هياء لبست عبايتها وشافت الساعهه طلعت ٣:٠٠ شافتها هبه
وقالت : هياء على وين
هياء : بروح ل ثامر ابي اكلمه
هبه :وش اللي معتس ؟
هياء : البوم صور ابوي ياويلتس تقولين ل احد
هبه ناضرتها : شدعووه
وراحت هياء وهي تربط نقابها بعشوائيه
-
نادر ماقدر ينام كيف يصارح اهله او بالاخص ابوه لان امه متوفيه من زمااان الله يرحمها
نادر كان جالس في حوشهم ويتذكر امه ويبكي ايه يبكي تذكرها اليوم واجتاشت مشاعره ماقدر يمسكها ابدد
-
نوره اللي جمعت اغراضها وحلفت ماتقعد بذا البيت لو تموت وطلعت بهدؤ وراحت تمشي ايه الساعه ٣ وتمشي لحالها كانت مرره خايف بس تستقوي مرت جنب بيت كانت انوار حوشه مولعه قالت بداخلها ادخل ؟ لا لا وش بقول يعني والله انا هربت من خالتي المجنونه ؟ لا لا وكملت طريقها وشافت ظل طويلل والشعر كدش وبدت تمشي بسرعه وهو يلحقها شوي لين سمعت ضحكاته وخافت لفت وشافت واحد شكله يخووفف مررره وصرختت بقوووه
اما عند نادر اللي سمع صراخ قوي واضح انهه صراخ بنت وراح يسعى يلحق عليها لايكون طلع لها شي شاف ظلها من بعيد ودخنون وقاف معها ويبي يشلها زادت قوته بالسعي عشان البنت قرب وشافها تبكي بقووه
نوره اللي شافت واحد جاي يسعى وخمنت انه جاي يعاون دخنون وقامت تصارخ ماحست الا وهي تقول اول اسم عرفته بالديره ايه نادر استفزعت به وقالت : نادرررر افزع ليي انت قلتت مابتخلينييي
نادر تنصم من سمعها تستفزع به الصوت موب غريب عليه ومسك دخنون من شعره وقام يشدده لين طيح نوره وقامت تسعى من الخوف وتتلفت وتطيح وتقوم
لحقها نادر وهو ينادي يقول : يابنتت انتظرييي
سمعته نوره ووقفت صوته تذكرته على طول وجلست بشكل غريب وقامت تبكي بقووه قرب منها : انتي كيف تعرفيني ؟ كييف ناديتني واستفزعتي بي
نوره : انا نوره
نادر بعدم فهم : طيب ؟ كيف تعرفيني
نوره : انا اللي خالتي تبي تغصبك تتزوجني
انصعقق نادرر من اللي قالته : وشوو وليه تطلعين بذا الوقتت
نوره بسخريه : ابي افكك مني وافك نفسيي
نادر : بس مو بذي الطريققققه !
نوره : هجل كيف تبي الطريقه ؟ انتحرر؟ انا تخلووو عني امي وتزوجت وخلتيي عند خالتي المجنونهه واختي وخذلتني ووقفت مع خالتي ضدي ! وش عاد ناقصني خلاصص اكتفيت بذي البلاوي اني اتزوجكك اتزوج واحد مايبيني ؟؟
مسك نادر جبهته ومسحها بتوتر اول مره احد يفضفض له : ارجعي لبيتكم صدقيني المكان ماهوب امن لش !
نوره بسخريه : مابي ابي اموت خلاص تكفى اذبحني
-
هياء شافت العيال كلهم نايمين وراحت ل ثامر وبدت تصحيه بشويش : ثامرر قووم
ثامر بنعاس : هاااه
هياء : قوومممم
قام ثامر بس مو ثامر لحاله سعود بعد قام بس مابين لهم
ثامر : هلا هلا هيون شتبين ؟
هياء ابتسمت من مناداته لها ب هيون : جبت صور ابوي تعال الحوش نشوفهم
ثامر بوناسه : يلاا
-
نادر صد وضرب رجله بالارض : مجنونهه انتيي كيفف اذبحشش
نوره : طيب مستعده اكون خدامه في بيتكمم !
