အိမ်ထဲသို့ ဝင်ဝင်ချင်း ဧည့်ခန်း၌ ထိုင်နေသည့် မမနှင့် ကိုသက်ပိုင်အား တွေ့လိုက်ရသည်။ မမက လက်နှစ်ဖက်အားအချင်းချင်းထွေးယှက်လျက် ဆုပ်နှယ်နေပြီး ကိုသက်ပိုင်က မမ၏ပခုံးကို ခပ်ဖွဖွပွတ်သပ်ပေးနေသည်။
လင်းထက်ကိုတွေ့တော့ မမက ဆတ်ခနဲ ကိုယ်ကိုမတ်သည်။ ပုံစံကြည့်ရသည်မှာ လင်းထက်အား စောင့်နေကြသည့်ဟန်။
“ငါ့ကိုစောင့်နေတာလား”
“အင်း တစ်ယောက်တည်း ပြန်လာတာလား”
“မဟုတ်ဘူး၊ အစ်ကိုလိုက်ပို့တာ၊ မိုးချုပ်လို့ အိမ်ထဲမခေါ်တော့တာ”
ကားငှားပြန်မည်ဆိုသည်ကို စိတ်မချသောသူက လက်မှဒဏ်ရာနှင့်လည်း ပြန်လိုက်ပို့ခဲ့တာပင်။ အတတ်နိုင်ဆုံး သူ့မျက်စိအောက်မှာ ထားချင်နေသည့်ဆန္ဒကို နားလည်တော့ စောဒကလည်းမတက်နိုင်ခဲ့။
“အင်း...”
မမက ခေါင်းညိတ်ရင်း ခပ်တွေတွေထိုင်နေတော့ သူ့မှာအစ်ကိုထည့်ပေးလိုက်သည့် စာအုပ်ထုပ်ကိုပိုက်ရင်း အိပ်ခန်းကိုပဲ တန်းသွားရမလိုလို ဧည့်ခန်းမှာပဲ မမရှေ့ဝင်ထိုင်ရမလိုလို ဖြစ်နေသည်။ မမပုံစံက သူ့ကို တစ်ခုခုပြောစရာရှိနေသည်ဟုတော့ ထင်မိသည်။
“ဘာပြောမလို့လဲ မမ၊ မေမေတို့ရော...၊ ပင်ပန်းတော့အစောကြီးအိပ်သွားကြပြီလား”
“အခန်းထဲမှာ၊ နင်ပြန်လာရင် ဖေဖေက သူ့ဆီလာဖို့မှာထားတယ်”
“ဟုတ်လား”
ခပ်ဝါးဝါးရေရွတ်ရင်း မမ၏မျက်နှာမှ ပူပန်ရိပ်တစ်စွန်းတစ်စကို ဖတ်မိလိုက်သလိုလို။
မမက ကိုသက်ပိုင်ကို တစ်ချက်လှည့်ကြည့်သည်။ ကိုသက်ပိုင်က ချက်ချင်း ခေါင်းညိတ်ပြပြီး
“ကိုယ်အခန်းထဲက စောင့်နေမယ်” ဟု ဆိုကာ ထွက်သွားသည်။
မမဆီမှာ လင်းထက်နှင့်နှစ်ယောက်တည်း ပြောစရာတစ်ခုခုရှိနေသည်မှာ သေချာနေချေပြီ။
“လင်းထက်လေး”
မမက သူ့အနားသို့လျှောက်လာရင်း အလောတကြီးအမူအရာဟန်ဖြင့်
YOU ARE READING
သားဖွားခန်းက ရင်ခုန်သံ(သားဖြားခန္းက ရင္ခုန္သံ)(Complete)
Fantasy👨🏻⚕️ Main Chapter 10 parts + After Falling In Love 15 parts🌸