وقت العشاء
الجد : سمو حياكم الله
اختلفت الردود بين ( الله يحيك ، الله يكثر خيركم ، الله يبارك لكم )
عمر : يعيال انقسموا اللي يوزع عصير واللي يوزع ماء
سعود : شخبطو على اسمي مالي دخل عريس
حزام : انا العصير
نادر : وانا الماء
عناد ناظر العيال : ويلي يالرخومم محد قال بيوزع منكم يا اهل البيت
خالد راح ل حزام وحلف عليه : يارجالل حلفتت
حزام : ياولد هت امنعني فالردا
خالد سحب الكرتون وطار منه واحد وطاح على ابو ايلان
ابو ايلان فز : بسم الله وش ذا
خالد من القمطه حذف الكرتون في حضن حزام
ابو عمر : خالد ماتشوففف ؟
خالد : يبه ماهو ب انا
ضحك ابو ايلان : لا عادي يابو عمر حصل خير وخالد مثل ولدي
حزام كان طايح ويضحكك على خالد اللي انلخم كان يبي يسوي يعنني قدام ابو ايلان وجاب العيد
-
نوره : هاه يا وعد رد؟
وعد : اكيد مشغول انتظري
بعد دقايق رد سالم : هلا وعود قلبي ؟
وعد : هلابك ياقلبي ، نادر حولك ؟
سالم ب استغراب : ايه ليه ؟
وعد : عطه السماعه
سالم : وعد وشفيه ؟
وعد : فيه احد يبي يكلمه
سالم : اها طيب ، نادرر يانادرر
نادر كان يغسل : هلااا
سالم : امسك فيه احد يبي يكلمك
نادر بأستغراب : من ؟
سالم : مدري صراحه وعد ماقالت
نوره كانت حاطه السماعه على اذنها وتنتظر متى يتكلم
نادر : يلا جب
سالم عطاه الجوال وراح ل عمر
نادر : الو ؟
نوره بتردد : الو
نادر ؛ نوره ؟
نوره ب ارتباك : ايه
نادر : هلا والله آمري ؟
نوره : مدري شقولك بس مابي اقعد عندهم زياده
نادر انفعل : سوو لشش شي ؟؟
نوره : لا لا ماسوو شي بس ماني مرتاحه
نادر : خلاص بكره او بعده جايش بخطبش
نوره : اسمع اذا كنت تبي تتزوجني عشان ضميرك اتمنى ماتجي ولا تخطب وتوديني ل امي وخلاص
نادر عصب من كلامها : نوره لاتستفزيني وش اللي اتزوجش عشان ضميري ! مسح على وجهه وكمل : بصراحه انا ابيش ومتأكد ماني ملاقي غيرش وحده تناسبني
نوره كانت ساكته هذا الكلام اللي كان تحتاجه او اللي كانت منتضرته
سالم قرب من نادر اللي واضح عليه العصبيه
سالم سحب الجوال : يولد لو دريت ماعطيتك الجولل
نادر : سالمم عطني شويي
سالم : معصيي شايف وجهك انت شلون مقلوبب
نادر : يخوي جبه تكفى
سالم : هاك بس لاتاكلنا
نادر جا بيتكلم لقى الخط مقفل ناظر سالم : كللهه منكك
سالم ضحك : هوب هوب شفيك طاير
نادر ماسمعه وراح بسرعه ل قسم الحريم ودق الباب
وعد : نوره شفيتسس وراه وجهتس مقلوب
نوره ابتسمت بهدوء : ولا شي
وعد ضحكت وراحت تدور رعد
نوره كانت بتلحقها بس وقفها دق الباب كان الدق خفيفف وتوقعت انه رعد راحت تفتح بسرعه وقالت : رعددد امك ما امدها تتكلم الا وشافت نادر تصنمت مكانهاا ماقدرت حتى تتكلم او توخر كان نادر مفهي فيها تذكر ملامحهاا نفسهاا ملامحها لما شافها عند تركيه بس كانت اليوم قممه في الجمالل ظل متنح فيها وهي متنحه بس صحى على نفسه وتنحنح وصد نوره لسى ما استوعبت
-
ابو سعد مسك العنود مع حلقها : ويييننن كنتيييي
العننود كانت تختنق ولا قادره تتكلم كانت فاتحه الخط مع ذياب
ابو سعد : والله لاذبحشش والله
جالس يرص على اسنانه وهو يخنقها وجهها قلب الوان
اما ذياب اللي سمع كل شي وجاء بيدخل ويداهمه بس سبقته الشرطه دخلوا
