ادعو لوالدي برحمة والمغفرة..
لبيه ياريح المطر والسما غيم..
ولبيه ياصوت المطر بعد غيبه ..
بعد مرور سبوعين ....
اليلة ملكة صقر و بكر ليلة زفافه...
امه واخواته جهزن كل شي لحجوزات حفل الزواج
و هو يشعر بحزن داخلي حزن عميق انتظر من ملاك اتصال او رساله اي شي يعبر عن اعتراضها لاكنها صدمته انها ماعبرته لهدرجه بايعته وعايفته من قلب فقد الامل فيها ومستحيل اصلاً ان يتراجع عن قراره مهمها سوت وعملت ؟؟..
اخذ شاور من بعد ماجا من الحلاق وضبط نفسه لبس وكشخ تانق اكثر من كل مره حاس انه يبي يحرقها مايدري انه يحرق نفسه هو؟
طلع لاصاله وامه وخواته و زغردن له /كلووووووش كلوووش
صقر ابتسم مجامله / عشتو عشتو على عرس عيالكم
هدى تحب راسه وهي تجامل مثله /الله يوفقك ويبارك لك
ام مهند تسلم عليه /الله يجعلها ام عيالك رفيقة عمرك
صقر اوجعته كلمتها لاكنه رد بتحكم وصعوبه / اللهم امين والعقبه عند عيالك ان شاءالله
وفا تحب راسه وهي فرحانه من قلب / الف الف الف مبروك
صقر رد وعيونه على امه الصامته /الله يبارك فيكم
وفا تمد له البخور / تبخر عساه مايتبخر غيرك
صقر تبخر واقترب لامه انحنى وحب على
راسها /ماتبين تباركين لولدك ؟؟
ام صالح انفجرت باكيه/عسى الله يوفقك ويجمع بينكم ويجعلها تعوضك عن مامضى من الحريم
صقر مسح دمعتها بحنو / هذا دموع فرح ولا حزن؟
ام صالح تمسح دموعها بطرف شيلتها / لا ان شاءالله عسانا مانشوف الحزن هذي فرح يامك فرح
صقر ينهى النقاش الموثر له وهو يستاذن / ادعو للي بروح املك عليها
الكل دعا من صميم قلبه /الله يوفقك
تمت الملكه ...وعقد القران ...
ابو سعود يسال صقر باصول /تبي تسلم على مرتك؟؟
صقر عايف حتى النظر فيها بس رد مجاملة/ اسلم عليها بكرا بعرسنا ان شاءالله
ابو سعود ابتسم له / احسن ماتسوي
ابو صالح يقوم بتقدير / سامحونا يابو سعود ان كان الوقت ضيق عليكم وعلى البنت
ابو سعود قام معه بذات التقدير / لا بالله مامن ضيق اهم شي التوفيق
بسيارة صقر كان ابوه راكب جاوره ورا فالح وسالم وسياره الثانيه صالح وابو مهند وابو عمر
