هياء : الوو يالفاشه ( سبه )
ايلان وهي تتثاوب : هاهه شنو فيه وش تبييين يالمزعجه
هياء : غبيه انتي غبيه ؟؟؟
ايلان : لا مو غبيه ذكيه بس هدرجي وش عندش
هياء : تراتس صايره مستفزه ، ماعلينا بكره بنروح للحديقه تعالي معيي
ايلان بوناسه ( متفقه مع ترف قبل تدق على هياء ) : تكفينن يارب سعود معكممم
هياء بعصبيه : ماتستاهلينننن احد يدعيتس ويشيل همتس يلا تقلعي تقلعي
ايلان انفجرت ضحك : اييه قولي تجبيييه ليه تكابرين ياهياء ترى الحب شي حلو
قاطعتها هياء : اصه اصه ادري ان ترف قالت لتس وربي ما اخليكم هين هين
ايلان : ترى بجي بكره ، لاتكبرين الموضوع ياقلبي
هياء ابتسمت : كلبه تدرين اني خفيفهه
ايلان وهي تضحك : خبز ايديي
هياء : يلا روحي اخمدي
ايلان : يلا بايي
هياء : بايي
-
ام ثامر ب ارتباك : جهزتوا الي قلت !!
المتصل : ايه تجهزنا بس اهم شي الفلوسس
ام ثامر بسرعه من شافت ثانر طلع : موجوده موجوده اهم شي الي قلت
قفلت الخط بتوتر
ثامر : هاه يمه خلصتي الشنط ؟
ام ثامر : ايه يمه
ثامر : يلا توكلنا على الله
ام ثامر بتوتر : توكلنا على الله
-
تتوقعين ينساني ؟
: ليش هو قال لك يحبك ؟
: لا ماقال بس نظراته تقول تكفين نورره
نوره : اذا ماقال يعني مايحبك شفيك انتي ترى صايره لزققه
: يختي احبه شسويي بيروحون اليوم للرياض ويمكن ماعاد يرجعون
نوره : احس خليك انتي كذا دايم غبييه كم مره اقولك ياديم اعترفي له اعترفي له ماتسمعين الكلام
ديم : شسوي الحينن
نوره : من حظك بنروح للرياض الاسبوع الجاي
ديم : الحمدلله يسس
نوره : مطفووقه
-
هياء : قومي قومييي هببه يلا قووميي
هبه بصوت شبه قاعده : هاه وش تبينن
هياء : ابي العلوم الزينه ذلحين انتي قومي بالاول
هبه : هاه هاه يالمزعجه قمتت
هياء : يلا بروح اقوم سديم
هبه : طيب
راحت هياء من هنا رجعت هبه نامت من هنا
-
سديم : راكان قووم
راكان :......
سديم: راكانننننننن
فز راكان بخوف
سديم : ماينفع معك الا كذا يالعبيط قمم بسرعهه امي معصبه
راكان بسخريه : امي ؟ تبيني اصدقتس الحين انه امي معصبه لاني ماقمت ؟ من يوم وعيت على الدنياء وانتي امي وانتي اختي وصديقتي ماعمري حسيت ب ان امي امي كم مره احتجتها ولا لقيتها ... واللي يعافيتس جهزي ثوبي واكوي غترتي
سديم والدمعه في عينها من كلامه لفت للجهه الثانيه عشان مايشوفها : اا..اا.. طيب ان شاءالله
راكان حس فيها مسك يدها وضمها بقوه وقال: ما ابيتس تزعلين عشان ذا الشي ابداً متى ما احتجتي شي تجيني على طول واذا ضايقتس شي ماتجين الا عندي واذا تزوجتي يكون افضل
سديم وخرت عنه وضربته خفيف : يامعوق خربت اللحظه الحلوه، معليه على قلبك ماراح اتزوج ويلا رح تروش على ما اكوي ثوبك وغترتك
راكان ابتسم لها : من عيوني يانور عيونيي
سديم ب ابتسامه هادئه : تسلم عيونك يلا روح يامغازلجي
راكان ضحك وراك يتروش وهي تكوي له الثوب والغتره
-
سعود : على وين على وين ؟
هياء : شدخلككك
سعود: ابو سالم ابووه
هياء : ابوه ولا عمه ؟ ههه ادري تضحك بس انت سخيف المهم سديم وينن
سعود : مخلفها وانا مدري ؟
سديم جات : هاهه انا اهنا ، لاتقنعوني انكم تتهاوشون عشاني
هياء : سديموووه سرعهه ترى بعد نص ساعهه بنروح للحديقهه
سعود : وربي بزررر ، بعديين تعالي ليه شعرتس من وراء باين ؟
خالد من وراهم : شيخ مبارك ههههههههههههههههههههه
هياء غطته بسرعه : تقلع انت وهو يلا لا اعلم جدي
خالد : سعودددد صق انت بتتزوج
انصدم سعود وانلخم خاف جده سوى اللي براسه صق : منن قال ؟
خالد : هياء تبشرنا امس حليلها ( قاصد انه ينغزه يبي يتأكد هو يحبها ولا لا )
سعود بعصبيه طفيفه وناظر هياء : اي ان شاءالله بخطب ايلان
خالد انصدمم وهياء مو اقل منه وسديم مستغربه صدمتهم
هياء راحت لقسمهم وارتمت على السرير وقامت تبكي هي بنفسها ماتدري ليه تبكي بس انها تأكدت من كلام ترف ! وانها تحب سعود !