ابو سعد كان يناظر العنود بكره وحقد
اقبل عليه ذياب ودفه بقووه وطاح على الارض : شلونن تمد يدكك عليهااا يالرخمممه
كانت العنود في صدممه اول مره في الحياه تجيها اول شي ابوها واخوهااا يتفقون عليهااا وشافت جثه اخوها والقاتل ابوهاا وغير كذا كان ناويي يقتلهاا لولا الله ثم ذياب
ابو سعد للحين ينكر : وش تبييي انتتت
الشرطي : انت رهن الاعتقال
ابو سعد : لييييههه
الشرطي : ولك وجه تسأل ! ، ياعزام
عزام : سم
الشرطي : الجثه ماتنشال اتصل الحين على الجنائيات
عزام : سم طال عمرك
وراح عزام يدق على الجينائيات
-
هياء : بنات يارب الحريم ينامون بدري يبي لنا سمرره
ترف : ايي والله
سديم : اي والله يبي لنا
ايلان : بغني لكم بصوتي الشجي
هبه سدت اذنها : لاتكفيييننن مانبيي
ايلان : حاصل لش انتي و وجهش اغني لش ؟؟
وعد : اما يا ايلان تغنين ؟
ايلان : لا يختي امزح
خلود : بنات ساره وينها ؟
ساره دخلت ب طوفريه شاهي مع حب
هياء : حيهاا وماجابتتت
ساره : الله يحييتس
وعد : نوره وين يابنات ؟
هياء : مدري والله
ترف : بنات مو كنه صوتت رعد ؟؟
نقزت وعد بخوفف من صوت صراخ ولدها وراحت تركض
رسيل طلعت مو الحمام : بناتت وش العلمم وش ذا الصراخخخ
ترف اللي كانت متصنمه من الخوف : ر ر ر ر رعدددد!!!
رسيل : شفيههه رعدد
ترف : م مدري مدري مدرييي روحي شوفيي مقدررر
-
نادر : ليه قفلتي الخط ؟
نوره : لي اسبابي
نادر : يعني منتي موافقه !!
نوره : لا بس.... ما امداها تكمل الا سمعوا صراخ رعد
نادر : صوت رعددد
نوره مسكت يده بخوف : نادرر تكفىى لاتتركهه روحح بسرعهه
نادر أومأ له بسرعه وراحح
سالم طلع : صووتت رعددد يانادرر
نادر: ماعليكك بنشووف وش فييه
ركضوا العيال وكل واحد يدور له
لقاه حزام واقف قدام بيت مهجور ويصارخ اقبل عليه وهو يقراء ايات من القرأن وعلى بغته كذا مسك رعد وهو يخمه : رعدد شوفني شوفني
رعد برعبب : شفته ؟؟ شفته ؟ كان يضحكك
حزام سما بالرحمن وجلس يلقن رعد ويردد وراه ايات قصيره ويسمي عليه
نادر : يعيال شوفوو حزام جاببه
سالم مسك قلبه : الحمدلله
نادر : سالم اتصل على وعد ترا قاعده تبكي ومنهاره
سالم يدور جواله ولقاه واتصل عليها
وعد كانت منهاره هي والبنات على صوت صراخه فجأه اتصل جوال وعد وردت بسرعه : سالم سالمم ولدييي
سالم : وعدد لاتبكينن لقيناهه جااابه حزام خلاص لاتبكينن
وعد : يعنيي بخيررر ؟
سالم : ان شاءالله ياقلبي باخذه الحين اشوفه
قفلت وعد
ايلان : وعدد لقووه ؟؟
وعد : ايه الحمدلله
هياء : ياعمري ياتررف للحين خايفه
-
ذياب مسك العنود : اهدي اهدي مابه الا كل خير
العنود برجفه : كان كان كان بيقتلنيييي مستوعبب بيقتلنيي انا بنتته
ذياب يبي يهدي العنود : اهدي اهدي
العنود بددت تفقد وعيها وطاحت على ذياب : العنودد العنودد قوميي العنودد
بس لاحياه لمن ينادي شلها ووداها بسرعه للمستشفى
-
ترف كانت متصنمه من الرعب بس جاتها ايلان تركض : لقووه لقووه
ترف انهارتت وهي تبكي ضمتها ايلان : بس ياقلبي خلاص لقوهه
ترف : و و وييننه ابي اشوفه
ايلان قومتها : يلا تعالي
-
ومرت هذي الليله بخيرها وشرها وراحت وعد مع سالم لبيتهم ويستعدون للأخبار اللي بتجي بكره ....
