البارت العاشر
طلع عزيز من المحل ومعه ناصر متوجهين للبقالة
شافه أبو راشد : سلام عليكم
عزيز : هلا وعليك السلام ، أمر
أبو راشد : ابوك في محله
عزيز : ايه رح له بودي ناصر واجيكم
أبو راشد : زين
راح أبو راشد لـ أبو عزيز
أبو راشد : سلام عليكم
الكل : وعليك السلام حياك
أبو راشد : معليك أمر يامحمد ابيك في موضوع
الكل استغرب من أبو راشد لكن طنشوه وطلعوا برا الا أبو فهد رفض أبو عزيز انه يطلع مايخفى عليه شي
أبو عزيز : أمر يا أبو راشد قل وش عندك وأخوي ما اخفي عنه شي مهوب طالع
أبو راشد توتر شوي ومايعرف كيف يصارحه بأن وده يخطب بنته اللي كبر بناته
أبو فهد : علامك يارجال
أبو راشد ارتبك : لا ولا شي بس ودنا نخطب من أبو عزيز
ابتسم أبو عزيز : هذي الساعة المباركة لمن بتخطب لراشد ولا جبر
أبو راشد : لا والله لا لـ راشد ولا لـ جبر
أبو فهد استغرب وقطب حواجبه : اجل لمن
أبو راشد : لي ياعبدالله
أبو عزيز : وشهوو ، مالقيت الا بناتي تبي تخطب لك وحده منهم وبعدين بنتي كبر بنتك ومالك عندنا نصيب ولا عاد اشوفك جايب طاري الخطبة والعرس وانك بتأخذ من بناتي تسمع ، وهالحين تفضل ومن غير مطرود
أبو فهد عصب : ماتستحي على وجهك جاي تخطب لك وحده كبر بنتك
اطلع اطلع
""""
دخلوا هذال وجابر وسعد مصدومين من اعتلى الصوت
هذال : عساه خير يابوي
جابر : وش علمكم
أبو عزيز : وين بيجي الخير ، تفضل يا أبو راشد من غير مطرود مالك عندنا نصيب
سعد انصدم : أخو العيال
هذال : وش تبي يا أبو راشد وش في عقلك
جابر عصب : خواتي ابعد عليك من نجوم السماء تسمع يا أبو راشد !
أبو راشد تفشل : انا استأذنكم
أبو عزيز : عزيز وينه
جابر : راح مع ناصر ليته يجي
سعد : هذا هو جاء
دخل عزيز مصدوم من أبوه واخوانه وعمه المعصبين : وش علمكم يارجال وشهو قايل لكم أبو راشد
أبو عزيز : جاي يخطب أختك له
عزيز عصب : وشهو ، عساكم عطيتوه
أنت تقرأ
"ضاع الغزل من ضحكة شفاها"
General Fictionانها أول رواياتي اتمنى تنال اعجابكم للكاتبة : أمواج قراءة ممتعة ?
