قبل ما أبدأ الفصل كنت حابة أشكر كل شخص تفاعل مع روايتى أو عمل كومنت بجد دى حاجة كبيرة بالنسبالى انكوا حبيتوا الرواية ،تفاعلكم دا بيشجع الشخص الى بيكتب بجد وبيديله طاقة ايجابية انه يكمل وانا مستنية منكم تشجيع اكتر والناس الى بتتابع فى صمت شكرا بردو واتمنى تتفاعلوا لان احنا بنكمل بيكوا والله وبتشجعكوا لينا .....اسفة لو طولت عليكم.
_______________________________________
الجد: ايه دا راحين ع فين يا ولاد.
ادم :والله يا حاج احنا هنرجع القاهرة.
عبدالله :وه ليه حوصل ايه .
ليليان بعصبية وصوت عالى:والله انا مقدرش اقعد ف مكان اتهنت فيه ومش بس كدا انا كمان اتهمت ف شرفى .
لتشهق حور وينظر لها الجد بعصبية وهو يقول :مين يجدر يهينك يابتى ومين غلط فيكى بس .
ليليان: والله ابقى اسأل الاستاذ مالك يا حاج.
لينزل مالك لينظر له الجد وعبدالله بتساؤل وعصبية ليقول الجد: حاج ايه بس يابتى انى مش زى جدك ولا ايه ليليان :والله انا لو فى بيت جدى عمره ما كان هسمح انى اتهان انا وابن عمى بالشكل دا.
ليتحدث عبدالله موجها كلامه لمالك: حوصل ايه يا مالك ما تنطج اومال.
ليقول ادم وهو ينظر لمالك بغضب وقرف: هينطق يقول ايه هيقول انه دخل اوضتى بهمجية وقال لاختى انها مش محترم وشك فيها ويقولها بتعملى ايه فى اوضة شاب لوحدك بالليل وبعدين هو مين أصلا عشان يكلمها كدا او يغلط فيها حتى ولا عشان قعدنا فى بيته يبقى خلاص يعمل الى هو عاوزه.
الجد: ليه اكده بس ياولدى وبعدين البيت دا بيتى ومحدش يقدر يهينكم فيه واصل (قال حديثه وهو ينظر لمالك بغضب ).
آدم:ربنا يديك طولت العمر بس معلش احنا لازم نمشى .
الجد :عارف ان مالك غلط ياولدى بس بردوا مينفعش تسافروا بالليل اكده وانت معاك حريم الصباح رباح ياولدى والصبح ابقوا اعملوا الى انتو عاوزينه لكن دلوجت مينفعش تمشوا .
ليليان بمقاطعة بس ...
ليضرب الجد بعصاه وهو يقول انا جلت يابتى اعتبرينى جدك وبطلب منك ينفع تكسرى كلمتى .
ليليان بضيق:خلاص حضرتك هنقعد للصبح بس الصبح هنمشى وحضرتك مش هتعترض.
الجد وهو يربت على كتفها وينظر لها بحنان:ماشى يابتى الصبح هعملك كل الى انتى عاوزاه بس دلوك تنامى وترتاحى .
لتومئ له ليليان ويتجه كل شخص الى غرفته ماعدا مالك والجد ، لينظر الجد لمالك تعالى ورايا على المكتب .
«
««««««««««««
فى القاهرة ف غرفة خالد نجده يتحدث بعصبية :الحي*وان دا انا لازم اعرفه ازاى يتكلم مع اختى بالطريقة دى انا لازم اروحلهم مش هستنى لما يجوا بس لازم بابا يعرف .
ليذهب الى غرفة والديهوكاد أن يدق الباب ليتراجع ويعود الى غرفته.
ليحدث خالد نفسه :لو قلتلهم ماما ممكن يجرالها حاجة وخاصة انها كانت معترضة من الاول من الاحسن اسافر من غير ماحد يعرف.
ليتجه الى الدولاب ويعد شنطة صغيرة له وهو يقرر ان يذهب لهم غدا فى الصباح الباكر.
©©©©©©©
فى غرفة ليليان وحور عندما صعدوا ذهبت حور للنوم واتجهت لليلن للشرفة وهى فى قمة غضبها وكانت تزفر بضيق لتذهب باتجاه حقيبتها وتخرج شئ ما وتعود للشرفة لتنظر للشئ الذى بيدها وهى تقول :أعمل ايه مكنتش عاوزة الجألك بس لازم أطلع عصبيتى فى حاجة والا هطق .
بعد أن خرج مالك من غرفة جده وهو فى قمة عصبيته ولكنه ظل يؤنب نفسه على تسرعه وغباءه عاد الى غرفته واتجه الى الحمام ليستحم لعل النار عقله يهدأ قليلا ...
تقف ليليان فى الشرفة وهى تنظر لذالك الشئ وتقول :ياخرابى لو حد عرف انك معايا هتنفخ بس أعمل ايه محدش بيسمعلى ولا حد بيحس بيا دايما انا الاميرة الى طلبتها مجابة لبس وفلوس وخروجات محدش فكر انى عاوزة حد قريب منى يسمعنى ينصحنى ...لتضحك بصوت عالى وهى تنظر ليدها وهى تحدث ذلك الشئ وكأنه انسان يفهمها :وانتى كمان وحيدة زيى صح خلاص احنا نبقى صحاب لتضحك بشدة وهى تحدث نفسها ...
فى نفس الوقت يخرج مالك من الحمام وارتدى ملابسه ليستمع لصوت ضحكة عالية تأتى من ناحية الشرفة ليخرج ويجد ليليان تضحك وتتحدث مع نفسها وتعطيه ظهرها .
وقف قليلا يتأملها ويتأمل شعرها الاسود الذى أثره من أول لقاء ،ليقطع تأمله صوتها وهى تسعل بشدة لينفزع ويقول:ليليان مالك انتى كويسة .
لتنظر له لليليان وهى تشير بيدها وتقول:مفيش حاجة انا كويسة .
ليمسك مالك يدها (وساعده فى ذلك قرب شرفته من شرفتها بل تعتبر شرفة واحدة ولكن بينهم سور صغير )ليقول بعصبية:ايه الزفت دا وجبتيه منين .
ليليان:……………………
############################
ياترى مالك شاف ايه فى ايد ليليان ؟؟....
ليليان فعلا هتسافر الصبح ولا للقدر رأى آخر؟!.....
البارت خلص ...
أشوفكم الفصل الجاى على خير وشكرا على تفاعلكم
أنت تقرأ
وقعت فى عشق الصعيدى
Romanceرومانسى/صعيدى/تملك/ضحك هو غامض وقاسى ومتملك فى حبه وهى عنيدة مجنونة وطائشة فهل ستستطيع العنيدة تقبل حب الصعيدى المتملك وتحويله الى شخص حنون؟؟..... وهل سيستطيع القاسى ان يروض قطته العنيدة ؟!!! سنعرف ذلك مع مرور الوقت........
