اسمي زهراء. طالبة جامعه سنه اولى قسم الهندسه يتيمة الابوين عايشه ويه عمي الظالم عندي اخت زغيره فقدت اهلي قبل سنتين بحادث وللاسف ماعندي غير عمي يتكفل بينه تبلش روايتنا باول يوم دوام الي كعدت ب٧ سبحت ولبست ملابسي اجه ابو الخط وتوجهنه للكليه جان يوم ممل ماكو شي ينذكر عدا تعرفت ع بنيه كلش لطيفه رجعت للبيت اول مدخلت بلشت المحاضره
شيماء . صلوات اجتي المسعده انتي روحي افتري بالشوارع ويه الولد واني انظف واطبخ اشتغل عندج
زهراء. الله يساعدج عمه اخذت الماسحه وبلشت انظف بمكانها غسلت المواعين خلصت دخلت للغرفه لكيت بنتها نايمه ع الجربايه وتبريد يركع عليها واختي مشموره بالاستقبال انقهرت كلش اخذتها ونومتها بالغرفه سبحت وكعدت اجهز نفسي لدوام باجر الدوام الشي الوحيد الي يخلصني منهم يخلصني من ظلم عمي ومرته وعيشتهم كلشي ماريد غير نستقر اني واختي بمكان امن ومتوفره كل احتياجاتنا من نجحت من السادس جنت متحمسه حته اشتري ملابس واطلع واشوف العالم بس للاسف دا استحي التقي بيهم اصلا الكل مرتب وانيق واني الملابس الي البسها فضالت سمر بنتهم الي اكبر مني ب٣ سنوات ولو تنطيني لو متنطي جان ابويه مخليني بعينه كلشي يوصلني قبل م اطلب حته واليوم اني مستحيه اطلع كدام احد بسبب مظهري لو اختي الي تخدمهم وهيه عمرها 5 سنوات لسه اتذكر شلون جانت تخليني الليل كله اشتغل وانظف عمود اختي تنام ع التبريد يمهم الحمدلله ع كل حال ان شاء الله اكدر احقق حلمي واستقر ويه اختي واعوضها عن كلشي كمت سويت عشا تعشينه ونظفت المطبخ ورحت للغرفه جانت سمر مطشره ملابسها هم تداوم باجر بس هيه كليه اهليه وخابصه نفسها
سمر. شنو البس الاسود لو الازرك ياهو احلى؟
زهراء. الازرك احلى
سمر. صدك ؟
زهراء. والله كلش حلو
سمر. ايع شكد ذوقج رديء هوا هم لون الازرك
زهراء. ضليت صافنه هسه شحاجيها بله عفتها وطلعت لكيت ملاك كاعده تلعب بالحوش
زهراء. ملاكي تعاي ليجي عمو ويضربج
ملاك. عمو ضربني اليوم
زهراء. ليش ضربج؟
ملاك. لان لبست حذاء سمر عمه شيماء كلتله وضربني
زهراء. ملاكي اني شكتلج مو كلنه متلعبين بغراضهم حته محد يحاجيج يله امشي نامي دخلنه نمنه كعدت ب٧ سبحت غيرت ملابسي وطلعت التقيت بهميم مبينه كلش خوش بنيه وانتبهت متختلط هوايه كعدنه بالنادي وبلشت اتعرف عليها اكثر كلش حبيتها دخلت بكلبي خلصت اليوم كله وياها خلصنه محاضراتنا واتصل عليه ابو الخط كلي دبري نفسج ماكدر اجي عنده ظرف ضليت حايره
أنت تقرأ
المدمن العاشق
Romanceزهراء. وكفت السياره بمكان كلش بعيد عن المكان الي احنه بي شفت بيت كلش جبير ومسيج تخبلت كمت اعيط والطم بس اريد واحد يسمعني وينقذني بس ماكو ماكو نزل من السياره وتوجه عليه سحلني من السياره لباب المخزن شمرني بالمخزن ورجع لسياره هميم نزلت وبقت تعيط وتحاول...
