رواية/فيـنـوس ♥♒
للكاتبه/sαℓeмα🔏
ــــــــــــــــــــــــــــــ
عند مها ورضا ...🌈
مها تحاول تنوض من مكانها وهي اتألم و تقول : ااا..انا ووين؟ ....ااااه
رضا قرب منها بسرعه ويحاول يمنعها عن الحركه : خليك ف مكانك خليك ....انتي ف المستشفى
مها قعدت ف مكانها وسكتت شويه وبعدها دموعها قعدوا ينزلوا وحده ورا الاخره
رضا يمسحلها ف دموعها بخوف : حبيبي كنك شن يوجع فيكي ؟
مها لفت وجهها للجهه الثانيه واستمرت ف البكا
رضا قعمز ف جنبها وحط يده ع وجهها ولفه جهته : مها عمري ...كنك ؟
مها غمضت عيونها وقعدت تبكي بالشهقه : رضا ...ااان ا....انا انحبك
رضا ابتسم وهو يمسح ف دموعها : حتي انا حتي انا انحبك يابارده
مها سكتت وهي تشوفله وخلاص كانت مش قادره تحكي مزبوط ولا تستوعب كل الكلام من البنج اللي مازال مأثر فيها
رضا ضحك : بنقولك حاجه مهمه
مها تشوفله وساكته
رضا : اول ماتصحي حنجوزوا
مها عقدت حواجبها : من قالها ؟
رضا فنص فيها : شن من قالها قلتها انا
مها : وانا ؟
رضا عوج فمه وحط يده ورا راسه : صاح نسيتك انتي واللهي ...قررت بروحي !
مها ابتسمت وغمضت عيونها وبدا ياخذ فيها النوم
ورضا يشوفلها وهو مبتسم
دق الباب✊🏻
خشت الممرضه : هيا رضا
رضا هز راسه : تمام تمام طالع هيا
طلعت الممرضه ورضا قرب من مها باسها ع راسها وطلع
ــــــــــــــــــــــــــــــــ
ثاني يوم🌾
الساعه 10:30ص
طلع ادم من الجامعه متوجه للباركي بعدما حضر المحاضرات امتاعه
الشي اللي اختلف ف محاضرت اليوم انه ماكانش حاضر فيها لا رضا ولارويدا ولامها ولا جهان ....جهان اها الشاطره اللي ماعمرها فوتت محاضره اليوم ماحضرتش !
وصل أدم ف سيارته فتح الباب وطلع نقاله من جيبه ورن ع جهان المره الثامنه اليوم لكن هي ماتردش
طلع من الجامعه ومشى للمستشفى وين ماكان رضا ورويدا
قعد امعاهم شويه وروح لشقته ....وطبعا مها مايقدرش حد يشوفها
ــــــــــــــــــــــــــــــــ
الساعه 3:32 م🌸
كان ادم مقعمز ف الصاله امتاع الشقه يلعب بـ البليستيشن وياكل سمع صوت الباب تأفأف وعزق كل شي ع الطاوله قدامه ومشى للباب
فتح الباب وهو مغمض عيونه بتذمر وتكا راسه ع الباب
لكن بسرعه مافتح عيونه وعدل وقفته لما سمع صوت يعرفه كويس
صوت جهان اللي مصبيه ع الباب وتبكي بالعبره ...كان باين عليها انها مريضه من احمرار وجهها والارهاق ...كانت لابسه هودي سمائي عليه رسومات بالابيض وسروال ابيض وكبوط باللون الاسود وشنطة ظهر سوده وكويش اسود وطاقيه صوف سوده مغطيه بيها جزء من شعرها المطلوق
أدم حس قلبه بيوقف من الخوف سألها وهو مرعوب : جهان شن فيه ؟
جهان ماقالتش ولا كلمه وزادت ف البكا
أدم سحبها من يدها وخششها للشقه سكر الباب وخذاها ف حضنه
أدم وهو يمسح ع شعرها : اشششش خلاص خلاص ...اهدي حبيبي
بعد دقايق 🕐
من البكا ع صدر ادم هدت جهان وخشت مع أدم للصاله قعمزت ع الكنبه وادم جابلها اميه وخلاها تشرب وبعدها سألها : شن صاير امعاك ؟
جهان مسحت عيونها من باقي الدموع : شي ....بس تعاركت مع مريم اول مره ف حياتي وانا مريضه وقعدت بروحي ماحد امعايه ....وعاودت تبكي من جديد
أدم قعمز قدامها ع الوطا : لالا خلاص معش تبكي....ومريم الـ#%&@ هذي كنها
جهان فنصت ف ادم ودموعها ينزلن : ادم!
ادم قلب عيونه وقال : سكتنه .....باهي ليش تعاركتوا
جهان خذت نفس : عشان بدت تشك فيه اني مانمشيش لصاحبتي كيف مانقول ونجيك انت
أدم : تي #%&$$ الـ%@#% هذي
جهان لفت وجهها للجهه الثانيه وهي تمسح ف دموعها
وادم تمدد ع الكنبه الاخره وكمل يلعب
جهان سلحت شنطتها وكبوطها وحولت طاقيتها حطتهن ف جنبها و تكت راسها للخلف وغمضت عيونها بتعب ....كانت فاشله من كثر البكا وتاعبه لانها مريضه
أدم شافلها وقال : كان بترقدي خشي للدار
جهان شافتله شويه وبعدين هزت راسها بالموافقه وصبت ماشيه لدار أدم لانها بجد كانت تعبانه ومحتاجه ترتاح
وصلت للسرير قعمزت عليه وسلحت كاويشها رفعت كرعيها فوق السرير وتمددت جبدت الورغان من جنبها وتغطت بيه كان معزوق فوق السرير سروال لادم فلما جبدت جهان الورغان جا السروال فوقها
ابتسمت بتعب وعزقاته بعيد عليها ....ومشت ف نوم عميق مريح كله أدم وريحته وكأنها راقده ف حضنه
ــــــــــــــــــــــــــــــــ
الساعه 5:14 م🍒
