البارت الثاني عشر
عند أبو فهد
أبو غيم : سلام عليكم
أبو فهد أبتسم : ياهلا وغلا حياك
أبو غيم : سلمت يالله حيه ، وشلونك
أبو فهد : ابد على ماتحب وانا اخوك ، امر وش بغيت
أبو غيم : نبي لنا شوية فواكه وهاه تراك انت واهلك كلهم معزومين عندي على العشاء الليلة
أبو فهد : على القوه الله يكثر خيرك ويغنيك ، فهد وانا ابوك انت وخالد جهزوا الفواكه وارسلوها مع بلال
فهد : سم
أبو غيم : انا استأذن
أبو فهد : الله معك
خالد : يبه العم سلطان ما قال لنا وش يبي فواكه
أبو فهد : حطو له من كل نوع وانا ابوك
خالد : سم
أبو فهد : انا بدق اعلم امك وخواتك يجهزون
فهد : زين
""""
جاء الوقت اللي نايف يروح فيه يجيب زوجته وبنته راح ووصل لبيت عمه دق الباب وفتح له فراس
فراس : ارحب يالله حيه
نايف : تبقى وتحيى
فراس : شعلومك وش الدنيا بك
نايف : بخير انت علومك بشرني عنك
فراس : بخير نحمد الله اقلط حياك
نايف : المره الجاية والله اني مستعجل
فراس : اقلط يارجال تقهو لين يخلصون
نايف : والله اني مستعجل لكن أبشر
فراس : منال يامنال وينتس رجلتس جاء
نزلت منال متكشخة ولابسة فستان احمر مخصر طويل أكمام وريحة عطرها تسبقها طالعة انيقة وحلوه
منال المستحية : جيت يلا
فراس : اخلصي وانا اخوتس رجلتس ينتظرتس
منال : يلا ، مع السلامة يمه ماتشوفون شر
طلعت مع اخوها فراس وبنتها نجلاء
نايف : ارحبي مليون ارحبي وانا ابوتس ، شلونتس يا منال
منال : بخير شلونك انت
نايف : انا توي صرت بخير ، هاتي نظر عيني هاتيها
منال : سم بالله
نايف : بسم الله ، ارحبي ارحبي
نجلاء اللي كانت تضحك بعد ما سمعت صوت ابوها
نايف : انا أستاذن وراي شغل ومستعجل نشوفك الليلة
فراس : ان شاء الله
أنت تقرأ
"ضاع الغزل من ضحكة شفاها"
General Fictionانها أول رواياتي اتمنى تنال اعجابكم للكاتبة : أمواج قراءة ممتعة ?
