المدمن العاشق

البارت التاسع

صميم. صارت ل٢ كمت ماكدر حته احرك جسمي مماكل شي وشغل من الصبح لسه اخذت استراحه ١٠ دقايق كعدت بغرفة المطعم واجتي ع بالي ضحكتها الصبح وابتسمت ماعرف شديصير ويايه تجاها بالفتره الاخيره دا اهتم بموضوعها هوايه ماعرف شيصير بيه من اشوف محمد قريب منها خايف يطلع عدهم علاقه لان ممرتاح لمحمد هلمرا اخذتني الصفنه واجه العامل يصيحني

العامل. خلصت الاستراحه شوف شغلك

صميم. تمام طالع.

طلعت ساعتين وخلص دوامي ركبت سيارتي وتوجهت للبيت وكفت يم اسواق اخذت مسواك للبيت وطلعت كبل وصلت لكيت امي كاعده بالصاله

صميم. السلام عليكم

سعاد. هلا يمه

صميم. تعبان طالع انام

سعاد . براحتك يمه

صميم. صعدت لشقه اول مدخلت صارت كدامي لابسه تراك بيجي ورافعه شعرها ومخليه ملاك بحظنها مدري شصار بيه انثولت ضليت واكف بالباب

زهراء. الله يساعدك ادخل ارتاح

صميم. دايخ شويه تعاي اخذي المسواك من ايدي

زهراء. كمت اخذت المسواك ورحت للمطبخ اسويله اكل دا احظر بالغده وطلعت اشوفه لكيته نايم ع القنفه حته مسابح ولا مغير ملابسه تقربت اكعده

زهراء. صميم صميم

فتح عيونه بشكل ناعس

صميم. ها

زهراء. اذا تعبان كوم نام بالغرفه اريحلك

صميم. جوعان ماريد انام

زهراء. لعد غسل بين م اخلص طبخ

صميم. شويه واكوم

زهراء. رجعت للمطبخ شويه وخلصت طبخ خليت الاكل وصحتله ناكل

تغدينا وخلصنه نظفت المواعين وطلعت لكيته ديسبح جان تعبان كلش اليوم شويه وطلع عبالي حينام يرتاح جان يكلي

صميم. انطيني ملابسي اريد اطلع

زهراء. تطلع ليش مو تعبان مترتاح ؟

صميم. ماتأخر ساعه وارجع انام

زهراء. وين تروح؟

صميم. ها بدت رحمة الله شكو تسألين

زهراء.ماسأل شعليه بيك بس دا اشوفك تعبان لو تنام احسن

صميم. الملابس وين؟

زهراء. لحظه اجيبهن

صميم. جابت الملابس لبست ع السريع وطلعت اتصلت ع رائد بالطريق