فى شقه الجميله غزل
بحى الزمالك
..بعد مرور نصف ساعه من اتصال اسامه مع شهاب.........
... نظر اسامه بعدم تصديق الى الاطفال اللذين يلعبون امامه على الارض بمكعبات البناء.......... وصاح بذهول و بصوت عالى من الانفعال قائلا : يعنى العيال دول يبقوا عيالك من غزل يا شهاب......بجد؟؟؟
ولكن الاجابه على سؤاله الذاهل لم تاتى من شهاب......... بل اتت من طفلته رنيم التى جاءت اليهم وهمست الى اسامه بخطوره.......... ولكن شهاب الجالس بجواره سمعها بوضوح وهى تقول له : لا يا اونكل........... لؤى ده مش اخويا انا وسديم ده ابن خالو هيثم وطنط داليا بس هو بيقول لمامى يا مامى وبيقول لبابى يا بابى زينا انا وسديم .....
... ونظرت فى براءه الى شهاب الذى همس لها معاتبا : وبعدين يا رنيم.....احنا قلنا ايه الصبح........
ولكن الصغيره كانت انهت مهمتها التوضيحيه......... وعادت للعب من جديد مع سديم ولؤى.......ونظر الى اسامه بحده وقال له هامسا : وانت يا دكتور اسامه وطى صوتك شويه.........علشان العيال
ما تسمعش كلامنا مع بعض.........
هز اسامه راسه معتذرا وهمس له قائلا : معلش يا شهاب اصل المفاجاه كانت كبيره عليا شويه......ولحد دلوقتى مش قادر استوعبها.........نهائى...........
نظر اليه شهاب بسخريه قائلا : اؤمال انا اقول ايه يا اسامه دا انا لحد دلوقتى حاسس انى بحلم ومن الصبح وانا قاعد كده قدامهم وابص لهم وانا مش مصدق نفسى........
نظر اسامه اليه بتاثر قائلا : بس غزل دى طلعت جباره بجد........ بقى تعرف انها حامل وتهرب من غير ماتقول لك ...... وتخبى عليك طول السنين اللى فاتت دى كلها......
نظر شهاب له بضيق قائلا : انا مش حانكر انى فى الاول كنت غضبان منها بس لما قالت على اسبابها......عرفت انها عملت كده نتيجه غبائى فى الليله السوده دى.....
.... تصور انا اقولها انى خلاص مش بحبها وانى متجوز عليها ومراتى الجديده حامل وانها عاقر مش بتخلف وانا بحلم بالاطفال......كان المفروض تقولى ايه.....انا حامل يا حبيبى طلق مراتك الجديده..... ولا كانت حتقول لى انا موافقه اشاركك فى مراتك وابنك المنتظر........طبيعى عملت الحاجه اللى خلتها تنقذ كرامتها الجريحه......وفى نفس الوقت تحس انها انتقمت من خيانتى ليها........
تنهد اسامه واقر بصحه كلامه قائلا : عندك حق يا شهاب لو فعلا بصينا للقصه من الزوايه دى حنلاقيها فعلا عندها حق.......بس مش ملاحظ حاجه غريبه يا شهاب
ساله شهاب بدهشه قائلا : حاجه غريبه زى ايه يا اسامه؟؟؟
اجابه اسامه وهو ينظر الى الاطفال اللذين يلعبون بسعاده معا على الارض امامهم قائلا : اكيد نفسك تعرف ايه سبب الالفه الغريبه اللى العيال بيعاملوك بيها. دى .....دول بيتصرفوا وكانكم كنت موجود دايما معاهم مش كنت غايب عنهم سنين واول مره يشفوك فيها فى حياتهم كلها امبارح بالليل...... مش دى حاجه غريبه شويه ولا ايه؟؟؟؟؟
أنت تقرأ
ضحيه اكاذيبه
Romansaمين اللى قال ان احيانا بيكون الكذب له مبرر وضرورى....... اوقات الكذب فى حالات معينه ممكن بهدم حياه كامله كانت مبنيه على الثقه والحب.......... فالدكتور شهاب عندما كذب على زوجته الحبيبه غزل........ كسر حاجز الثقه والحب بينهم....... حتى لو كان هذا الك...
