع أدم بس أدم كان يرد بإجابات مختصره وكان يلف ف عيونه ويشوف لكل مكان حوليه ماعاداها هي
(ف الحقيقه هي مش مجرد سكرتيرا تشتغل عند أدم بل هي وحده من المئات اللي كان أدم داير امعاهن علاقاته🔞 )
السكرتيرا شيرت ع جهان ببتسامه خبيثه وقالت لأدم : من هذي؟! عرفني عليها ياأستاذ
أدم وخر شعره بيديه بنفاذ صبر وقال : لالا مش فاضي انا توا
وحط يديه ع كتوف جهان ولفتها للجهه الاخره ، وقعد يمشي فيها قدامه وهو حاط يديه ع كتوفها وجهان تمشي ومش فاهمه شي
أدم بعدما بعدوا بمسافه بسيطه قال بتمتمه : الـ&#*%@$
وخذا جهان ومشوا للمكتب
جهـان وقفت مقابلـه الروشـن والمنظـر الحلـو
وآدم مقعمـز ع كرسي المكتب ويشوف للأوراق اللي قـدامه
جهـان: المنظـر حلـو
آدم هز راسـه وسكت
جهـان قربت ع المكتب واتشوف للاوراق:مش فاضي؟!
آدم رفع راسه وبإبتسامـه حلوه:نفضالك♥
جهـان ضحكت بإحراج وردت لمكانهـا جنب الروشـن:ماتبيش اتضيفني شي وانا في مكتبـك!
آدم حك حاجبه وقال :اووه راحت من عقلي
جهـان ضحكت :لا مايصيرش منك هكي
آدم قرب منها ولمـس خدها:مش مني ننسـىٰ كل حاجه لما نقعد معاك
جهـان بعـدت منه بسرعه:عصيـر مانجـا فرش لو سمحت
آدم ضحك :حاضـر يابنتي حاضـر🔥♥
جهـان قعمـزت ع الكرسي مقابل المكتب
آدم يكلم بتلفون المكتب:واحـد قهوه وواحـد عصير مانجـا
صكـر التلفون
جهـان: الألـوان حلـوه
آدم شاف للأوراق وابتسملهـا
جهـان صبت جنبـه: فيش اتديـر
آدم: انتي ناويـه ماتخلينيـش انشوف هالأوراق
جهـان عقدت حواجبهـا :مانحبكـش لما اتشوف لحاجه اكثـر مني
آدم ضحك بصوت عالي وقرب منهـا:خلاص بنقعد ديما عيني في عينـك
جهـان :ربي يخليلي عيونـك♥
آدم طبـع بوسـه ع خدهـا
وهمسلهـا:غصبـاً عني والله🔥
البـاب دق
بعـدت جهـان منه
وخشت السكرتيره جايبـه القهـوه وعصيـر ومعاها شكولاطـه
حطاتـه ع الطاولـه وطلعت
جهـان رشفت رشفـه من المانجـا
آدم قعمـز مقابلهـا :هاه عجبـك
جهـان هزت راسهـا :اامم ماشي حالـه
آدم ضحـك:مغروره
جهـان حركت حواجبهـا بعباطـه
آدم رشف من القهـوه:ااااح انعن &#%$@
جهـان كان في فمهـا العصيـر ولما شافاتـه كيف تألـم من رشفة القهوه الساخنـه ضحكت بالقـوه
آدم شرب الميـه وهوا عاقـد حواجبه :عجباتك فيا انتي
جهـان تحاول تمسك ضحكتهـا :لاوالله مش هكي
آدم شافلها
جهـان مامسكتـش ضحكتها
وضحكـوا مع بعضهم
ــــــــــــــــــــــــــــــــ
الساعه 3:00م 🎈
