ادعو لوالدي برحمة والمغفرة..
لبيه ياريح المطر والسما غيم..
ولبيه ياصوت المطر بعد غيبه ..
على وقت الغداء .....
رجعت ملاك وجلست معهم على الطاوله مجامله وهي تحس بالقمه تمشي بلعومها وكانها جمره تلتهب جوفها والكل لاحظ عليها الانقلاب المفاجئه من طاري البيت اللي شراه صقر لسلوى ؟..
مشاعل تبتسم بفرحه وهي تاكل/ تو انفتحت شهيتي للاكل
وفا طالعت فيها بغرور/ ليش و اول كانت مسدوده ؟؟
مشاعل تبتسم / اي والله علي جمعة صديقاتي بكوفي هالمره ولا معنا شي مصفرين ننتظر الراتب بس الحمدلله تيسرت
وفا باستغراب / كيف تيسرت بهالسرعه؟؟
مشاعل بفرحه عميقه/ رزق من الله تو جانا حواله 50 الف ريال
وفا شهقت وكل همها الفلوس/ خمسين الف من وين له ؟؟
هدى تهتف بمرح / ابكو من انتم سارقين منه بسري اسرقه تالي اليل ؟؟
مشاعل تضحك بشده / مايحتاج تسرين لانه قريب عندك
وفا بتسال سريع/ ياختي علمينا من وين لكم هالمبلغ ؟؟
مشاعل تجاوب براحه ولا همها وجود ملاك/ سالم تو كلمني يقول صقر حول له 50 الف
وفا شوشت/ سلف ولا كيف؟؟
مشاعل تكمل اكل برود / لا فزعه سمع ان صرافته فاضيه و عطاه
ام صالح تبتسم باعتزاز الام / الله يخليهم لبعض ولا يحيجهم لناس
ملاك فعلاً انقهرت بزود حاسها انها بتنجلط من ورا راس صقر يلعب بحلاله على كيفه يمشي ويوزع ماكان وراه بنت وزوجه وهم احق و ليته اعطا ناس تستاهل
يمكن تقاضى وتمشي الامور لو كان صعب عليها التقاضي لاكن المستفيد من هالدفع والعطايا المبالغ مشاعل وسلوى وهي وينها من كل هذا بس يبي ياخذ منها من غير لا يعطي يبي يشبع نفسه فيها فقط لا غير ؟؟....
قامت غسلت وخذت بنتها وراحت الجناح تنتظره تعرف بيجي يلبس عشان دوامه ناويه عليه نيه شينه
__________________________________
ماقبل العصر ....
الجدة صيته تهتف لمهره بزفرة / ورا ماتقومين تصحين فهد قبل الصلاة؟؟
مهره ترفع كتوفها/ عجزت عنه يا جدة حتى صلاة الصبح والظهر ماصلاها
ام ماهر بحنان / وعزتي عنه من التعب والسهر
الجدة صيته بزفرة اشد/ روحي حني على راسه والله ان صحى لغير يتوطى بطنك هو كل شي عنده يهون الا تاخير صلاته
