وقعت فى عشق الصعيدى

الفصل التاسع عشر

يا بنات ليه التفاعل بسيط كدا ياريت يبقى فيه تشجيع أكتر من كدا جايز الشغف اللى فقدته دا يرجع تانى😂😂

منسوش يا قمرات تضغطوا ع النجمة وانتوا بتقرأوا بس

*******************************************

بعد أن انتهى قاسم من تحضير شنط السفر والاغراض اللازمة استقل السيارة واتجه الىى المستشفى ،فى المستشفى نجد ملك تجلس على السرير بملل وهى تقول لنفسها:ياربى اتأخرت ليه كدا يا قاسم هنسافر امتى بس

لتدخل الممرضة وهى تقول بابتسامة:حضرتك عاملة اى
دلوقتى

ملك وهى تبتسم لها:بخير الحمد لله بس متعرفيش جوزى جه ولا لاه

الممرضة بابتسامة :انتى زهقتى مننا ولا ايه

ملك:ابدا والله بس عشان رايحين الصعيد وقلتله ميتأخرش

الممرضة :عموما هو متأخرش ومتقلقيش ياستى هتوصلوا انا من الصعيد وكنت ساعات بسافر بالليل عادى

ملك باستغراب:من الصعيد واهلك سايبينك تشتغلى فى القاهرة عادى

الممرضة بحزن:اهلى تعيشى انتى مليش غير اخواتى البنات واتجوزوا وبروح ازورهم كل فترة

ملك بحزن على حال هذه الفتاة : انا بجد اسفة ربنا يرحمهم ويخليلك اخواتك يارب

الممرضة بابتسامة:ربنا يخليكى يارب ،الحمد لله مؤشراتك الحيوية بخير تقدرى لو عاوزة تغيرى هدومك وانا موجودة لو احتاجتى اى مساعدة اضغطى بس على الجرس دا وهتلاقينى قدام تمام

ملك بابتسامة وامتنان:شكرا بجد ربنا يوفقك ولو احجاتجت حاجة هندهلك اكيد

الممرضة :الشكر لله يلا هسيبك بقا عن اذنك

وبعد انا ذهبت الممرضة دخلت ملك لتستبدل ملابسها بالحمام ،وبعد قليل حضر قاسم ليدخل وهو ينادى:ملك حبيبتى ملك ،ليأتيه صوت ملك من الحمام وهى تقول:ايوا يا قاسم انا فى الحمام بغير وطالعة

قاسم:براحتك يا حبيبتى انا بس بعرفك انى جيت خدى وقتك

*********************************************

فى الصعيد فى منزل عمدة الصعيد ،فى المطبخ نجد فرح وهى تقول بتنهيدة عميقة:اكده كله خلص فاضل بس هما ياجوا

سعاد: ربنا يكرمك يابتى الحمد لله خلصنا ربنا يرجعهم بالسلامة ،بجولك يابتى ما ترنى على عبدالله اكده تشوفيهم هياجوا امتى

فرح:حاضر بس جومى انتى اجعودا فى اوضتك واستريحى شوية على ماياجوا

سعاد :ماشى يابتى وابجى طمنينى

لتصعد سعاد الى غرفتها وتتجه فرح لتبحث عن هاتفها ،لتجده لتأخذه وتذهب الى الجنينة ،لتجد حامد يجلس ويبدوا انه مهموم لتقترب منه وهى تقول:وه يا واد عمى خير ايه مجعدك اكده