البارت الواحد والعشرون
عند أم غيم وبناتها وزوجه ولدها
ريماز وهي تمسك يد امها : متوتره يايمه
أم غيم : بسم الله عليتس معليتس وانا امتس تتوترين شوي وبعدها بتهدين
روابي : مانيب مصدقه بتروحين خلاص
غيم : ولا انا بفقدها مرره
ريماز حزنت : لا تصيحوني
منال : لا لا تصيحين افرحي اليوم يومتس
أم غيم : منال وانا امتس اقعدي مع ريماز وانتن يابنات امشن نستقبل الضيوف واهل المعرس
روابي : يلا
راحوا للحوش يستقبلون الضيوف وتركوا منال وريماز لحالهم
ريماز : منال انا متوتره مره
منال أبتسمت : لا تتوترين ولا شي هذي سنة الحياة عيشي لحظاتك الحلوه خليها تخلد بذاكرتك
ريماز المتوتره من هاليوم : ابشري بس جيبي لي نجلاء امانه ابي اشبع منها
منال ضحكت : ابشري ياقلبي الحين اجيبها لك
""""
عند أم غيم بالحوش
أم عزيز : سلام عليكم
أم غيم : وعليكم السلام يامرحبا ومسهلا
أم عزيز : شلونتس عساتس بخير وشلون عروستنا والبنات
أم غيم : بخير دامتس بخير تفضلوا الله يحييكم
أم عزيز همست بأذن أم غيم : نبي نسلم على عروستنا
أم غيم أبتسمت : أبشري تعالي معي
أم عزيز : يلا
راحوا الكل للعروس يسلمون عليها لكن ماحصلوا مصوره تصور لحظات العروس
أم عزيز بأبتسامة : بسم الله تبارك الله الف مبروك ياعيني وتطمني وانا خالتس رحتي من بيت أبوتس لـ بيت اهلتس ان احتجتي شي ولا زعلتس هذال بشيء تعالي لي
ريماز بسحى وضحكت : الله يبارك فيتس ياخاله ، ان شاء الله ابشري
أنغام جلست جنبها : الف مبروك ياقلبي الله يوفقكم ويسعدكم
رهيف بفرح : ياحظتس فيه وياحظه فيتس الله يسعدكم ويهنيكم
تغريد : الف مبروك ياقلبي انتي الله يهنيكم
أم عزيز استغربت من عدم وجود مصوره : اقول يـ أم غيم ورا ماجبتوا مصوره
أم غيم : والله يـ اختس دورنا ولا لقينا لنا مصوره
نجد تقدمت لهم : انا افهم بتصوير العرايس اذا تبون اصورها بكل لحظاتها ماعندي مانع وهذا بعد اذن امي طبعًا اذا ترضى
أنت تقرأ
"ضاع الغزل من ضحكة شفاها"
General Fictionانها أول رواياتي اتمنى تنال اعجابكم للكاتبة : أمواج قراءة ممتعة ?
