عندما وصل قاسم وملك الى المستشفى التفت قاسم لملك وهو يقول :يلا ياستى وصلنا
كادت تنزل ملك ولكن امسكها قاسم من يدها وهو يقول بتحذير :ملك مش عاوز عياط فوق انتى تعبانة والدكتور قايل الزعل والتوتر دا كله غلط عليكى لو سمحتى ليليان كويسة مش عاوز قلقك الزيادة دا ماشى
ملك بسرعة:حاضر حاضر يلا ننزل بقا
قاسم بتنهيدة:والله عارف انك بتسكتينى بس وهتعملى اللى فى دماغك بردو
ملك بتنهيدة:اوف ياقاسم يلا بقا ليليان وحشتنى
قاسم باستسلام :ماشى يلا
ليخرجوا ويتجهوا الى المستشفى ليسأل قاسم موظف الاستقبال:لو سمحت فيه مريضة هنا باسم ليليان قاسم هى جت تقريبا امبارح
ليبحث الموظف ثم يقول:ايوا يافندم جت امبارح فعلا حضرتك مين
قاسم بلهفة:انا باباها لو سمحت هى غرفة كام
الموظف :فى غرفة ....
ليشكره قاسم ثم يعود الى ملك ،لتقول ملك بلهفة:هاا عرفت هى فى انهى اوضة
قاسم :ايوا يلا نطلع لها
لتمسك ملك يده وهى تبتسم براحة ليصعدوا السلالم ليبدأ قاسم بالبحث عن رقم الغرفة ليجدها ليقول بسرعة:اهى ياملك دى الاوضة
لتسرع ملك وتفتح باب الغرفة لتجد ليليان نائمة ورأسها محاط بالشاش لتركض باتجاهها وتحتضنها وهى تبكى ،لتفيق ليليان على صوت بكاء وهى تقول بارهاق:ايه فى ايه انتى مين
لتعتدل ملك وهى تقول بنبرة يغلفها البكاء :انا ماما يا حبيبتى الف سلامة عليكى ياقلبى ان شالله كنت انا
ليقكع قاسم حديثها وهو يزمجر بغضب :ملك وبعدين ايه لزومه الكلام دا وبعدين انا مش متفق معاكى تحت متعمليش كدا وقولتى حاضر
لتنظر له ملك بابتسامة بلهاء وهى تقول :انا قلت كدا
لينفخ قاسم منها فملك هى ملك ولن تتغير مهما طال الزمن لينظر الى ليليان وهو يقول بابتسامة حنونة وعيونه مليئة بالدموع :حبيبة بابا عاملة ايه يا أميرتى
ليليان بابتسامة:بابا حبيبى الحمد لله انا بخير انتو جيتوا امتى وازاى
ملك :جينا اول ماعرفنا انك فى المستشفى
قاسم :اهى قالتلك اول ما عرفت فى ساعتها كنا فى العربية وجايين على هنا
ليليان وهى تمسك يد والدتها:ليه بس ياحبيبتى انتى بتتعبى فى السفر ليه تعبتى نفسك ما انا كويسة اهو وادم وحور معايا ليه القلق بس
ملك بعتاب:اخص عليكى يالى لى يعنى اعرف انك فى المستشفى واقعد كدا مكانى دا انا كان يجرالى حاجة
ليليان:ياااه دا انتو طلعت ا بتحبونى وكدا بقا
ملك وهى تحتضنها:ياحبيبتى دا انتوا كل اللى ليا فى الدنيا ربنا يباركلى فيكى انتى واخوكى ويخليكوا ليا ومشوفش فيكى يوم وحش ابدا يارب
أنت تقرأ
وقعت فى عشق الصعيدى
Romanceرومانسى/صعيدى/تملك/ضحك هو غامض وقاسى ومتملك فى حبه وهى عنيدة مجنونة وطائشة فهل ستستطيع العنيدة تقبل حب الصعيدى المتملك وتحويله الى شخص حنون؟؟..... وهل سيستطيع القاسى ان يروض قطته العنيدة ؟!!! سنعرف ذلك مع مرور الوقت........
