ادعو لوالدي برحمة والمغفرة..
صقر حس وده ينفجر على مازن وامه من شدت غضبه كيف يشوفونها كاشفه وجها وشعرها كذا بمكان عام ولا امنعوها ..
منظر عمه و نومته المتعبه هي اللي خلته يتماسك وهو يقفل الباب وراه بقوه خايف لاحد يدخل ويلمحها ..
ومازن وقف وعيونه على صقر بخوف / هلا ولدعمي
صقر يطالع مازن من فوق لاتحت بنظره حارقه / ليش ماقلت للي ان امك واختك معك ؟!
مازن بتوتر/ كان في رجال عندك و ستحيت اقول
نهيل تنقل النظرات بينهم بصمت وملاك ترفع حاجبها بتحدى
صقر لف لها و ماخفته نظراتها له وهتف بصرامه حاده / وانتي ليش مكشفه على بالك بيتكم
ملاك تلعب بخصل شعرها بتمرد/ والله بكيفي اكشف افصخ ماهو شغلك
صقر اقترب لها بغضب متفجر متفجر
وهو يسحبها من السرير ويوقفها قدامه ورفع يده ناوي يصفعها على وجها بس اوقفه صوت عمه الضعيف اللي صحى من صوت صقر العالي / لا ياصقر لا تضربها
صقر ابتعد منها وهو يلف لعمه بحده / عاجبتك طولة لسان بنتك ؟!
ابو ماجد بضعف / لا تضربها لا تضربها
ملاك جلست على الكرسي وهي تدفن راسها بين كفوفها و تحاول ماتبكي ماتبي احد يشهد على انكسارها و تحس بنار تحرقها من راسها لساسها
وهو يتقوا عليها قدام امها و اخوها وابوها المريض مارحم حاله مافكر بمرضه هذا وهو دكتور وفاهم
ان جلطة القلب ترجع من اي انفعال ...
صقر شافها وهي جالسه منهاره بصمت
وهو يلعن الساعه اللي علمته فيها العنود بوجودها
تمنى انها جت لابوها وراحت من غير علمه
ومن غير تصرفه المتهور معها عجز لا يرقع خطاه الاول الا جاء و امزق الترقيع كله ...
نهيل صرخت فيه بقهر / ماكفاك ضاربها بسبوع عرسها والحين جاي تكمل عليها كانك ماتبيها طلقها ماهو تعلقها كذا
صقر لف لنهيل بحده وهو يصرخ عليها / انتي ماهو شغلك بين الرجال ومرته ماحد قوا راسها غيرك
ملاك هنيه قامت وصرخت فيه بحده اعمق
واعمق / الا لها شغل ونص هي امي كانك ناسي اذكرك
و حتى ولو طلبتني اروح للمحكمه و اخلعك رحت وراها من غير تفكير لانها امي وكلامها يمشي على رقبتي
صقر صدم من تهديدها و سحبها مع شعرها وهو ينتفض من الغضب / تهدديني انا انا بالمحكمه انا
