المدمن العاشق

البارت الثالث

صميم. كله بسببج انتي السبب

زهراء. ضل يضربني ويعيط كله بسببج دفعته عني ردت اطلع وجرني من شعري

صميم. تردين تجربين شيصير بيه لمن اخذ تعاي جربي شنو رأيج تجربين المخدرات

زهراء. وخر عني والله اصيح والمهم عليك مكدرت اتحرك جان لازمني من شعري ومخلي ايده الثانيه ع حلكي ماكدر حته احرك راسي جر الجيس واخذ منه حبايه من شفتها راحت روحي فركثها بحلكي وضل يجرني من شعري ويعيط بلعيها بهايه اللحظه وكعت من طولي بعد محسيت بأي شي جنت كاعده بس ماكدر اتحرك جسمي صار ثلج واني دا احس نفسي عركانه الساني كمت ماحس بي هذا اصعب موقف يصير ويايه بكل حياتي اريد اعيط انقذوني خلصوني منه بس ماكدر اسوي شي

صميم. ماعرف شلون صار هيج لمن حسيت ع نفسي جانت واكعه بالكاع ومتتحرك تذكرت نفسي بأول مره اخذت مخدرات بيها تخبلت جسمي ثكيل وماكدر اسويلها شي اذا اطلع بهذا شكلي امي تموت بسببي واذا عرفو بزهراء حيصير الوضع اسوء حاولت اكعدها متكعد شلتها خليتها ع الجربايه وتمددت لان ماكدر اتحرك هوايه جسمي ثكيل صفنت وبلشت الذكريات تذبحني جنت تعبان من وفاة ابويه الله يرحمه جنت كاعد يم قبر ابويه ودا اعاتبه

صميم. ليش بويه مو انته حبيبي ليش تعوفني وحدي منو الي غيرك والله انته صديقي وابويه واخوي وجنتي ليش ليش ياربي حرمتني منه بويه تسمعني والله ماكدر اعيش بدونك شلون انساك شلوون يابويه بويه شوف ابنك شوف شكد اني ضعيف وماتحمل مسؤوليه ماتحمل غيابك ومسؤولياتك وبيتك وعائلتك شلون اكدر اواسي امي لو هميم تدري هميم. متاكل اصلا ولا تطلع من الغرفه ماكدر اتحمل شوفتهم هيج اخاف ارجع للبيت وماشوفك بي ماشوف غير الحزن بكل مكان يابه حزنك يتعب سحب روحي اني مو ذاك القوي انته اخذت قوتي وروحي اخخخ بويه

رائد. كوم خويه كوم لا البجي يسوي شي ولا العتب

صميم. ماكدر اكوم والله ماكدر ماكو حيل شلون اكوم والسبع جوه التراب

رائد. انطيني ايدك خلي اساعدك

صميم. كومني واخذني ع سيارته

رائد. اني فقدت عائلتي كلها مو بس والدي

صميم. الله يساعد كلبك اريد واحد يحس بيه اريد واحد يطفي ناري حركتني نااري

رائد. احس بيك احس بس ماكو فايده الوجع ميوجع غير صاحبه اني اضعف منك خسرتهم وماعندي ذكريات وياهم خسرت ٤ اشخاص بحادث جان بسببي ها ديوجع اليوجعني

صميم. شلون بسببك وليش معندك ذكريات وياهم؟

رائد. اني من الانبار من جان عمري ١٠ سنوات واني عايش ببيت جدي اهلي انتقلو لبغداد من زمان حيل بسبب خلافات ويه اهل ابويه المهم انتقلو وجان جدي كلش متعلق بيه ف طلب من عمامي يحجون ويه ابويه وابقه يمه وفعلا بقيت خلصت ١٥ سنه واني يم جدي وبعدها توفه الله يرحمه وهايه اول فاجعه تصير ويايه جنت كلش متعلق بي واحبه وخسرته فجأه وجنت زغير ف مقبلت اعوف بيته ومكانه وبقيت كاعد يم عمامي ع ريحة جدي وصار عمري ٢٢ سنه وهايه اول مره احجي ويه ابويه من ١٥ سنه اجه وحجه ويايه وسولفلي السبب الي خلاني يم جدي وكل الامور ابويه ماعرف عنه شي مجان عندي أي مشاعر تجاها سلمت عليه سولف شويه ويايه وراح وره فتره جابلي خواتي ٢ اول مشفتهن تخبلت صارن قطعه مني وبعدين شفت امي وبلشت علاقتي بيهن وره اسبوع قررت انتقل يمهم خابرت والدي وجان كلش فرحان اني جنت بس كاعد الحقل مال جدي وعنده بستان زراعه مجنت اعرف أي شي تعلمت اقره واكتب من عمي جان يعلمني واني اتعلم بسرعه حرفيا مجنت طالع من المنطقه مالتنه ف اجه اليوم الي قررت ارجع لاهلي خابرتهم يجوني ورتبت كل غراضي ويجيني اتصال همه مسوين حادث قريب من منطقتنا وبسبب سوء المستشفى الي جانو موجودين بيها صارت حالتهم صعبه ف نقلوهم لمستشفى لخ بس ماتو قبل ليوصلون كلهم ماتو كدامي ماكو شي ينسيني هذا الالم ماكو شي ينسيني فراكهم اليوم صارلهم سنه ويومين واني لسه منسيت شي لسه اعيش نفس الالم كلشي يمتلكه والدي صار بأسمي واني ماستحق هذا الشي الفلوس والحزن خلوني ارتكب غلط ماكدر اصلحه

