رواية/فيـنـوس ♥♒
للكاتبه/sαℓeмα🔏
ــــــــــــــــــــــــــــــ
الساعه 9:55م 🔔
روح زيد لحوشهم بعدما خذا النهار كله وهو يبرم ومايبيش يروح للحوش عشان عارفه انه امه وباته يتعاركوا كالعاده
خش للصاله
لقا خواته يوتن ف العشاء ويحطن ف الاكل ع الطاوله وامه وباته مقعمزين ع الكنبه وقالبين وجوههم
دقائق 🕙
والكل كانوا مقعمزين وياكلوا وكل حد ساكت والجو مشحون والمكان هدوء......لعندما كسرت الهدوء هضا ماريا الاخت الصغيره وقالت : المدرسه قالولنه جيبو فلوس
امها وهي تاكل : قولي لباتك وكملت اتمتم بكلام مش مفهوم
باتها قال وهو يفنص ف امها : ماعنديش
زيد والبنات يراقبوا ف صمت
امها : كيف ماعندكش ....كيف المعيشه السوده الفلوس وين يعدن وين اه
باتهم ناض وهو يعيط : شن اتحاسبي فييييييه......كيييف الفلوس وين يعدن اه وااللي تاكلييي فيه وتلبسيييي فيه من ويييين ولا تحسااااابي هلك يجيبولك فيهن
امهم ناضت اتعيط حتي هيا: اخرلك مره .....اخرلك مره تجيب سيرة هلي ع لسانك فاااااهم ولا لا
وقعدوا يعيطوا ويتعاركوا وماسكتوش الا لما زيد كر المفرش امتاع الطاوله وقلب اللي عليها كله وخش لداره وهو ينفتر ويعيط
ــــــــــــــــــــــــــــــــ
الساعه 12:30 م⏰
جهان منطرحه ف سريرها وتحاول ترقد
تتفرج ع السقف وتراجي ف النوم ياخذها بعدما خذت دواياتها
رن نقالها
قعمزت جهان وخذت التلفون من ع الكمدينو ......شافاته لقتها مكالمه فيديو من ادم ♥
جهان خذت نفس بعدما حست بنبضات قلبها اختلن ......وفتحت الخط
طول قابلها وجه ادم.. ابتسمت لاإرادياً بعدما شافت شعره الكثيف الفوضوي عيونه الكبار ولونهم النادر
ادم ابتسم وقال : هيييييه انتي ....مش ناسي اني قتلك نمشوا للدكتوره مع بعض راه
جهان ضحكت وعقدت حواجبها "مافهمتش علي شن يحكي"
ادم رشف خشمه : تي امتاع النفسيه ازح
جهان فهمت و هزت راسها
ادم ابتسم ع جنب وقال : امتا نعدوا
جهان شيرت بيدها بمعني "شويه" وصبت بسرعه خذت كتابها وكتبت لأدم "بكره ف الصبح حناخذ موعد والعشيه نمشولها "
أدم دزلها بوسه ف الهواء وقال : تمام
جهان تحشمت ووجهها انحمر وارتبكت
واستمرت مكالمتهم لعندما جهان خذاها النوم
ــــــــــــــــــــــــــــــــ
ثاني يوم 🍃
الساعه 10:22ص✨
رويدا مصبيه ع المرايا....تعدل ف بلوزتها
ومها مقعمزه ع السرير وراها وتنفخ
رويدا بحتت فيها من المرايا : تي كنك وانتي تنفخي وبرمت عليها...هضا كله عشان رضا مسافر
مها عقدت حواجبها : لااء من قالها ....وسكتت شويه وقالت من بيشيلنه للجامعه
رويدا خذت نقالها : مش عارفه ....ادم من بدري نرن عليه مايردش شكله راقد تو نشوف مهاب ....هيا انتي صبي وتي روحك
مها تمددت ع السرير : مانبيش نمشي ...ماعنديش نيه
رويدا عوجت فمها : صبي صبي.....هضا كله عشان رضا اللي قاعد يتصيع ف تونس
مها تنهدت : والله ماعندي نيه نمشي للجامعه وهو مش قاعد فيها
رويدا طلعت من الدار
ومها غمضت عيونها وهيا تاخذ ف نفس ....سمعت صوت نقالها يرن خذاته وهي اتأفأف .....لكن بسرعه ماتغيرن ملامح وجهها وقلبها طار من الفرحه بعدما شافت المتصل
ردت بسرعه وبلهفه : رضا
رضا ابتسم وقال : عيونه🙥
مها قعمزت وهي تقول بعيون مليانه دموع : امتى بتروح؟!
رضا ضحك : تي انا مازلت ماوصلت وانتي تقوليلي امتى تروح
مها دموعها نزلن : رايفت عليك ♥
رضا ابتسم : حتي انا وااااااجد بكل بكل
مها رشفت خشمها ومسحت دموعها
رضا : تبكي ياام خناين ؟
مها تعصبت : بارد ....ماتعرفش تحكي كيف الخلق بكل
رضا ضحك وكمل يصمط ويتبرد عليها
ــــــــــــــــــــــــــــــــ
عند رويدا ✨
