رواية الميدوسا (بقلم كوكا اشرف )
الفصل العاشر
بعد مرور بعض الوقت
كان بالخارج غالية وغانم وتغريد والتي اصرت تحضر حتي تشمت بها
دكتور عبد الحليم وبجانبه دكتورة النسا : احنا اسفين هي تم اغتصابها فعلا
ظلت غالية تصرخ وتلطم اما غانم فنظر للدكتور بغضب :فين الكلب اللي عمل كدا لازم يموت
اما سالم كان في دنيا اخري جالس في الارض ويضع راسه بين كفه
تغريد بشماته : قولنا بلاش بيات وسرمحة بس نقول ايه الي واخد علي الوساخة ميعرفش ينضف
نظرت لها غالية بصدمة : انتي بتقولي ايه منك لله بنتي دكتورة وبتعالج ناس كتير وساخة ايه منك لله ياشيخة ربنا ينتقم منك
غانم بصوت عالي : اسكتي خالص انتي السبب انتي الي مشجعها قولنا بلاش كنتي بتشجعيها علي العلام وبعد العلام البيات برة البيت ومش انتي وبس انتي وجوزها
ثم نظر الي سالم : عجبك الفضيحة السودا اللي حطت علي راسنا كلنا وطالتك انت اول واحد اشرب بقي ياراجل اشرب عار وفضايح
بعد مرور يومان كانت فاتن فيهم تعرضت لانهيار عصبي وبعد فوقنها كانت كالمغيبة تبكي ودون كلام وكان الخبر انتشر بالبلد كمن اشعل فتيل نار في كوم قش
في منزل سناء بالاسكندرية
سناء في الهاتف ببكاء : يانهار اسود ياعيني عليكي يابنتي ياحبيبتي انا مكنتش مرتاحة ياغالية لرجوعها عندكم
غالية ببكاء : سناء ابوس ايدك تعالي هنا انا هنا لوحدي والبت بتضيع مني الله يخليكي تعالي نشوف حل سوا
سناء : جاية والله مسافة الطريق واكون عندك
بعد ان اغلقت الخط
مريم بتاثر : في ايه حصل ايه ياطنط
سناء ببكاء : واحد كلب اعتدى علي فاتن في المستشفي والكل عرف وكله بيقطع فيها طبعا ومنهم اللي بيقول هي السبب هي كانت راضية والبت دخلت في حالة غريبة لا بتنطق ولا بتتحرك مبتعملش حاجة غير العياط اللي انا خايفة منه حماتها وجدتها والكلبة مرات اخوها
مريم بدموع : ياحبيبتي ربنا يقويها
بعد مرور ساعة كانت سناء في السيارة متجهة الي البحيرة
بعد مرور بعض الوقت كانت سناء وصلت الي البحيرة
دخلت سناء جريا الي غرفة فاتن
عندما رأتها فاتن ظلت تبكي بعنف واخيرا تكلمت : شوفتي ياخالتي اللي حصل دبحوني ياخالتي انا ادبحت وحياتي خلصت طيب كان موتني بالمرة طيب
ظلت سناء بجانبها تهدئها حتي هدئت ونامت فخرجت
غالية : انا قولت انتي الوحيدة الي هتعرفيها تخرجيها شوية بشوية من حالتها دي
بعد مرور قليل من الوقت دخل غانم وتغريد من الخارج
نظرت تغريد بسخرية منهم :الله متجمعين عند النبي حمدلله علي السلامة ياخالتي
نظرت لها سناء ولم تجيب
تغريد : صح يا اما غالية اخويا سالم طلق
الدكتورة
قالت كلمتها الاخيرة بشماتة
بينما كانت غالية تبكي بقهر ثم نظرت الي غانم : اشحال كان هو اللي بيوديها ويجيبها وعارف كل حاجة عنها وانها اتدبحت يشارك في دبحها
غانم بغضب : والله الراجل ملوش دعوة بوساخة بنتك تلاقيها كانت مقضياها مع الكلب ده امال ايه الي هيشجعه علي ده غير لو لاقي قبول منها
قامت سناء وخلعت حذائها وضربت به غانم وتغريد
غانم بعصبية وهو يمسك ايدها : والله لولا انك خالتي وفي سن امي كنت كسرتلك ايدك دي
بصقت سناء عليهم بقهر : انت واحد @#@$ لما تتهم اختك كدا وترمي ودنك لمراتك ال @#4 وتصدقها ملكش الا الشبشب والحمدلله ان التاني طلقها مع اول مشكلة باعها الحمدلله انه بان علي اصله بس نقول ايه ابن فتحية واخو تغريد هيبقي ايه غير واطي خسيس البت دي انا هخودها وارجع اسكندرية وحسك عينك ياغانم تعترض ولا تقول حاجة قسما عظما لكون طالعة علي القسم واقولهم انك ضربها وهتقتلها واعملك محضر عدم تعرض وبردو هخدها هي مش عيلة
