البارت الخامس عشر
عند أبو عزيز
هذال : سلام عليكم
الكل : وعليكم السلام
أبو عزيز : قلت لهم
هذال : ايه
أبو عزيز : الله يتمم لك على خير وانا ابوك
هذال : امين يارب
جابر : اخيراً بتصير واحد مننا
هذال ضحك : شفت شلون
عزيز : هذا اللي امس كان يضيق صدره من طاري العرس بيعرس ويخلينا
هذال : افا من قال اني بخليكم
سعد : يارجال رح معليك منه ذا مهوب صاحي
عزيز لف بصدمة : انا منيب صاحي يالسلوقي
سعد ضحك : ايه منتب صاحي وش عندك
قام عزيز بمزح : انا اوريك اللي مهوب صاحي وش بيسوي بك تعال تعال
أبو عزيز : خلاص ياعيال اقعدوا لا توجعون بعض
سعد : سم
""""
في حوش العم سلطان
أم غيم : ريماز يا امتس تعالي
ريماز : أبشري
أم غيم : نادي منال والبنات معتس
ريماز : ان شاء الله
راحت ريماز تنادي منال وخواتها
ريماز : بنت انتي وهي انزلوا امي لحالها تحت تبغانا كلنا عندها انا بروح انادي منال واجي ألقاكم على نفس هالجلسة ياويلكم
روابي تأففت : طيببب
غيم : خفت تصدقين
ريماز : اقول انزلوا احسن
غيم : زين
ريماز وهي تدق باب قسم( منال ونايف) : منال وينتس
منال وهي شايله نجلاء : هلا أمري
ريماز : تعالي تحت أمي تبغانا وعطيني هالحلوه
منال : ايه تكفين اخذيها ماخلتني ارتب انا شوي وجايه بس اخلص تنظيف
ريماز : خلاص اجل ننتظرتس
منال : زين
ريماز : يلا وينكن بسرعه
غيم : جينا الله لا يشغلنا الا بطاعته
روابي : امشي لا تفصل علينا
ريماز : شاطرات خواتي يلا امشن
أم غيم : تعالن
روابي : سمي يمه
أم غيم : نبي نجهز لبكره ونرتب عشان لا جاء الصبح لين كل شي جاهز
غيم : أبشري
أنت تقرأ
"ضاع الغزل من ضحكة شفاها"
General Fictionانها أول رواياتي اتمنى تنال اعجابكم للكاتبة : أمواج قراءة ممتعة ?
