لا تنسون تعطوني النجمة والتعليقات
انجوووي ❤️
* تنويه بسيط الرواية خيالية
لذا أي شيء تشوفونه مو أوفر بالنسبة لعالم الروايات *
——————
أخبرني لماذا عيناك حزينة ؟
——
بلال اعطى الأوراق لنور : وفيه بعد ارسلت لك على الايميل
إذا تحتاج نسخة على الجهاز
نور ابتسم له وغمازاته وضحت : يعطيك العافية بلال
بلال رد له الابتسامة : عاد تصدق غمازاتك تعطيني الطاقة الايجابية الصراحة
ضحك نور وغمازاته زادت وضوح : لا تستهبل وارجع لشغلك
بلال بمزح وهو يروح : أبشر طال عمرك
نور هز راسه وهو يضحك ورجعت عيونه على الأوراق وتكلم عشان يسمعه : لا تنسى تطبع هذي الأوراق لوقت الاجتماع
بلال لف له وأشر على عيونه : من عيوني
نور ضحك أكثر
دخل بلال مكتبه اللي بينه وبين نور
كان يفصل بينه وبين نور باب وأصواتهم كانت واضحة
وكان بلال ابتسامته وسيعة
كان جالس على كرسيّه ووجهه منقلب : على وش هذي الضحكات ؟
بلال تفاجئ ماتوقعه يجي : غريد !
غريد مره تضايق : ايه
بلال : حياك ايش حاب تشرب ؟
غريد واضح على وجهه البكية و تغير صوته شوي : ما راح اشرب شيء
جيت بوقت غلط وأنت مشغول
بلال استغرب: وش فيك
غريد : ما فيني شيء
طلع بسرعة وما قدر يتحكم بدموعه
صاير حساس مره
بس لأنه سمعه يتغزل فيه وبغمازاته
ويضحك معه
ماتوقع ولا واحد بالمية بلال كذا
ليش ؟
——
سليم مو عارف كيف يتكلم معاه
واضح إن سدن متوتر ومنزل راسه طوال الوقت
وكل دقيقة يعدل نظارته
سدن : اممم احس بغرابة شوي هههه
سليم : ليش ؟