صميم. شنو الي متكدر تصلحه؟

رائد. الفتره الي مرت عليه وصلتني للموت وصلتني لاسوء حاله ممكن أي بشر يمر بيها وحته انسه اتجهت للمخدرات واحد تعرفت عليه لسه اتذكر كلامه كلي . ماكو شي ينسيك غير المخدرات . الصراحه جنت ماعرف شنو مخدرات كتله انطيني واني مدمن اليوم . وهذا اسوء شي ممكن يبقيني عايش  اوصل مرحلة الموت لمن استغني عنه وارجعله

صميم. اذا المخدرات مساعدتك تنساهم ليش تاخذها؟

رائد. تساعدني اصفي بالي وارتاح فتره معينه بس كلشي يرجع وره مينتهي المفعول

صميم. الله يساعدك

رائد. وين بيتك خلي اوصلك صار الليل شعندك باقي هنانه

صميم. ماكدر اروح للبيت

رائد. شنو رأيك تجي ويايه

صميم. اخذني لاي مكان

اخذني لبيته كعدنه وبقه يحجي عن اهله وهوا حته معايش وياهم هوايه حرت اشكيله يشكيلي صارت الساعه ٢ وبلش وجهه يتغير جسمه كام يعرك حته كام ميحجي احاجي ميكدر يجاوبني اشرلي ع علبه موجوده قريب ع الجربايه مالته رحت جبتها ولمن وصلت يمه تغير وضعه لكفها من ايدي وبلش ياخذ حبوب منها مفتهت شنو السالفه الليل كله جان مبتسم وتمددت تعجبت هذا نفسه الي جان يشكي ويحجي قاطعني محمد بأتصاله

محمد. انته وين؟

صميم. شكو

محمد. ماكدر اتصرف شي بالشركه والكل ديطلبك اني موجود من الساعه ٦ ولحد هسه مدا اعرف شي الشركه كلها تدهورت انته وحدك تكدر تساعد الشركه

صميم. سديته بوجهه اني نوم ماكدر انام وهذا يفكر بالفلوس باوعت ع الحبوب واخذت منهن والي صار لحد هسه متندم عليه تأذيت لان جانت اول مره بوقتها فقدت الوعي ٦ ساعات بس لمن كعدت قررت ارجع اخذ اول اسبوع جنت اخذ بدون ميعرف حته رائد بعدين محمد عرف بالموضوع وكام يهددني اذا مرجعت للبيت ح يحجي لامي رجعت للبيت بس كلشي بقه نفس وضعه وبلشت حياتي تصير من سيء الى اسوء من وقتها كمت اسوي اشياء مادري شلون اسويها لو شلون تصير ويايه وره ساعتين كمت سبحت شلتها للحمام كبيت عليها مي وغيرت ملابسها ورجعتها للجربايه لمن جنت اغسللها كامت تتقيأ يعني حتصير احسن شربتها مي ورجعت نامت خطيه متحس بشي لصبح بقيت كاعد ضميري يأذيني شلون اصحح غلطي صار الفجر  واني كاعد انتظرها تحس وماكو تطمنت ع حرارتها لان اذا صخنت الوضع يصير سيء غفيتلي ساعتين حسيت ع صوت الباب يندك كمت فتحت

هميم. صباح الخير

صميم. صباح النور

هميم. هاك امي دزتلكم ريوك

صميم. اخذته وسديت الباب باوعتلها لسه نايمه اخذت كلاص مي وشمرته ع وجها وفزت

زهراء. فزيت ع مي بارد ترس وجهي كمزت

صميم. صح النوم عيني

زهراء. صفنت دا احاول اتذكر شنو صار ويايه وللاسف بلشت اتذكر كلشي مريت بي البارحه

يتبع...