:
: /-البارت السابع /-&
بيت ابو ماجد
نهيل /علامهم عيال اخوك البارح كلن يسمع صوتهم
ابو ماجد/ ابو صالح يقول ان صقر وفالح متهاوشين
نهيل/علامهم متهاوشين يدافع البلا
ابو ماجد/مادري عنهم
نهيل /ابو صالح ماعلمك
ابو ماجد/شي بينهم انتي وش دخلك
نهيل/دعوتي عليهم يالله لك الحمد انك ماخيبتني
ابو ماجد/اعوذبالله من الشيطان ي مره حرام عليك
نهيل/خل ربي يشغلهم بعضهم عن بنتي
ابو ماجد/لاحول الله
————————————————————................
بيت ابو صالح
.
.
.
ام صالح /يابو صالح صقر مانام البارح بالبيت
ابو صالح/ليش وانتي محتريته يجي وينام وهو حالف ماكانك عارفه ولدك وطبعه
ام صالح بصدمه/وش تقصد ماعاد يجي بيتنا
ابو صالح/بيجي باذن الله بس بنحاول بفالح يترك المشروع عنه
ام صالح/ماضن فالح بيتنازل
ابو صالح/فالح ينقدر عليه اهون من صقر
.:
دخل صالح وسلم على امه وابوه وجلس
.:
ام صالح/يوليدي ي صالح كلم اخوك
صالح /اي واحد فيهم اللي تبين اكلمه
ام صالح/كلهم صقر خل يرجع ويتعوذ من الشيطان وفالح يتنازل ويفكنا من المشاكل
صالح /صقر والله ماني قادر عليه لاكن فالح بكلمه
ابو صالح/هذ اللي انا اقول فالح نبي نكلمه دق عليه خل يجي
صالح /ابشر
دق صالح ع فالح وقال له يجي ابوه يبيه ضروري
بعد دقايق جاء
فالح /السلام عليكم
الكل /وعليكم السلام
ابو صالح/اجلس يابوك
جلس فالح وهو عارف انهم يبون يقنعونه لانهم مايقدرون ع صقر
فالح/حتى بهاذي ي بوي مانت قادر ترده
ابو صالح/لو بغيت ارده رديته لاكن انت عارف وانا ابوك انا رجال كبير بالعمر وماني متحمل المشاكل والفضايح عند الناس وش بيقلون خوان تهاوشو عشان مشروع بحيات ابوهم كيف لامات
صالح /ابوي معه حق ي فالح. صقر ماحنا قادرين عليه خل له المشروع ورتاح وريحنا وانا اخوك
فالح/ياابو حمد كان ماتقدرون عليه انا اقدر عليه
صالح/وش بتسوي
فالح /كانه يبيها بدق الخشوم ماني عجزان ادق خشمه وكانه يبيها بالدم يا يسيل دمي ي اسيل دمه
ام صالح /تبون تذابحون ي عيالي بتحرقون قلبي
ابو صالح/اهدي ي مره
ام صالح/ماتسمع وش يقول بيسيلون دم بعض عشان مشاريع وفلوس
ابو صالح /ي فالح انت الكبير والفاهم وانا ابوك لاصارت بالتحدي والله ان صقر ولدي وانا عارفه انه يايذبحك يايذبح نفسه
فالح /خله يذبحني ولا اذبحه
ام صالح تبكي/اذبحوني انا قبل تذابحون وريحوني ورتاحو
صالح /لا ان شاءالله يايمه ان الله بيهدي فالح ويتنازل ويفكنا من الفضايح والمشاكل
فالح/ماني متنازل ي ابو حمد وغير هالكلام ماعندي
ابو صالح/طلبتك ي بوك لاتردني الدنياء ماتسوى
فالح يقوم بزعل/تطلبني يابوي وماتطلبه
ابو صالح/انت الكبير والفهيم
فالح /تبشر يايبه تراي تنازلت عنه عشانك مو عشانه وعلموه ماني خايفن منه خايفن من ربي
طلع وسكر الباب
ام صالح/الله يهديكم لبعض
ابو صالح /دق على اخوك وعلمه
صالح /خله يوبه بكرا اكلمه خله اليوم على ناره عشان يتادب
__________________________________
فهد نفذ اللي براسه وفعلا سحب طلال ويوسف عنده بمركز الشرطه ولبسهم تهمه وحكم عليهم شهر بالسجن لبسهم تهمه بظلم وحرق قلوبهم فوق حرقهم على بنت عمهم
فهد وهو جالس على كرسي مكتبه /اجل تحطون راسكم براس ابو عقاب
طلال اللي واقف /ي طويل العمر امي مالها غيري وتحتاجني كانها على بنت عمي تراها حلال عليك
فهد وقف بعصبيه وحط يدينه على طاولة المكتب اللي بينهم فهد/حلال علي غصبن عليك وعليه فاهمين
يوسف/مردها لعيال عمها
فهد ماقدر يمسك نفسه راح له وصفعه على وجهه وسحبه من جيبه فهد/ان جبت طاريها على السانك مره ثانية اذبحك وقط لحمك للكلاب فااااااهم
يوسف/......
