في حماية الفهد"سيلين"

البارت الحادي عشر

««في حماية الفهد»»

للكاتبة ريماس الأحمد

البارت العاشر

༺༺༺༻༻༻
ــــــــــــــــــــــــــــــــــــــــــ

سيلين"

مرت ايام وانا على نار وكل يوم اقول بلكي اليوم و بلكي بكرا، ومرة طلعت لغرفتي واجتني رساله
فتحتها من عمي عمر مكتوب فيا

~««جهزي حالك بكرا بالليل الساعة ١٢ حاولي تطلعي من البيت على مكان ـــــــــــــ بتلائينا هينك عم ننتظرك وخلينا على تواصل وحاولي تمشي وضعك بأي وسيلة كانت»»~

أضمرت فرحي جواتي وحذفت الرسالة وحفظت بذهني رقمن ورقم خالو بيير مابعرف شو بصيرلي

نمت وفقت الصبح وحاولت أقضي يومي بشكل طبيعي بس يمكن من توتري حسيت الكل بيعرف هههههه
ونظراتن نظرات مراقبة، صرت افكر كيف
رح اطلع من هون وهنن بضلو بيسهرو

وبيتأخرو احيانا برجعتن واحيانا بيتحاقرو

وبفيقوني بنص الليل مشان قهوة اوشي
وكمان في عندن كاميرات برا.....

اووووووف ما رح تزبط معي، يمكن حدا
يمسكني منن واعلق من اول وجديد،

خطرتلي فكرة اروح لخالو بيير لانو كل
شهر او شهرين بخلوني روح لعندو

مع انو من هداك اليوم زعلانة منو بس ما عندي غير حل اخدت موبايلي واتصلت عليه

_ اهلا حبي سيلا كيف

_مو بخير

_ليش حبيبتي شبك لساتك زعلانة

_خالو ضروري تاخدني لعندك مخنوئة

_ اي تكرم عينك هلأ بحاكي جدك

_ اقنعو تم عندكن لأنام

_متل ما بدك

_شكرا

_له يا سوسو ما عندي اغلى منك، اطلبي عيوني بترخصلك

_تسلم خالو

سكرت الخط وصرت ابكي بهدوء يمكن عم استغلو لاستعملو للوصول لهدفي، بس ما عندي غير حل ياررربي تيسرلي،
شردت شوي واتذكر القرآن والدعاء يلي مرة شفته بمقطع عاليوتيوب مشان انو ازا كنت محتارة دعاء الاستخارة اسمو بس ،
رغم شقد بحثت عنه وطلعتلي مقاطع فيديو بس ما فهمتو،

تنهدت بضيق وفجأة تذكرت الخالة ام فهد لما قالتلي انو اي شي او استفسار حاكيني عليه، بس هية قالتلي لبعد التسعة لاحاكيا لانو ابنا بكون مو بالبيت، يلي فهمتو انو فهد ما بيحكي مع البنات،
اووووووفف طيب مو شرط كون فاضية بهداك الوقت، قررت اكتب رسالة لفهد واطلب منو حاكي الخالة
كتبت...

✉صباح الخير،ازا انت بالبيت بدي حاكي الخالة ضروري

مافي شوي اجتني رسالة منو