ادعو لوالدي برحمة والمغفرة..
دخلت التنويم مع الجدة صيته وهي تحط الاغراض على الطاوله قبال مهره اللي تطالع فيها بارهاق.
و استغراب ماهي عارفه من البنت اللي
دخلت مع جدتها
وملاك عيونها عجزت تبعد من مهره تحس فيها جاذبيه غير طبيعه فوق انها مرهقه الا انها جميله وناعمه لابعد حد
الجدة صيته تهتف لها بامتنان صادق/ ياعل ربي يساعدك ويجزاك خير
ملاك تبتسم / ماسويت الا الواجب وانتي مقام امي
الجدة صيته تلف لمهره وهي تهتف بامومه / يامك شلونك شلون صحتك
مهره تنهد بتعب / مثل ماتشوفين مكتوب اعيش الحياة غصبن علي
الجدة صيته نست وجود ملاك وهي تهتف
بجزع /يامك استغفري ربك و حمدية على العافيه
مهره بالم حاد وهي تبكي/ اي عافيه واللي يرحم والديك ياجدة وانا مابقى فيني شي متعافي كل يوم وهو كاسر فيني شي
ملاك كانت تسمع بصدمه والجدة صيته تهتف
برجا / يامك والله انه نادم ندم يقطع القلب حتى دمه تبرع لك فيه يبي يكفر عن ذنبه
مهره تصرخ بجزع / وليش ترضين يخلط دمه الحار بدمي ليش
الجدة صيته تبكي /هدي عمرك الصراخ ماهو زين لك وكان جاء والله لاخليه يحب على راسك
مهره تشيح بوجها / الله يقطع راسي كان خليته يلمسه
ملاك تنحنحت بتوتر /احم احم
الجدة صيته لفت لها بدهشه / يامك انتي هنيه والله اني نسيتك العذر والسموحه منك
ملاك ترد بهدو وعيونها على مهره / ياجدة ماحد خالي من المصايب وماحد عايش بالحياة مرتاح كلن اخذ حقه فيها من هم وغم
مهره لفت لها باستغراب من كلامها وهتف
بهتمام/ ليش وانتي عايفه الحياة بعد؟
ملاك ضحكت باسا / الا قولي عمرك حبيتي الحياه
الجدة صيته تردف بجزع / يامكم استغفرو ربكم واحمدوه على النعمه اللي انتم فيها غيركم فاقد العافيه كامله والامان والاستقرار احمدو الله بس
ملاك بموده / انا بروح تبون شي قبل امشي
الجدة صيته بامومه / سلامتك عسى ربي يحفظك من كل مكروه
ملاك تتجه لباب وهي ترد بهدو / وياكم يارب
___________________________
انتهت صلاة الظهر
وصقر مازال يبحث عنها وملاك مازالت غايبه
مازن مازال يبحث معه عن اخته وهو يمشي
