المدمن العاشق

البارت الثاني

البارت الثاني

زهراء. نزلت ووكفنه كدام الباب دك الباب صميم وطلع عمي اول مشافني سحلني كدامهم وضل يتهمني

ابو سمر. كحبه وين جنتي صارلج يومين تفترين بشوارع جايبتلي ٢ وجايه وينن اروح من العالم وين انطي وجهي اني صوجي تكلفت بيج  

صميم. انصدمت من ردت فعله ع الاقل يستفسر منها كبل سحبها نزعها حجابها كدامنه نرفزني كلش جنت انتضر محمد يتدخل بس مسوه شي جريتها من عنده

صميم. سحبتها وخليتها وراي

ابو سمر. لك وخر من كدامي منو انتو شكو جايين لبيتي تشاركوني الفضيحه

محمد. عمي اذكر الله ماكو شي ان شاء الله خلي ندخل ونتفاهم

ابو سمر. شنتفاهم لك صار يومين متجي للبيت وماعدها غيري شنتفاهم

صميم. وجع لتصيح وين جنت صارلك يومين متسأل هسه صارت ماعدها غيرك

ابو سمر. اطلع برا لك عايزه هيه زعاطيط تعلمني

محمد. ذكرو الله لتمت العالم علينه خلي ندخل ونسولف وان شاء الله خير

ابو سمر. بس فهمني انته منو وليش جايب هاي الكحبه وين جانت؟

محمد. حجي ميصير هذا الحجي  اني ماريد تصير فضيحه وتجيك المشاكل خلي نفوت جوه ونتفاهم

ابو سمر. طبو جوه خل نشوف تاليتها وانتي روحي جوه هسه جايج

زهراء. لزم ايدي وسحبني ويا جسمي كله يرجف ماعرف اني خايفه منه لو من عمي

صميم. لا متطب جوا هوا الموضوع يخصها هيه تحدد وين تروح تجي وتسمع تدخل بكيفها

محمد. زهراء روحي جوا اني احل الموضوع

ابو سمر. لك منين تعرفها انته

محمد. دخلنه جوا وهوا كلشي ممفتهم ماعرف شحجي اكله مغتصبها لو اكله تزوجو شكله بكل الاحوال ح يلومها هيه شلون ابلش ماعرف

صميم. محمد متحجي شمنتظر

محمد. حجي احنه جايينك بشغله

ابو سمر. احجي اسمعك

محمد. حجي صميم اخويه وزهراء يحبون بعض ولان اخويه متهور وميعرف يتصرف جبر بتكم وتزوجها بدون علمك

ابو سمر. شنوو؟ شنو منو صميم شلون تزوجها وين يعرفها سوالها شي

محمد. حجي همه تزوجو بعد منكدر نسوي شي واني اجيت اصحح غلط صميم واطلب ايدها منك وبرضاتك

ابو سمر. لك زمال بعديش تطلب ايدها بعد ماغسلتو عاري

محمد. حجي بس اسمعني احنه منكدر نسوي شي خلي يرتبطون كدام العالم حته ميطلع حجي عليك ويضر بناتك اذا عندك بنات زهراء ح تأثر عليهن خلي نستر عليهن احسن متصير فضيحه