غانم بغضب : تغور في داهية دي مجاش من وراها غير الفضايح ياريته كان قتلها وخلصنا منها
صعد غانم الي منزله وجرت ورائه تغريد وهي خائفة من سناء
في اليوم التالي كانت ورقت طلاق فاتن وصلت ورائتها فاتن وظلت تبكي بحرقة
فاتن : طيب ليه دانا قولت الوحيد العاقل اللي هنا الوحيد اللي فاهمني يطلع زيهم ويكمل عليا ليه طيب ليه بجد انا عملت ايه وحش في حياتي يحصلي بسببه كدا
اخذت الهاتف واتصلت علي سالم
رد سالم : انا اسف
فاتن بحرقة : ليه طيب ليه تعمل فيا كدا
سالم : مقدرش اتحمل العار دا يافاتن انا مهما كان راجل فلاح وكمان ازاي ارفع راسي في وسط الناس وانا مراتي لمسها راجل غيري اقف ازاي تاني في وش امي وستي واختي بااي وش طيب ياما يافاتن قولتلك بلاش بيات وكنتي بتستغلي حبي وتخليني اوفق عجبك كدا اللي حصل انتي السبب احنا هنا مش في اسكندرية واهو اديكي جبتيلي العار انا وكل العيلة بسبب عنادك
اغلقت فاتن الخط دون كلام وظلت تبكي بحرقة وانهيار
امسكتها سناء من ذراعها : فاتن لازم تقفي علي رجلك انا هخدك ونرجع اسكندرية وتبتدي حياة نضيفة من غير ناس سودا الكره والحقد والسواد مالي قلوبها وصدقيني يابنتي داين تدان وبكرة تشوفي ربنا هيجبلك حقك ازاي وكل اللي كسروكي وشمتانين فيكي بكرة هتشوفي كسرتهم بس لازم تفوقي يابنتي قومي هنلم كل هدومك وهتصل بالعربية تيجي تاني ونرجع
اخذت سناء تلم في كل امتعة سناء وبعد مرور بعض الوقت كانت سيارتها وصلت
وهي نازلة كان بانتظارها في الاسفل جدتها وفتحية وتغريد والتي ينظرون لها بشماتة
فتحية : بالسلامة يابنت اخويا
تغريد : ابقي خلي بالك من نفسك يادكتورة ولا اقولك ياطليقة اخويا
جدتها : غوري من هنا ياوش الفضايح منك لله جبتلنا العار كلنا
ظلت فاتن تبكي بقهر
سناء بعصبية : كل واحدة عنده كلمة شبه وشه يخليها في بطنه احسنله انتوا عارفين انا لساني طويل ومبيهمنيش حد هنا اهي الحمدلله هتخلص من سوادكم وقرفكم منكم لله اللهي تتكسروا زي مانتوا كسرنها
اخذتها سناء وركبت وذهبت الي الاسكندرية
في مكان اخر بالبحيرة
علي متحدثا الي طبيب الصيدلية
علي : والله لو معطتني الفلوس عشان اكت من البلد دي واغور في اي مكان تاني لاكون طالع في وسط البلد وافضحك واقول انك كمان الي قولتلي علي سكة المخدر الزفتة مراتي عرفت ومرضتش تديني فلوس وانا عاوز امشي من هنا بااي طريقة بدل ماغانم يدور عليا
الدكتور : طيب هما 5 الاف جنيه الي هتخدهم ومشوفش وشك تاني هنا انت فاهم ولا تفتح بوق الله يخربيتك علي بيت معرفتك السودا ياشيخ
اخذ علي المال وهو خارج
الدكتور : هتغور فين بقي
علي : والله ماعارف لسة هروح محطة القطر اشوف بس احتمال اطلع مصر اشوف هناك شغل
خرج علي فقال الدكتور : في داهية ياشيخ دانت كلب
يتبع .........
أنت تقرأ
رواية الميدوسا
Ficção Geralمفيش بنت متعرضتش للتحرش وفي كتير منهم أتعرض للاغتصاب كمان وفي غالب الاحيان هتكون البنت اللي ملامة في الموضوع ده مش الراجل اي حالة هتلاقوا الناس بتقول للبنت انتي السبب الاغتصاب والتحرش مش مقتصر علي البنات دا كمان بيتعرضله فئة كبيرة من الاطفال وحتي ال...
