وقعت فى عشق الصعيدى

الفصل الثانى

الام بفزع :ايه قنااا!! لا مستحيل تطلعى ياليليان .
لتقول ليليان:ياماما مينفعش الدكتور اختارنى ضمن التيم بتاعه ولو مطلعتش هيسقطنى.
ليقول خالد بتعجب :ايه يا ماما أول مرة لى لى يجيلها مشروع وترفضى انها تشترك فيه!؟
لقول الاب بهدوء :خلاص يا جماعة اما نخلص أكل نبقى نشوف الموضوع دا .
لتنظر له ليليان وتقول:بس يابابا..
ليقاطعها الاب وهو يقول بغضب :ليليان خلاص انا قلت نتكلم بعد الاكل .
لتقوم ليليان وتقول:ماشى براحتكوا بس لما اسقط مترجعوش تتكلموا ثم ذهبت الى غرفتها ....
لتقول ملك بحزن:قوم يا خالد يابنى شوفها زمانها زعلت .
نظر لهم خالد بتعجب ثم صعد حيث غرفة اخته .
بعد ان غادر خالد نظر قاسم لملك وهو يقول :مكنش ينفع يا ملك تنفعلى وتزعقيلها كدا دا مش ذنبها دا مشروع والدكتور الى كلفها بيه.
لتنظر له ملك بحزن وتقول:يعنى عاوزنى اعرف انها راحة هناك واسكت عايزنى ارمى بنتى فى النار بإيدى يا قاسم أنا خايفة عليها دى بنتى .
نظر لها قاسم بحزن على حالتها واقترب منها وأمسك يدها وقبلها ثم قال:يا حبيبتى مش عاوزك تخافى طول ما أنا معاكى أبدا وبعدين محدش هناك يعرف ليليان ولا عمرهم شافوها يبقى ليه القلق بس .
لتقول له ملك بخوف:بردو انت متعرفهوش يا قاسم لو عرف انها بنتى ممكن ممكن ..ولم تستطع ان تكمل لتنهمر دموعها خوفا وحزنا على ابنتها .
ليحضنها قاسم ليطمئنها ويقول لها:ليه الدموع بس وحياتك عندى محد هيقدر يمس منها شعرة طول ما انا عايش لا هى ولا اخوها انتى مش واثقة فيا ولا ايه؟!
لتنظر له ملك وهى تقول :لاه طبعا يا قاسم دا انا بثق فيك اكتر من نفسى.
ليقول لها قاسم :خلاص سيبيها تروح وعشان تطمنى أكتر هبعت معاها آدم ياخد باله منها مع انه عاوز الى ياخد باله منه هو بس يلا مش مشكلة .
لتضحك ملك عليه ثم تومئ له بالموافقة وتقول خلاص الى تشوفه يا حبيبى .
لينظر لها قاسم بحب وكاد ان يقترب ليقبل جبينها ليجد آدم يدخل كما الاعصار وهو يقول:يا لا العار قاسم وملك فى احضان بعض يلا الفضيحة يا خسارة تربيتى  لاه بجد اتصدمت .
لينظر له قاسم بصدمة وغضب وهو يقول :تربية ايه يا كلب هو انت شوفت بربع جنيه تربيه يا صايع فين أبوك ياض .
ليحك آدم رقبته بإحراج وهو يقول :ليه الغلط دا بس وبعدين ياخويا ماهى تربية أخوك الله وبعيدا عن الاهانة الى مش هسكت عنها ع فكرة أبو الامجاد سافر يخلص شغل.
ليضرب قاسم جبينه وهو يقول :اااه نسيت والله انه مسافر عشان صفقة الشغل الجديدة .
لينظر له آدم وهو يقول بغضب مصطنع :وهتفتكر ازاى وانت عاملى فيها عمر وسلمى انت والهانم .
ليترك قاسم ملك نعم يا سادة فهو كان يتحدث معه وهى مازالت بأحضانه ويتجه ليضربه لتمسكه ملك وهى تقول : عنك يا غالى ثم تأخذ سلاح كل أم مصرية (أبو وردة الغالى 😂🩴🩴😅) لتحدف به آدم وهى تقول امشى يا جزمة قال عمر وسلمى قال طب قول روميو و جوليت (ودى يا جماعة عقدة الخواجة😂😂).
ليقول آدم وهو يرقص مجتش فيا مجتش فيا ليراها تمسك بالفردة الاخرى ليركض على السلالم ثم يتوقف وهو يقول:لوكة يا عسل اعمليلى أكل على ما أشوف عيالك الجزم بيعملوا ايه.
ليقول قاسم بغضب وعصبية وهو يكاد يركض خلف آدم :شوف ابن الكلب بيدلعها قدامى .
لتقول له ملك وهى تضحك :معلش عيل وغلط
لينظر لها بغيظ وهو يقول :اضحكى اوى لغاية ما اطلع ارميه من البلكونة .