ثامر : ابي اعرف ياراكان وين رايحيننن
راكان : مكان بيعجبك احسك جوي وجبتك معيي
سمعوا صوت صراخ : راكان تسمعع
واكان : ايي اسمعع مشينااا
ثامر كان قلقان وخايف ومتوتر
-
هياء جات مسرعه وماشافت اخر درجه وبغت تطيح لاكن ايد سعود اسرع منها دفته : ما احتاج مساعدتك ياكذاب !
سعود حس روحه تنخنق وهي تقوله كذاب وهي حتى ماسمعت شي ولا خلته يبرر
نادر بخوف : يلا يلاا
وراحوا الاربعه
-
ترف : لاحول ولا قوه الا بالله الله يعين اهلها
ايلان : يختي حنا مبطين من البنات مشينا لهم
ترف بضحك : وش الي مبطين وحنا امس متكين معهم
ايلان نزلت راسها ب احراج
ترف : تراه يحبتس
ايلان رفعت راسها بسرعه وعلامات تعجب على وجهها
ترف : بسم الله شفيتس كني راشه عليتس ماء بارد
ايلان : ركزي معي ! منهوو ؟
ترف : خ
ايلان : بلا عبط من
ترف : خالدددددد
ايلان كانت بحاله صدمه : وشوو
ترف : اي ولله يوم ضعت ذاك اليومم قال ثامر لا ايلان قلبه او ايلانه هي قلبه شي زي كذا وتنرفز خالد عشانه فضحه
ايلان بخجلل واضحح : خلاص لاتكملين
ترف : عشتوووو واخيراً شفتس تستحينن
ايلان : وجعع صق ماتخلي الواحد يستكنن
ترف : هدي هدي شفيتس المهم يلا اعجلي نروح للبنات
ايلان : لا لا مابروح اعرف نفسي بخورها
ترف : عادي اصلاً كنت بقولهم
ايلان : وشوو انجنيتيي
ترف : عادي ترى
ايلان بمكر : خلاصص هجل نقول لهم عن حزام
لف لها ترف بخوف : اي حزاممم
ايلان : سمعتش وانتي تتكلمين وانتي نايمه تقولين حزامم
ترف : وجعع خلاصص
ضحكت ايلان بقوه
-
نادر بقلق واضح : هاه يادكتور بشر ؟
الدكتور : الواضح انه ماعاد قدرت تتحمل كثير جاتها صدمه وهي الحين بخير تقدرون تشوفونها
نادر ناضر هياء وسعود : بدخل لحالي عادي ؟
هياء وهبه علمتها كل شي عن نوره : اكيدد اكيدد
سعود تنرفز: وش اللي اكيد انتي بعد منت محرم لها عشان تدخل يانادر
نادر وهو يرص على اسنانه : سعوددد عساس انت المحرم لهااا
هياء مسكت راسها : خلاصصص سعود مالك دخل خله يدخل ياخي
سعود : نادر انتبه انا اعرفك عاطفي زياده عن الزوم
ربت نادر على ضهره وراح
هياء مشت تبي تروح تشرب مويه
سعود : على وين يالطيبه ؟
هياء ويسوي متحكم وهو ماعنده ماعند جدتي : مالك دخل
سعود تنرفز وصر على اسنانه : تكلميي زيننن ترا مو احسنن لتسس
هياء تجاهلته وراحت وهذا اللي قهرر سعود وراح وراها على طول ومسك معصمها وهو يحاول مايصارخ وهو يعرف انها ماتحب الصراخ : اقولتسس وينن رايحهه
هياء تألمت : فك يدي بالاولل توجعنييي
سعود مسكها زياده : قلتت وين بتروحين اذا كلمتس ماتعطيني ضهرتس وفك يدها ورجع للمكان
هياء بهمس : متخلفف
سعود يبين مو مهتم وجلس عكس اللي داخله
-
نوره كانت تناظر الفراغ ودموعها تنزل بغزاره
نادر تنحنح :كيفش هالحين ؟