فهد يهزه بعصبيه /فاااااهم
يوسف يطالع بطلال اللي يشر له يهدا يوسف /فاهم فاهم
رماه فهد بالارض
فهد /ي عسكري
العسكري يدخل ويدق التحيه /سم
فهد يشر عليهم/خذ هذول لنظاره
العسكري/ تامر
وخذهم وطلع
رجع يجلس على كرسيه وصدره يطلع وينزل من العصبيه فهد/والله لاخليكم تخيسون بالسجن ...
__________________________________
مهره جالسه عند المرئه تمشط شعرها الناعم الطويل
امها دخلت عليها
ام ماهر/شلون العروس
مهره بدون نفس /زينه
ام ماهر/افا علامك ي امك
مهره /يومه ماحس بفرحه
ام ماهر /ليش ي روح امك
مهره/مدري يومه بس خايفه
ام ماهر /مابقى عن عرسك الا سبوعين لازم تجهزين ونروح لسوق ونشري لك اغراضك وترا كلمت ساره النقاشه تجي وتنقشك وتحنيك
مهره تبتسم /يومه بطلع حلوه
ام ماهر/وانتي قمر ي امك مو حلوه وبس
مهره بحماس /طيب يومه بكتب اغراضي كامله وابي نشريهم
ام ماهر تغمز لها /ترا شيخ عطاك مهر ماحدن من بنات القبيله خذت مهر كثيره
مهره تبتسم بحياء وخدوده مورده/صدق يومه
ام ماهر بحنيه/اي يروح امك
__________________________________
رجع صقر للبيت بعد ماستلم المشروع
صقر يحب راس ابوه/تسلم يابوي
ابو صالح/الله يسلمك ويهديك يابوك
صقر يبتسم /امين
ابو صالح/كلم اخوك فالح وعتذر منه
صقر/ماخطيت عليه عشان اتعذر له
ابو صالح/اخوك اكبر منك وتمد يدك عليه ماهو خطاء
صقر /هو اللي حدني
ابو صالح/تعتذر منه ي صقر فاهم
صقر ياشر على خشمه/على هالخشم
ابو صالح/الله يهديكم
صقر/المهم يابوي ترا ملكتي مع عرسي بعد سبوعين
ابو صالح/الله يوفقك يابوك وش ناقصن عليك نكمله
صقر/خيرك سابق ي طويل العمر
ابو صالح /المهر علي كامل حالك من حال خوانك انا اللي زوجتهم
صقر/لا يابوي انا الله مغنيني ومعطيني
ابو صالح/الله يرزقك يابوك بس المهر انا حالف
ازوج عيالي كلهم
صقر يحب راسه/خلاص يابو صالح اللي تامر فيه.
