في حماية الفهد"سيلين"

البارت الثاني عشر

«« في حماية الفهد »»

بقلم ريماس الأحمد

البارت الثاني عشر

༺༺༺༻༻༻

كنت أتمنى أن تتغير حياتي بخطواتي الصادقة و لكني قد دفعت ثمنها الكثير من عمري، اتجرع مرارة حياتي البائسة بقوة قلب قد جعلته الأيام قاسيا ، الى متى ولأي مدى سأبقى صامدة وداخلي يشكو التفتت

////////////////

سيلين"

نزلو رجال ملتمين ومسلحين ووجهو أسلحتن علينا، ونزل وراهن أكتر الاشخاص يلي خلوني أعاني بحياتي

كريس وداني وجيمس ومايكل

وقعت العباية من إيدي وعمامي حاوطوني من كل مكان ما عاد مبين مني شي، بركت عالأرض بذعر وخوف وصدمة حسيت انو انا تبلدت،
الرجفة مشت بكل جسمي وما عاد اسمع الا صوت طنين خفيف، غوشت الدنيا بعيني حسيت أعراض انخفاض الضغط كلا صابتني، استجمعت قوتي و رفعت راسي لأعرف شو رح يكون مصيري سمعت صوت كريس وهو عم يضحك بخبث ويمشي باتجاهنا وحكى

_ كريس: أهلا وسهلا بالشباب كيفكن، ييي أديش متغيرين وكبرانين

_حسن: كريس اتركنا بحالنا، اخي و ئتلتوه وبعدتوه عنا وانتقمتو منن بأفظع شكل، هلأ هي بنتنا ورح ناخذا

_كريس: لااااا .... شووو بسرعة، طيب كان خبرتونا عالئليلة ودعناها، مو صح هيك خالوو، لي كل هالشي ملتفين حواليها

صرت ارجف بشكل كبير والنفس ما عاد اقدر اسحبو

_ همام: يا جماعة خلونا نتفاهم

_مايكل: ههههههه، انو تفاهم وهلأ بهالوئت بعد ما كنتو رح تهربو متل الخرفان، كان تفاهمنا من ئبل

،، شدد على كلامو وحكى،،،

خلال دئيئة رح تكون جنبي هون مفهوم ولا بتصير الشغلة فيا دم

خفت على عمامي منن ومسكت بدشداشة عمي ومو متذكرة مين هو لانو كنت بالأرض وهنن حوالي، بلعت ريقي بخوف وحكيت بصوت مرتجف

_ع.. ع. عموو خل... خليني.. ر... روح

نزل واحد من عمامي لمستواي ما عرفتو من توتري وحكى

_عمر: لا تخافي مارح ياخدوكي الا بعد ما تضل فينا روح

_ مايكل: سيلييييين!!!! دئيئة وحدة رح أعيرلك ازا ما كنتي جنبي لا تلومي الا نفسك بسبب يلي رح يصرلن

صرت أطلع على كل مكان رجال كتيرين وكلن مسلحين يمكن يطلعو عشرين شخص وعمامي واولادن يادوب عشرة وما شفت معن سلاح، والسلاح موجه علينا من كل الاتجاهات، رح اخاطر بأرواحن كرمال حريتي السجينة

وقفت وحكيت

_سيلين: عممووو خليني روح معن

اختنقت وانا عم بحكي وتجمعت بعيوني الدموع بس حاولت أكابر