لفت له نوره وزاد بكاها :كلله منيي انا اللي خليتهااا ورحتت وانا عارفه اني خليتها عند مريضههه
نادر : مو وقت اللوم صدقيني
نوره : مقدر مقدر
نادر : اسمعي للحين امش ماتدري بشي اتصلي وقولي لها
نوره : امي باعتنااا تزوجت ونستناا ولا حتى كلفت على نفسها تتصل وتقول بناتي كيفهم وش صار فيهممم
نادر : اعرفي اكيد انها تمر بظروف مستحيلل تتركم كذاا
نوره ابتسمت ب سخريه : ايي مرههه واضح
نادر بنفاذ صبر : لازم تقولين لها
نوره : خلاص بدق
نادر عطاها الجوال عشان تدق
نوره : الو السلام عليكم
ام نوره ب استنكار : نوره ؟؟
نوره بنبره باكيه : اييه
ام نوره : شفيه صوتك ؟
نوره بدت تبكي بقوه : ديم ديمم
ام نوره ببرود : شفيها ؟؟
نوره : ماتت لا لا ماماتت خالتي قتلتهااا
ام نوره ببرود غير طبيعي : لا إله الا الله آنا لله وانا إليه لاراجعون ياحبيبتي هذا طريق وكلنا ماشين فيه
نوره بصدمه :اقولك خالتي ذابحتهاااا
ام نوره : طيب ياهشامم ، نوره حبيبي عمك يناديني باي وقفلت في وجه نوره اللي كانت مصدومه
ناظرت ل نادر اللي يأشر لها يقول وش صار : انا موافقه !
نادر بفهاوه : على ايش ؟
نوره خذت نفس : بتزوجك
-
هياء كانت تبي تشرب ماء عاكسها رجال واضح بالثلاثين: هلا والله بالمزه تبين اصب لكك ؟
هياء بقرف بعدت عنه : يع وخر ما ابي اصلاً
الرجل ( استحي اقول لذي النوعيات رجل !) : يازينكك زينهااا ويازين هواشككك معكك
قال كل ذا وماحس الا بسعود انهد عليه وقام يضربه
هياء خافت يجون الشرطه ويتورط سعود وبدت تسحبه تسحبه عشان يفك الرجال : خلاصصص سعوددد
بعد الشين فكه : تفو عليككك ثاني مره قرب وربي ل ارصعك خلها عضه وعبره كل ماتجي تغازل تتذكررر اللي صار لك ياواطي تفوو
مسك هياءمع يدها وسحبها وهو مايشوف من العصبيه
هياء : فكك ايدييي
سعود وهو متنرفز : عاجبتس اللي سواههه عاجبتسس
هياء تبي تضغطه : يمكن عاجبني ليه تتدخل
سعود بعصبيه اكثر : هياءءء ترا ساكت للحينن ولا قلت لتسس شيي
هياء فكت يده : ماقلت لك اسكت لك لسان تقول مابي اتزوجها ومالك لسان تكلمي اصلاً المفروض ما اثق بواحد زيك نذل وكذاب !
وراحت
سعود كان منصدم كيف تصدقق انه مايبيها ولا سمعت تبريره ابداً
وهياء راحت لدوره المياه ( وانتوا بكرامه ) وقامت تبكي : مايستاهلل هياءء مايستاهللل اصلاً انتي ماتحبينهه بس اعجاب ؟ ايوه بس اعجاب !! وزاد بكاها
لا لا مو اعجاب مو اعجاب انا متأكدهه ليه قلبي ينبض لما اشوفهه ليه عيوني تلمعع ليهه ليهههه
-
نادر : وشوو
نوره : اللي سمعت
نادر : وش السبب اللي خلاش توافقين ؟
نوره صدت وهي تبكي ماكان تبي تقول له كذا بس حست مالها احددد بعد الله غيره
سكت نادر الي مايبي يزود ضيقتها : متى تبين ؟
نوره : طبعاً مو الحين
نادر : عارف بس متى
نوره : ثلاث اشهر تكفي ؟
نادر مستغرببب انها ماطولتها !
