ليليان :بقا كدا يا آدم بتتفق عليا
لينظر آدم الى مالك ويقول بخوف مصطنع:انت عرفتها الله يسامحك يا شيخ
ليضحك مالك والجميع على شكل آدم ،لتنظر له ليليان بتوعد وتتجه الى الجد وتقول :والله يا جدو انا قررت اقعد معاكوا لاخر الاسبوع بصراحة صعبتوا عليا
ليضحك الجد ويقول:يا حبيبتى انتى تجعدى براحتك وزى ما تحبى واى حد يكلمك قوليلى بس وانا هتصرف
لتنظر ليليان الى مالك نظرة النصر ليشيح مالك بصره عنها بغيظ
ليقول مالك: على فكرة يا جدى انى اللى صلحتها وخليتها تجعد
الجد :وانت اللى زعلتها وخليتها كانت هتمشى
لتضحك ليليان:يا كسفتك يا حازم
لينظر لها مالك بضيق ويقول :بس يابت
ليليان:والله اقول لجدو انت حر
مالك:لاه وع ايه
ليليان :ايوا كدا اتظبط
مالك :طب ما تظبطنى انت يا جميل
ليليان:اى دا انت اخر مرة عاكست امتى من التسعينات
ليضحك مالك بصوت عالى ،لتنظر لهم حور :لاه بقا ما انا لازم اعرف فيه ايه
ليرد ادم:يابت فضولك دا هيوديكى ورا الشمس ادينى قلت
حور بغيظ:ملكش فيه مسألتكش اصلا
لتخرج فرح من المطبخ بعد قليل لتجد الجميع يجلس لتقول:وه اخيرا قررتى تجعدى يابتى زين ما عملتى
ليليان بفرحة :حبيبتى يا فروحة يا عسل انتى
عبدالله بغيرة :لاع انا اكده اغير بت انتى ابعدى عن مرتى عاد
لتضحك ليليان وفرح ويشاركهم الجميع لينظر لهم الجد بسعادة ولكن ينقصها ابنته ليقرر ان يكمل هذه السعادة ويجمع اولاده بجانبه
الجدة :يلا يا حاج يلا ياولاد عشان نفطر ،لتنادى على سعدية :يا سعدية نادى على باجى الجماعة عشان يفطروا معانا عاد
سعدية :حاضر يا حاجة
ليستيقظ الجميع ويبدأوا بتناول الافطار بجانب سعادة ياسين من قرار ليليان بالبقاء ولكنه لا يعرف كيف تراجعت عن رأيها ولكن ما يهم أنها قررت البقاء لينظر لها بسعادة، ليراه مالك لينظر له بضيق وغيرة بداخله وكم اراد انا يهشم أسنانه التى يظهرها هذه
أثناء تناول الافطار تدخل حبيبة وهى تقول :اسفة يا جماعة على ما خلصت لبس بس
لينظر لها آدم بهيام ويقول:ياخرابى ع القمر هو فيه كدا دا اي الجمال الربانى دى
لتخبطه ليليان فى قدمه وهى تقول :اتلم لو حد سمعك هتبقى مشكلة
آدم :هو انا قلت حاحة انا بشكر الجمال دا ولا الصوت ولا ام كلثوم
ليليان بضيق بعد ان رأت نظرات حور الحزينة :طب اتلم بقا عشان مقولش لمالك انت حر شوف هيعمل ايه لما يعرف انك بتاعكس اهل بيته
آدم بغيظ:خلاص ابوشكلك فصيلة
ليقطع حديثهم الجد وهو يوجه كلامه لحبيبة :ولا يهمك يابتى تعالى اجعدى ،ثم يعرفهم وهو يقول :دى يا جماعة حبيبة بنت ابن عبدالله اخت مالك .
ليرحب بها الحميع وترحب بهم ويعودوا لتناول الطعام بين نظرات الفرحة والغيرة والغضب والهيام والحزن
بعد تناول الطعام اخذ ياسين الفريق واتجه ليبدأوا المشروع واستأذنت حبيبة من والدها للذهاب للجامعة ومالك قام بتوصيلها ومن ثم اتجه للعمل بالمصنع الخاص بعائلته
فى البرندة نجد الجد وعبدالله وحامد يشربوا الشاى ليقوم الجد ويقول :عبدالله اما تخلصوا هات أخوك وتعال المكتب عاوزكم فى موضوع مهم
فى القاهرة ........
توجه خالد الى المطار وحاول الاتصال بليليان وادم ولكن لارد ليغضب بشدة فهو يشعر بشئ سئ سيحدث ولكن ماذا يفعل يجب أن يسافر كى لاتخسر العائلة عملها لذلك أرسل رسالة لأدم يحثه على الاتصال به وتوجه الى الطائرة وهو يدعو الله أن تمر الايام القادمة على خير
عودة للصعيد ......
نرى آدم وليليان وحور يتمشون بالخلف ليقول آدم :انا نسيت الفون بتاعى لو خالد رن هنعمل ايه
ليليان:عادى اما نرجع نبقى نكلمه
آدم :طب ماتجيبى تلفونك نكلمه زمانه قلقان
ليليان:لاه ماهو الفون فاصل شحن فسبته يشحن
آدم :كملت دا هينفخنا لما يعرف
حور :انا معايا الفون لو حافظين الرقم خدوا كلموه
ليليان وأدم :لاه مش حافظينه
ليضحكوا ثلاثتهم لتقول ليليان:خلاص يا ادم متقلقش لما نروح نكلمه وانا هفهمه
آدم:ماشى ربنا يستر خفوا بس شوية عشان نلحق الفريق
فى المكتب نجد عبدالله يدق ليدخل هو وحامد بعد انا أذن لهم عبدالفتاح
عبدالفتاح: اجعدوا يلاولاد
حامد :خير يابوى موضوع ايه
الجد :الموضوع اللى عاوزكم فيه يخص اختكم .......
استوب البارت خلص يا حلوين
معلش بقا البارت المرة دى صغير
اتمنى تستمتعوا بالقراءة
أنت تقرأ
وقعت فى عشق الصعيدى
Lãng mạnرومانسى/صعيدى/تملك/ضحك هو غامض وقاسى ومتملك فى حبه وهى عنيدة مجنونة وطائشة فهل ستستطيع العنيدة تقبل حب الصعيدى المتملك وتحويله الى شخص حنون؟؟..... وهل سيستطيع القاسى ان يروض قطته العنيدة ؟!!! سنعرف ذلك مع مرور الوقت........