انا بجهز عرس ماصار مثله وبعزم شيوخ القبايل كلها
ابو صالح بفخر /تستاهل يابوك اعزم وفرح وفرحنا
دخل فالح/السلام عليكم
ابو صالح صقر/عليكم السلام
ابو صالح/ تعال يابوك اخوك بيتعذر منك
فالح/مابي له عذر
صقر/افا ي بو سعود ماتبي للي عذر
فالح/خذيت اللي تبيه وش لك بالاعذار
صقر/ماخذت الا حقي
فالح /ماهو حقك حق غيرك
صقر/ عمري ماخذت حق مالي فيه حق. يابو سعود
ابو صالح/خلاص تصالحو وصفو قلوبكم ورانا عرس مانبي بينكم شي
فالح/اي قولو كذا من اول عشان العرس والناس
صقر/انت تعرف ان الناس اخر همي اللي همني هم انتم ي خواني
فالح/حصل خير
____________________________________
—بعد مرور سبوعين—
(زواج صقر)
يامرحبا ترحيب البدو بالسيل
اليا حدر عقب الدهر وموت الاشجار
واقلط على دلال تبهر من بالهيل
واقدع من الصفري واقرب من النار
قسم الرجال
كل شي فخم تجهيز استقبال
حظور كل القبائل
وشيوخ القبائل وتجار
ورجال اعمال
حاظرين
عشان الشيخ ابو صالح ::والشيخ جاسم عليان
وماعارف صقر التجار وزملا بالمستشفى
الحظرو يباركون/مبروك ي صقر منك المال ومنها العيال
صقر /الله يبارك بالجميع وعقبالكم وعقبال عيالكم
مازن /كيف بخلي عرسي فخم زي عرسك ي صقر
صقر يضحك/هههه ابشر بعزك ي ولد عمي اسوي لك افخم منه
مازن /الله الله فيني ي ولد عمك
صقر/ابشر ابشر
جاسر /بس عرس اختي نبيه احلا من عرسك هذا
صقر حس بضيقه مايدري ليه صقر /ان شاءالله
قام يفكر فيها معقوله لونها كبيره وتفهم بترضى باللي يصير .......
_________________________________
قسم الحريم
يرقصن خوات المعرس.
الا ام مهند فيها حزن على حال بنت عمها ملاك وعلى حال عمتها
ام صالح تجامل الناس والحظور. ومن داخل شابه ضو خايفه على ولدها من دعاء نهيل وحوبت ملاك
حرمه /مبروك يا ام صالح مشاءالله اخذ بنت شيوخ
ام صالح/الله يبارك فيكم
الحرمه/ي ختي علامه هون عن بنت عمه
ام صالح/اذا له فيها نصيب بياخدها
الحرمه /يختي عاد مرته اللي اخذها زينها مثل زين بنت عمه
ام صالح/حالها من حال هالبنات
استاذنتها ام صالح وراحت ماتبي تسمع كلام اكثر
_________________________________
بيت نهيل
نهيل جالسه تبكي بغرفتها وعندها حصه
حصه/يومه خلاص انتي لازم تحظرين الناس ماتدري انه ملك يحسبونك زعلانه ان صقر ترك بنتك وتزوج
نهيل /الله يحرق قلبه اه لو ملاك كبيره وفاهمه توقعين بتسكت
حصه/ملاك يومه قويه ولسانها طويل وهي صغيره لو تكبر راح تاخذ حقها
نهيل /ياليت ي حصه تبرد قلبي وقلبها بالناس اللي مايخافون الله
حصه /ان شاءالله يايمه ماتدري وش ربي كاتب لها
نهيل/ابي اروح احظر ياحصه عشان كلام الناس انتبهي لخواتك لايطلعن
حصه/لاتشيلين هم
البست نهيل وكشخت وراحت للعرس ع رجولها لانه قريب مو بعيد تبي تسكت الناس وكلامهم
بعد ماراحت
طق بابها
طق طق
صوت الباب
ملاك تركض وتفتح
صباء لابسه فستان زواج هي وشذى
شذى /ملاك ليش ماجيتي العرس انتي وامل
ملاك /امي عيت علينا
شذى/امك بالعرس شفناها
امل /احلفي امي بالعرس ماعلمتنا
شذى/والله بالعرس
صباء /العرس قريب جينا ع رجولنا البسن وتعالن نروح
ملاك /امل نروح معهم
امل/بنلبس اول
رحن يلبسن عشان يحظرن العرس
البسن وراحن للعرس
وحصه كانت بالحمام تاخذ شاور
وقايله لهم مايفتحن الباب
بس ملاك ماتفهم
____________________________
مع تحياتي شغف