نوره : ادري مستغرب بس انا مالي بعد الله غيرك بعدين مو زواج زواج بس ملكه كذا بينا البين وبس مابي اغاني واصوات و ازعاج
نادر تنهد : زين حتى انا ما ابي كذا
نوره ابتسمت بهدوء
-
ايلان : ترف ترف يالكلب وين رايحههه
ترف كانت تدخل قسم الرجال تويق فيه : لحظه بسس
ايلان : مالي دخلل انا بروحح داخل
ترف : بلحقتس
ايلان : طيب
ترف كانت تويق تبي بس تلمح ضله لو من بعيد : ياربي ذا ويننن معقوله رجع الرياض ؟ لا مستحيلل هو صديق سعود اف اف منك يحزام تعبتنييي
حزام وراها وهو يكتم ضحكته : افا انا اتعب الترف ؟؟
ترف فزت : ا ا انا بروح ،جات تبي تمشي من جنبه
مسكها حزام : على وين ؟
ترف ب توتر : بروح ل شسمه ل ل ل البنات
حزام رجعها قدامه : تحسين مثلي ؟
ترف بغباء : كيف ؟
حزام قرب لين مابينهم الا تكه : احس بشعور غريب لما اكون قريب منتس احس اني بعالم ثانيي احس ودي اطيرر من الوناسه اذا شفت عيونتس
ترف كانت منلجمه ماتقدر تتكلم ماتوقعت كذا فكت يده بهدوء وراحت
حزام مازعل ابد لانه عرف انها تبادله بعد كلامها عند الباب
-
ترف تضرب راسها ودخلت المخزن عشان محد يشوفها : غبيه غبيه ليههه
حست فيه احد معها بس تجاهلت الموضوع وعدلت شكلها : لازم مايعرفونن وطلعت
رسيل طلعت وهي ماسكه قلبها : الحمدلله ماشافت
راكان بضحكه : احس حبيتها او شي
رسيل ناظرت له : افغص عيونك لو فكرت مجرد تفكير
راكان ضحك بقووه : ليهه ان شاءالله شدخلتسس
رسيل انحرجت وشوي وتبكي من تعامله : ياخي انا ما اصادفك الا وتسد نفسي
قالته وطلعت براء وهي تسعى
راكان مسك راسه : غبي غبيييييي اااهخ من مخييي
قبل لاتدخل ترف ب عشر دقايق
رسيل كانت تشطف السراميك حق الحوش فجأه حست ب احد مسك فمها وغطاه وقاعد يسحبها كانت تقاومم بس ماقدرت راكان : هذا انا لا تسوين شي
فكت ايده وبعدتها بقوه وقامت تضرب صدره : ب اي حققق ب اي حقققق تمسكنيي وتاخذني هناا لو شافونا وش بيسوون ماحست الا بالي حط اصبعه على فمها من فوق النقاب : اشششش صوت رجلينن
سكتت رسيل وشافت ظل جايهم يركض ومسكت يده وانحشروا بين الجدار والدولاب
عشان كذا هم منحشرين قبل شوي
-
هبه : هذا الي صار
ايلان بتعجب : احس قد لي منكم سننه كل ذا بيوممم
هبه : اي والله
شوي ودخلت ترف
ايلان : ايييه حتى حنا عندنا علومممم
ترف ناضرتها : لا لا ياغبيههه اسكتيي
ايلان بنذاله : ترف تحبب ح
هبه ضحكت بصخب : حزاممم
ترف فكت النقاب وقامت تهوي وجهها ب ايدها
ايلان :وش دراشش
هبه :انا هبه ام العلوممم ولا ادريييي
ايلان مدت يدها يسوون هاي فايفس
ترف : احس توتر او شيي
ايلان : ليهه
ترف قالت لهم اللي صار والبنات فطسواا
رسيل من ورا : امبيهههه ماتوقعتتت
ترف لفت : تكفيننن لاتزيدين احراجي
ضحكوا البنات عليها
رسيل : اقول لكم ولا بتضحكون
البنات بصوت واحد : قوليي
رسيل غمضت عيونها وقالت : اا انا احب راكان
فتحت عيونها لما شافت الهدوء لما فتحت انفجروا البنات ضحكك
رسيل بزعل : وجعع ترا بروحح
هبه : يوهه تكفيين تليقوننن لبعضض هههههههههه