نادر لف عليها : مجنوننه انتيي
نوره : اصير راعيه غنم ماعندي مشكله ارجع للمجنن لااا
نادر بهدوء : فيه ناس بتحبينهم وبيحبونش وانا داري انهم بيصونونش
نوره : ماعند مشكله ودني لهم
نادر : عنيددهه
نوره بحزن : طالعه على ابوي الله يرحمه
نادر : الله يرحمه يلا مشينا اوديش لهم
نوره قامت وهي عارفه انها موديه نفسها للتهلكه بس مكمله بنظرها تموت وماترجع ل خالتها
-
هبه ماقدرت تنام وقالت بنفسها بروح اشوف وش يسوون ولبست عبايتها وجات بتروح للحوش قاطعها دق الباب خافت هبه مرره وراحت تركض داخل من الخوف
هياء : ثامر سمعت صوت ؟
ثامر بقلق : اي سمعت
قامت هياء تبي تشوف الا سمعت الباب يدق لفت على ثامر انا بدخل انت شف من
ثامر : تمام ادخلي
نادر : يووه ساعه مابغيتوا تفتحون ؟؟
ثامر : شايف الوقت ؟ الحمدلله والشكرر احد يجي ذا الحزه
نادر : شغلك بعدين ادع وحده من البنات اللي داخل !
ثامر بشك : وش تبي بهم ؟
نادر : ابي اسهر مع وحده واخذها في احضاني
ثامر بعصبيه : تعقببب
نادر عصب منه : من جدككك انتتت وش ابي بهم اذا ماكان الموضوع مهمم
سعود من ورى : حياااك نادرر
نادر : ادع لي وحده من البنات !
سعود : اعقبب وش تبي بهم
نادر غمز ل ثامر : صراحه ابي وحده خصيصاً
سعود : اعقب ويا وجهكك ويلا تقلع جاينا انصاص الليول وتمرس شكلك سكران
نادر : ابي هياء ادعوها
سعود مسكه من ياقته ونادر ميت ضحك : فكني يبن الحلال امزح
سعود : على بالي بعد
ثامر : تمام بدعي اي وحده قدامي
وراح ثامر يدق الباب وهياء اصلاً راحت ترقد بقى هبه بالصاله لحالها هبه : هلا من ؟
ثامر : انا
هبه : اتحلم من انت ؟
ثامر ضحك : ثامر
هبه انخرشت : بفتح الباب وانت ادخل
ثامر : لا لا تعالي ابي اي وحده منكم
هبه : تبي هياء ؟
ثامر بدون وعي منه : ابي هبه اي وحده منكم ؟
هبه بحرجج : وش تبي بها ؟
ثامر : هاه ؟ قصدي اي وحده عادي يلا
هبه : جايهه
وراحت لهم هبه وكان ثامر منحرج من نفسه
نادر لف ل نوره شافها تشتت نظرها ماتبي تشوفه
ابتسم بهدو
ثامر جا وهبه وراه
نادر : انتي سديم ؟
سعودد بمزح : هييه وش تبي بمحارمنا
هبه : لا
نادر : هجل هبه
هبه اؤمات بهدوء لف لها ثامر وابتسم وصد
نادر : يهلا والله كيفش ؟
هبه : الحمدلله انت كيفك ؟
نادر : بخير نحمدلله ، جايش بموضوع
هبه : امرني
نادر : لحالش
سعود بصدمه ؛ انت صاحييي
نادر لف وشافوا البنت الي وراه واستوعبو
ثامر سكر اذنيه بعبط : ما اسمعع
نادر ضحك : سرر امها بس
وراحوا العيال
لف ل نوره : ادخلي نوره
ودخلت تحت صدمه هبه : متى تزوجت ؟ ولا تعزمناا
نوره بحرج : ماحنا متزوجين
نادر : بنصير متزوجين
نوره انصدمت من رده
هبه : امروني اقدر اساعدكم ؟
نوره قالت لها قصتها من الى تحت صدمه هبه ونادر من معاملة خالتها لها !
نادر : خليها عندكم خالتها مجنونه
هبه ضمه نوره : ياقلبي هذي مو بس بحطها بالبيت هذي بخليها بقلبي واقفل عليها
ضحك نادر وقال : خلاص هجل بس اذا تزوجتها طلعيها من قلبش وبدخلها انا قلبي قاله بعفوييه مرره بس بذي الكلمات حرك مشاعر نوره اللي حست انها مستانسه من كلامه
هبه اللي صفقت وقالت : عشنا وشفنا نادر يتغزلل
وراح نادر وهو منحرج ودخلوا البنات وهبه تبي تقول ل اهلها بكره هبه : عادي ادردش معتس ؟
نوره : لهجتكم حلوه بس غير عن بعض
هبه : كيف ؟
نوره : يعني نادر يقول كيفش وانتي تقولين كيفتس
هبه : اهااا لاا هو جنوبي وانا نجديه
نوره : طيب كيف جيتو هنا ؟
هبه : لان جدتي اللي هي ام ابوي كانت عايشه هنا وهي اصلاً جنوبيه فهمتي ؟ ف نجي هنا كل فتره ولا حنا ترى مولدين في نجد الا سعود و مشاري هنا بالجنوب ويتقنون اللهجه زينن
نوره : خلاص بتكلم زيتس
ضحكت هبه على نطقها وخذتهم السوالف لين ناموا
-
انتهى
