المدمن العاشق

البارت السادس

صميم. عيوني صارت بكصتي ركعت الماعون بكصته مصار بي شي بس شو زهراء كمزت عليه وضلت تمسح بوجهه عقل مضل براسي سحلتها من الطاوله للغرفه وهوا كمز ورانه وجرها مني

محمد. لك شبيك انته شلون تمد ايدك عليها

صميم. اباوع ع زهراء ختلت وره محمد ومستنده عليه عبالك مرته مو مرتي من شفتها هيج تخبلت دفعت محمد وكتلها فوتي للغرفه

زهراء. بخوف صميم بس اهدء والله ماكو شي

صميم. فوتي للغرفه

محمد. زهراء نزلي جوا

صميم. خزرتها انتظرها تدخل جان تنزل جوا ردت اكطعها وعلي من شفتها نزلت ضجت اخذت موبايلي وطلعت ركبت سيارتي ورحت ع رائد الليل كله يتصلون امي ومحمد مجاوبتهم اذا اجاوب يعرفوني متعاطي  بقيت يمه لصبح سبحت واكلت وطلعت اليوم مشتاق لابويه كلش كلت امر اشوفه كعدت يمه ساعه وطلعت ادورلي شغل فتريت ماكو غير مطعم بي شغل نزلت شفته سألت وكلولي محتاجين نادل كتلهم ادور شغله وافيدكم المهم قبلو ومن باجر ابلش طلعت من يمهم تغديت وطلعت للبيت خابرت ولد يجون عمود ينظفون الشقه وصلت للبيت همه وصلو ويايه سويتلهم طريق نظفوها واني واكف يمهم ساعتين وجهزوها كلها حاسبتهم وطلعو من دخلت هيه اجتني 

زهراء. صميم

صميم. بدون م اباوعلها اصلا كتلها شكو

زهراء. ماريد اعزل فوك

صميم. هههههه تعزلين فوك ليش انتي منوو حته اطلعج بشقه وحدج خلك بنت شوارع جايه تأمر يمي يله منانه روحي خلي يدبروج همه لا يمي ولا الي علاقه بيج

زهراء. بقيت صافنه البارحه يكول يعزل عمودي وهسه بنت شوارع هذا شبي والله المخدرات مخلت عقل براسه عفته ومشيت كعدنه بالاستقبال اني وعمتي وهميم شو هذا كام ينقل بغراضه ويصعد فوك

هميم. هيج احسن هوا يمنه ومندري شبي مبي هنوب يعزل وحده

سعاد. والله ح يموتني هذا الولد

هميم. ماما روحي احجي ويا بلكي يغير رأيه

سعاد. لا اذا حاجيته يعاند زهراء تحاجي

زهراء. لا معليه

سعاد. كومي ماما شوفي رجلج بعدين انتي مو قبلتي تنتقلين ويا ليش كاعده يمنه هسه كومي ساعدي

زهراء. لا هوا ميقبل انقل ويا يريد يبقه وحده

سعاد. شلون يبقه وحده ؟

زهراء. كلي يريد يكعد وحده وبس

هميم. زهوره عفيه بس روحي شوفي وتعاي