ايلان : اخر شي توقعتههه
ترف : ماعليكم منها مسويه طالعه منها هي والعاشق الولهان خالددد
هبه انفجرتت ومسكت بطنها : بناتت مقدرر مقدررر بطنييييي
ايلان دفت ترف : ياخاينهه
ترف : انتي بديتييي
رسيل : حسيت ب الانتماءءء
سديم وهي تنزل ممن الدرج : وانا بعد ا ا احب مشاري
البنات ماتوا ضحكك
هبه : يوهههه تكفونن طحتوا ومحد سمى عليكم ماعاد اقدر اصبرر بطني اجعنيي مقدرررر
البنات : وجععع
ايلان بمزح : عاد سديم ومشاري حب عجايز
ضحكوا البنات
رسيل سكتت شوي : وش قصدتسس في اخوييي
ترف مسكت بطنها من الضحك : جاتكم ذي بعدد لحظه ادراكك متأخره جداًًًً
هبه : الله يعيني عليكم ياللي تحبوننننن
البنات ناظروا بعض وفهموا النظره
هبه ب ارتباك : لا لا حبايبي لا انا احبكممم
ما امداها تكمل الا ولحقوها
-
راكان : حزام حدني عليك الشين بس احس ودي افضفض
حزام : خلنا نتخطى حدني عليك الشين عشان ماتصير علومم
راكان بمزح : وش بتسوي يعني بتسجني
حزام : هه هه هه تكفى مره يضحك
راكان بجديه : لا صق بقول لكك
حزام : اخلصص
راكان مسك قلبه : طحت ومحد سمى علي
حزام ضحك : يوهه تكفى نفس الحالههه
راكان : اعترف منن
حزام : انت اولل مننن
راكان : لا انت اول
حزام : لا انتت
قاطعهم دخول سعود : ياهوهههه اليوم خطبتي ودخلتيي ومحد منكممم تكشخ وانا بعدد ابي احلقق يرضيكم ادخل عليها كذا مبهذل
حزام : يلا خلنا نجمع السلق ونروح
راكان : انت سلق
حزام : انت قاطعه سعود : خلاص عاد يامبزرهههه
وراحوا يتكشخون
-
عمر يلاعب بنته ملاك : ياويسيييي شبيهه امهااا
خلود : لا عاد تشبهك اكثرر
عمر : لاشفتها طرت علي انتي
خلود حاوطت رقبته : صقق ؟
عمر نزل ملاك بين الالعاب ومسك خصرها : اي والله
خلود فكته : لحظهه
عمر : خربتي ام الرومانسيههه
خلود راحت وشغلت اليسا ( لو اقولك ) ورجعت وحاوطت رقبته
عمر لامس انفه في انفها : النظام كذا اجللل
خلود : اييه ودي ارقص معكك
عمر حط راسه على رقبتها وهو يشم عطها اللي لاطالما عشقه : مابخليها بخاطرتسس
وبدو يتمايلون على الاغنيه وملاك تناظرهم وتضحك بصوتها الطفولي
عمر : شوفي شوفي بنتس ماتستحي تضحك علينا
خلود ضحكت : يحق لها صراحه ماتعرف ترقصص
عمر بضحكه : في ذي صدقتي ، ودار بها حول نفسها ورجعها ومسكها مع خصرها ( زي رقصات الهنود)
عمر غمز : هاهه شرايتسس
خلود ضحكت وعنزت وجهها في صدره من فرق الطول اللي بينهم : والله منت هييننن
ضحك عمر
-
عناد كان منسدح على رجلين ساره : عناد حبيبي شفيك مهوجس ؟
عناد رفع راسه وباس عيونها : عيون وقلب وروح عناد
ساره : شفيك كنك زعلانن
عناد : لو كنت زعلان بتمحين المزح بس ب بسمه منتس
ساره ابتسمت تلقائي : رضيت ؟
عناد قرب منها لين ماصار بينهم الا تككه : لا باقي
ساره فهمته وقبلت خده وقالت بعبط : هاه رضيتتت
عناد بعد وضحك : تعرفين وش ابي مع ذالك تراوغين
ساره توترت : ا عناد
عناد : لاتكملين تعالي ابيتس
قامت ساره من السرير وقربت منه
عناد مسك خصرها وقرب من وجهها : انتي تعرفين انا وش ابي صح ؟
