သစ်ရွက်တွေကြားကနေ ဖောက်ထွင်း၀င်လာတဲ့ နေရောင်ခြည်နွေးနုနုလေးကြောင့် ထယ်ယောင်းတစ်ယောက် မျက်လုံးကို ကပျာကယာ လက်ဖြင့်ကာလိုက်ရပြီး ထရပ်လိုက်တယ်။
" ဖွား ဒီလောက်ဆို ရပြီလား "
အုတ်နီခဲ အကျိုးအကြေလေးတွေကို နှင်းဆီပင်ငယ်တွေရဲ့ ဘေးမှာ ဝေ့ဝိုက်ကာ စီနေရင်း လက်စသတ်ကာ မေးလိုက်တော့
နံဘေးက ကွပ်ပျစ်လေးမှာ ထိုင်နေတဲ့ အဖွားက ခေါင်းညိမ့်ပြလိုက်ပြီး လက်ထဲက ဗန်းလေးကို ရှေ့ထုတ်ရင်း ထိုင်ဖို့ ပြောလိုက်တာမို့ ထယ်ယောင်းလဲ အပြေးလေး၀င်ထိုင်လိုက်တယ်။" ထမင်းခြောက်တွေ!!"
" ကြိုက်တယ်လား သားလေးက "
" ဟုတ် သိပ်ကြိုက်တာပဲ "
ထမင်းခြောက်တစ်ဆုပ်ကို လက်နဲ့ယူလိုက်ပြီး တဂျွတ်ဂျွတ် ဝါးနေတုန်း တစ်ယောက်ယောက်က စူးစိုက်ကြည့်နေသလို ခံစားရ၍ ကြည့်လိုက်တော့ အိမ်နံရံကို မှီကာ လက်ပိုက်ရပ်နေသော ဂျုံးဂုနှင့်ဆုံသည်။
" ဟင် ဂျုံးဂု ပြီးပြီလား "
ဂျုံးဂုက ဘာမှမပြောပဲ ထယ်ယောင်းလက်ထဲက ထမင်းဆုပ်ကို ခနမျှ ကြည့်ကာ သူတို့ထိုင်နေရာ ကွပ်ပျစ်သို့ လျှောက်လာသည်။ ဒီနေ့ ထယ်ယောင်း၏ ပူဆာမှုကြောင့် ဂပ်ဒိုမှာ တွေ့ခဲ့ရတဲ့ အဖွားအိမ်ကို ပြုပြင်ပေးဖို့ လာခဲ့ကြတာဖြစ်တယ်။
ဂျုံးဂုက အိမ်အတွင်းပိုင်းကို စစ်ဆေးဖို့ အလုပ်ရှုပ်နေပြီး ထယ်ယောင်းကတော့ အပင်တွေကို စည်းရိုးခတ်ပေးလိုက် အုတ်နီခဲကာလိုက် ရေပြေးသောက်လိုက်နဲ့ ပျော်ရွှင်နေတာဖြစ်သည်။
" အိမ်က အရမ်းဟောင်းနေပြီ။ တစ်ယောက်ထဲ ဒီလို ကုန်းပြင်မြင့်မှာ နေတာဟာ သိပ်အန္တာရယ်ကြီးတယ်...အိမ်ပြောင်းချင်လား အဖွား ကိုယ်ရှာပေးမယ်လေ "
ထယ်ယောင်းနံဘေးသို့ ထိုင်ချရင်း ဂျုံးဂုကပြောလိုက်တာ ဖြစ်ပြီး ဟိုလှုပ်သည်လှုပ် လုပ်နေတဲ့ ထယ်ယောင်းရဲ့ ဒူးကို လက်နှင့်ဖိကိုင်ပြီး ငြိမ်သက်စေလိုက်၏။
မီးကိုရေနှင့် ငြိမ်းသက်လိုက်သလို ငြိမ်သက်သွားတဲ့ သူမရှေ့က ကောင်လေးကို ကြည့်ရင်း အဖွားအိုဟာ ပြုံးလိုက်မိတယ်။
YOU ARE READING
Dream Keeper
Fanfictionသူဟာ ကိုယ်တစ်သက်လုံး ယုယုယယ ပျိုးထောင်ချင်တဲ့ လက်တွေ့ဘ၀ရဲ့အိပ်မက်ငယ်လေး ပဲဖြစ်တယ်။ Once Upon A Dream _S2