"ضاع الغزل من ضحكة شفاها"

3

                                     البارت الثالث

تعريف عائله العم أبو فهد

عبدالله أبو فهد : انسان الكل يشهد له بطيبه وكرمه يحترم الكبير والصغير ، عمره 52 سنة

مزون أم فهد : انسانه طيبه تحب وتحترم الكبير والصغير تحب عيالها واحفادها حيل ، عمرها 50سنة

فهد : متزوج بنت خاله الهنوف وعنده منها ولدين عبدالله وعبدالعزيز ، عمره 34 سنة

خالد : انسان فكاهي يحب الكشتات والطلعات
أعزب ، عمره 29 سنة

نجد : تحب سهرة الليل تستهوي الغناء ، عزباء عمرها 26

روح : إنسانه حالها حال نفسها هادية تحب الاماكن الهادية عزباء ، عمرها 19

عند العم أبو فهد

أبو فهد : اقول ياعيالي

الكل : سم

أبو فهد : ودنا نروح لـ اخوي أبو عزيز مبطي منه

فهد : ماهيب شينة لكن لازم نعطيهم علم يابوي

أبو فهد : اكيد بنعطيهم علم بدق على أبو عزيز واعلمه ،وانت ياخالد ادخل على امك وعلمها

خالد : أبشر

اتصل أبو فهد على اخوه أبو عزيز : سلام عليكم يا اخوي الكبير ودرع جنبي

أبو عزيز : ياهلا ومرحبا

أبو فهد : شلونك عساك بخير

أبو عزيز : والله بخير انت اخبارك علومك

أبو فهد : على ماتحب ياخوي ، ترا قهوتنا عندك الليلة

أبو عزيز : حياكم الله ، سعد وانا ابوك ازهم امك

سعد : أبشر ، يمه يايمه

أم عزيز : انا في ذا تعال وانا امك

سعد : ابوي يبيك

أم عزيز : قل له جايه

سعد : سمي

""""

عند أبو عزيز

أم عزيز : سم يامحمد وش بغيت

أبو عزيز : سم الله عدوك ، الليلة جاينا ضيوف اخوي واهله اكرموهم

أم عزيز : أبشر ، حياهم الله

""""

أم فهد : يابناتي استعجلوا تأخرنا

نجد : أبشري يمه هذاني خلصت باقي روح اخلصها بس وننزل

أم فهد : اجل انا بسبقكم تحت اخلصوا والحقوني

روح : أبشري يمه

نجد : خلصت مكياجس روحي البسي جلابيتك واخذي عباتس والحقيني تحت عشان نمشي

تأففت روح : طيبب

""""

عند أبو فهد اللي ينتظر