ساره حطت راسها على صدره : عناد للحين مو مستعده للمسؤليه وللأطفال تكفى تفهمني
عناد رفع راسها : انا احبتس ابي سارونه صغيرونه
ساره فكت عنقه : عناد تكفى افهمني
ولفت وجهها للجهه الثانيه
عناد ماكان قادر يضغط عليها اكثر وضمها من ورا : تمام اللي تبين بس لاتزعلين
ساره بدت تبكي : ا انا ابي احمل بس خاييفه
عناد يمسح دموعها ويضمها : ساره حياتي خلاص ما ابي نأجل الموضوع لاحقينن عليهه لاتبكين دموعتس غاليهه
ساره ضمته بقوه : عناد احبكك
عناد ابتسم : ابتسمي يلا
ابتسمت ساره وقرب وقبّلها : لا عاد تبكين مره ثانيه ما ارضىى
ساره استحت ودرا عناد انها استحت وطلع وهو يضحك
الجازي ام عناد : عسى دوم هالضحكهه
عناد ارتبك : تدومين ياجنتي
الجازي : اخيراً شفتك مرتاحح
عناد ابتسم بهدؤء : اي والله
الجازي : تعال يمه اسولف معك مبطيه منكك
وراح يسولف معها وترك ساره في حيره هي تبي تحمل بس خايفه مرره
-
عند العيال الساعه ٢ الظهر
نادر : هيه خالد ثامر حزامم
العيال : هاهه
نادر : شرايكم نخلي العامل يحلق سعود على الصفرر هو وراكان و مشارييي
ضحك خالد : جوييييي
حزام : يوووه يالبيهه جوي عاددد
ثامر : حرام عليكم بيخرعون البنات
ضحكوا العيال وراحوا للعامل يكلمونه
وافق العامل وقال لازم انكم تكتفونهم
حزام : انا باخذ مشاري يلاف اني اكلمه وكذا عشان مايشوف اللي سويناه بسعود وثامر ياخذ راكانن وانتوا دبروا الباقي
ضحك نادر : تكفونن تحمستتت
خالد : يلا يلاا
سعود : ياصديق اش فيه انا في قول حلق على ٣ بس خفف
العامل : اوكيه اوكيه
جا خالد وبغت راكان ومسكه بقوهه
ونادر مسك فمه
نادر : يلا يامديررر سوي شعره على الصفر
خالد: لا حرامم خله على واحد
نادر : اي صح بيخرع بنت الناس ، صديق سوي واحد
وسعود كان يحاول يفكههم
خالد: تو تو تو يا اخي العزيز لاتتحرك ويصير صفر صق
نادر فطس على شكله المعصبب
بس جد استكن سعود عشان مايتدمر شعره فوق تدميره وكان يتوعدهم في داخله
-
هياء : نوره تحسين نفستس اوكيه ؟
نوره : ايوه
هياء : ياقلبي فيه العدو ولا فيتس
نوره حست ب تأنيب ضمير مع ان مالها دخل بس لازم تقول لها تريح ضميرها : هياء بقول لك شيي
هياء وقفت : هلا قولي ياقلبي
نوره قالت لها كل اللي قالته هبه لها .....
هياء عضت شفتها اللي تحت : يووه ظلمت المسكينن وقومت عليه حربب
نوره : كيف ؟
هياء : ماتعرفين بس ما ابيتس تعلمين احدد ابداًً
نوره ابتسمت : طيب
هياء : يلا مشينا للبنات
نوره : ايوه ولازم تتزينين !
هياء تذكرت : يوهه صح اليوم وتركت نوره وراحت تركض تطلع فستانها
شافوها البنات وهي تركض وضحكوا
نوره : الله يخلفف
هبه : بنات يالله نتجهز وقفها صوت جوالها قرتها وقامت تزغرطط
البناات لفوا عليها : وش فيهه
هبه : راكانن بيخطبب رسيلوهههه
امتلت الغرفه ضحك ووناسه وتباريك
دخلت نوره عليهم : وش فيه
جوها البنات يتحمدون لها بالسلامه وقالوا لها
ورسيل كانت خارج نطاق التغطيه وكانت مستحيه ومتوتره
-
انتهىى ..........
ترا باقي كم بارت ونخلصص اول روايه ونروح ل ثانيي روايه
