وقعت فى عشق الصعيدى

الفصل السادس والعشرون

بعد خروج ملك وادم اعتدل قاسم ليواجه ليليان ثم تحدث بحنان وهدوء :هاا ياحبيبة بابا حاسة بايه دماغك لسا تعباكى

ليليان:لاه ياحبيبى هى بتوجع شوية بس مش زى امبارح كان صداع رهيب اوى

قاسم :ربنا يشفيكى يارب ويخليكى لينا قوليلى يا ليليان ايه اخر حاجة فكراها

ليليان بتعجب وصدمة :هو حضرتك عرفت انى فقدت الذاكرة

ليومئ لها قاسم لتكمل :طب ازاى ومين قالك وماما اوعى تكون عرفت

ليهدئها قاسم:اهدى يا ليليان عشان اجاوبك متبقيش زى ملك كدا خمسين سؤال فى الدقيقة هجاوب ازاى انا

ليليان بضحك:ماما دى فظيعة بس لايمكن تقدر تستغنى عنها

قاسم بحب :انا ادفع عمرى عشانها دى حياتى كلها مقدرش اتخيل حياتى من غيرها اصلا وبعدين بس بقا عشان افهمك  ياستى انا كلمت حور واحنا فى الطريق وفهمتنى بعض الحاجات ومنهم انك فقدتى الذاكرة ومامتك كانت نايمة وانا كنت بتكلم بصوت واطى عشان متصحاش ولما صحيت قولتلها انى كلمت حور وقالتلى ان ليليان مع ادم فى المستشفى بس

ليليان :الحمد لله طمنت قلبى

قاسم :وبعدين ياهبلة انتى هى لو امك كانت عرفت كانت هتقعد تهزر وتضحك كدا وبعدين مقدرش اقولها انتى عارفة مشكلة قلبها والزعل غلط عليها دا لما عرفت انك فى المستشفى وقعت وجريت بيها على المستشفى

ليليان بشهقة :ايه والدكتور قال ايه ومقولتليش ليه وليه عرفتها يابابا

قاسم :اووف يا ليليان اهدى انا مكنتش هقولها بس هى اللى قالت كلم ليليان اطمن عليها ولما رنيت عليكى انتى وادم مردتوش ف رنيت على حور ف ردت واحدة وقالت انك فى المستشفى فأمك سمعت ووقعت بس

ليليان بحزن:ياحبيبتى ياماما بابا لو سمحت مش عاوزاها تعرف انى فقدت الذاكرة غير لما تخف خالص ونطمن عليها وانا مش هقعد فى المستشفى اكتر من كدا احنا هنطلع من هنا على بيتنا

قاسم :طيب ياحبيبتى كل اللى عاوزاه هيحصل بس ممكن تقوليلى ايه اخر حاجة فكراها وفاكرة حاجة بعدها ولا لاه

ليليان :والله يابابا انا اخر حاجة فكراها لما كنا بنصيف وانا وقعت فى الحمام فى اوضتى بس الوقعة مكنوش خطر يعنى

قاسم بتنهيدة حزن واخذ يتذكر عندما صعدت ليليان لتستحم ووقعت وسمعوا صوت صراخها وعندما صعدوا وجدوها ملقاه على الارض فاقدة الوعى والدماء تخرج بغزارة من رأسها وعندما ذهبوا الى المستشفى اجروا لها جراحة واخبرهم الطبيب ان الواقعة أثرت على جزء من المخ ومن الممكن ان يحدث لها مضاعفات اذا تكررت الواقعة وقرر هو الا يخبرها بشئ وأخبرهم بذلك ومن يومها وليليان تعتقد انها مجرد واقعة بسيطة كما اخبروها