"Ayoko nang magpalit."
Okay na siya sa kaniya. E hindi ba't sabi niya mas maganda pa daw ito kesa kay Taylor Swift? Inaabutan nga siya ng oras sa pagtitig ng pics nito, kasi nga naging stalker na siya ng crush niya. Favorite volleyball girl player niya ito, oo, kahit hindi pa nga itong matatawag na "player".
At sino ba namang mag-aakala na ang gusto niya sa isang babae na "makulit", ay nahanap na niya sakanya.
Seloso ba siya? Kahit nga siya, hindi sigurado. Siguro, medyo? Kung di siya seloso, ba't niya favorite song ang Steal My Girl, idagdag mo pa ang Mahal na Mahal?
Kung paipiliin nga siya kung Star City of EK, Legoland agad ang isasagot niya. Bakit hindi? Marami kayang may ibinigay na mga ala-ala ang lugar na iyon sa kaniya at sa mahal niya- este, wala.
Noong Valentines Day, kinabahan siya ng binigay niya ang regalo para dito. Fruit bouquet, teddy bear at marami pa, kasi nga malalanta lang ang mga bulaklak. Sino ba naman ang hindi kakabahan? Andoon kaya ang mga magulang nito.
Pero alam niyang hindi lang iyon ang magbibigay sa kaniya ng kaba. Paano kung siya ang magiging escort sa ika labing walong kaarawan nito? Dapat ba siya kabahan, knowing na hindi lang ang mga pamilya nila ang dadalo sa espesyal na araw na yun? Kung kakabahan man siya o hindi, siguradong babalewalain niya iyon, kasi una sa lahat gustung-gusto niya namang siya ang magiging escort nito.
Torpe siya noon. Noon. Pero ngayon hindi na. Hinding hindi na, to the point na kaya niyang hadlangan ang may balak na manligaw dito. Dahil SIYA ang gusto niyang sumagip sa kaniya pag nalunod siya, kahit pa man takot siya SAKANYA.
Mas pipiliin ko ang yakap, forehead kiss, at holding hands kesa sa isang simpleng akbay.
Ganiyan ako kagrabeng magmahal.