خالد انصدم ؛ ياهووه وش اللي ايلان
سعود : لايكون تبيها ؟ انا ماراح اتزوج ابد تفهمون ؟
خالد ارتاح : ايه نفهم خلاص ياحبيب
سديم :وش فيها ايلان تجنن ليه ماتاخذها ؟
خالد قرصها بشويش يبيها تسكت
سديم : ااح
سعود : شفيتس
سديم : ولا شي بس بلحق الديك شفيها راحت
خالد : يمكن انجحرت ياقلبي
سعود : يا ايش ؟
خالد بربكه : ياقلبي ، وش فيها ؟
سعود : قلبك اها خلصت من اخوك حولت عليك
سديم : شقاعد تقول انت ؟
رجع سعود بالوقت الى امس الساعه ٥ العصر ( هبه يووه تكفين احبتس بزوجتس اخوي راكان هياء ردت بمزح : يوه استحيت او شي كل ذا تحت مسامع سعود اللي انلخم ورحع بسرعهه
هياء كملت وقالت : تحسبين بيكون ذا ردي ؟ وعع لو اخر واحد بالدنياء ماتزوجته )
سعود : ولا شي بس سمعتكم بالغلط وانتوا تخطبونها ل راكان
سديم ضربت جبهتها : يافاهيي كملت السالفه ولا بس البدايه ؟
سعود وهو رايح : مو مهم !
سديم ناظرت خالد : شفيه ؟ لايكون يحبهااا
خالد : ايه يالغبيه يحبها بس مدري تحبه او لا ؟ كنتي بتورطين بنت الناس مع سعوددد وهو قلبه مع هياء بس الواضح انه فيه سوء فهم صاير وانا مو داري
سديم : ايه ماسمعته يقول سمعنا وحنا نخطبها ل راكان
،وبعدين ليه تقبصني اجعتنيي
خالد : ممعليش ياحياتي انا بس وربي بالغلط ابيتس تسكتين
ويلا الحين قولي لي السالفه كامله
قالت له سديم السالفه
-
ثامر : يمه ريحي ذلحين وفي العصر بنروح للحديقه نرفه عن نفسنا شوي
ام ثامر : ابشر يمه بس نام انت الحين
ثامر : يالله ماطلبتي شي لبيتس
ام ثامر : الله يلبيك
-
هبه : هياء يالله كلنا هنا الا انتيي
هياء وهي تلبس النقاب : يالله جايهه
هبه : بتجي هالحين
الجد : صراصير الحب وينهم ( يقصد ساره و عناد )
الكل فطس ضحك
ام عمر : ياعمي بيلحقونا
الجد : زين ، ركين
راكان : لبيه عيوه قلبه روحه قاطعه الجد : افووه جعل ماني بزوجةً لك الغزل ميت
سعود ماكان باله معهم كان يفكر برده فعل هياء وليه راحت مستعجله ؟ وهل يمكن تحبه ؟
سعوودددددددد
سعود : هاه هاه محد يفكررر
راكان : الا ياحيي بس مو هنا في السياره
سعود : ياعع لايدرون اهل حايل قتلوك
راكان : على تبن
سعود مارد عليه وراح للسياره
السياره الاولى كان فيها
( الجد في المرتبه الاماميه مع سعود ورى سعود على طول امه وجنب امه خالته صفيه وجنب صفيه خالته حصه والمرتبه اللي ورى هياء وهبه وراكان و خالد )
الجد : ياسديم انتظري مشاري واهله واركبي معهمم يابوتس المكان حشره ( مايدري ان هياء وهبه متحاشرين غصب يبونها تروح مع مشاري )
سديم: طيب ياجد
وراحوا
-
رسيل : مشاري
مشاري : هلا
رسيل : سديم تقول انها عند باب الرجال روح هناك
مشاري : وليه نروح ؟
رسيل بملل : سديم ماجا لها مكان فقال جدي تروح معنا
مشاري وهو يحس قلبه شوي ويطلع منه : تمام قولي لها تجهز
ام مشاري : الا ابوك وينه ؟
مشاري : راح مع عمي ابو عمر
ام مشاري : الاثنين ماهم عاجبيني فيهم شي احس ابوك مخبي عني شي
-
الجد : هياء
هياء من وراء وهي تحارش راكان : لبيه ياجد
الجد : وش فيه صوتس
هياء : المخنز راكان يحارشني
الجد : راكان من يوم شفته يقول لي مخرف وانا داري انه معوق
راكان وهو يدلع لسانه ل هياء : والله ياجد امزح شفيك شادها وشخصنتها
الجد : تلايط على تبن
راكان وهو يعدل غترته : من عيوني بس وينه
هياء : هو وينه بس ويننه ادعي الله كلل ليللله
قاطعها خالد : احساس من اعماققق اعماقق التراب
هبه : اول مره اتفق معكك
خالد : اكلي تبن ، سعود هدرج علي وانا اخوك ذبحني الزهق
سعود بدون نفس : ماعندي سالفه
الجد ؛ حالك ماهو بعاجبني
ناضر بالمرايه اللي كانت مرتكزه على هياء وتنهد
-
سديم : عمه تقول رسيل شوي ويجون
ام عناد : وربي سحبوا علي سحببه
سديم : والله احسبتس معهمم مالاحضت
ام عناد : يلا ماعليه
جات السياره وركبوا
ام عناد : السلام عليكم
ام مشاري و مشاري و رسيل : وعليكم السلام
سديم ركبت وكانت وراء مشاري وجنبها عمتها وعند الباب الثاني رسيل
مشاري ناظر المرايه يبي يشوفها وهي التفت نفس الوقت وتلاقه عيونهم اللي ماكان من صالحهم انها تتلاقى لانها بعثرت كل اللي داخلهم
-
انتهى .....
