البارت السابع
أم غيم : تفضلوا الغداء جاهز حياكم الله
أم عزيز : الله يبقيس
أم فهد : مالي نفس عقب اللي صار مع بنيتي لكن عشانتس
أم غيم ضحكت : الحمدالله انها جت ولا كان للحين ماتغدينا
أم عزيز ضحكت: الحمدالله
أم فهد : اكلي وانا امتس وراتس ماتاكلين
روح : مالي نفس يمه
نجد : مالومها مرتاعة اوخيتي بسم الله عليتس
ريماز : بسم الله عليتس اكلي
روابي : خلوها على راحتها
تغريد : اي والله خلوها
غيم : الروعة ماهي زينة اكلي لا يصير بتس شي غذي نفستس
أم عزيز : خلوها ماهي مشتهيه لا تجبرونها
أم فهد : على راحتس وانا امتس
أم غيم : خذي يابنتي اشربيه زين يخفف روعتك
أم عزيز : اي والله العصفر زين
رهيف : اخذي ذا بعد عصير اشربيه يهدي اعصابتس
روح : تسلم يديك ياخاله ماقصرتي
أم غيم : الله يسلمتس
""""
خلصوا غذاء وتجمعوا البنات وامهاتهم يسولفون لين اظلم الليل وبدوأ يتجهزون للنوم بعد ماحلف أبو غيم على أبو فهد مايمشي ويقضي معهم هالايام
روح : يمه عادي انام جنبتس
أم فهد : تعالي يابنتي تعالي
دخلت روح بفراش امها ونامت جنبها
اصبح الصبح والكل قام يستعد لصلاة الفجر
أبو غيم تقدم يأذن والكل صف وراه يصلون وبعد ماخلصوا الصلاة الكل التفت لشغله
أبو غيم : نايف جهز النار والقهوة
نايف : أبشر
أبو غيم : سياف وانا ابوك انت وحمد جهزوا الفطور
سياف : سم
أبو عزيز : مزين هالجو وهالبراد اللي يرد الروح
أبو فهد : صدقت
أبو غيم : ايه والله
نايف : يبه القهوة جاهزه
أبو غيم : جبها وانا ابوك
نايف : أبشر
الكل اجتمع في بيت الشعر ويسولفون الا عزيز راح يتمشى وابعد شوي لكن انصدم من البنت اللي جالسه قرب لها
عزيز : بسم الله ، انتي انس ولا جن
غيم اللي انخرشت ماتوقعت بيلحقها احد : انس بس من انت ووش تبي جاي
ذاب عزيز من الصوت : انا عزيز
غيم خافت : وش تبي لاحقني
عزيز : ابد مالحقتس رايح اتمشى وانتي طلعتي قدامي
غيم : ايه واضح
عزيز وهو يتأمل جمالها الفاتن: استغفرالله يارب ، انا اروح احسن واضح الكلام معك ضايع
شهقت غيم كان قدامها حجر صغير حذفته عليه وصابه برقبته
عزيز وهو يصرخ : وجع ، خيير
غيم خافت بعد ما سمعت صوته الضخم : وخر عني
عزيز : من زينتس عاد وش ابي بتس
غيم : رح بس
راح وهو معصب لكن جمالها نساه عصبيته دخل على الرجال لكن ما انتبه على الدم
أبو عزيز : وش فيك ياعزيز وراها رقبتك بها دم
عزيز عرف انه من حذفه غيم : ابد شفت اسيام طايحه وشلتها وجرحت رقبتي
أبو عزيز : سلامتك وأنا ابوك
عزيز : الله يسلمك
هذال : وخر يدك أشوف
عزيز : وش بتسوي
هذال : وش بسوي يعني بضمد جرحك
عزيز : طيب اخلص
هذال : زين
نايف : تفضلوا الفطور جاهز
سياف : وش فيه عزيز
هذال : جرح بسيط
نايف : ماتشوف شر ياشاعرنا
عزيز : مايجيك الشر
أبو غيم : سموا بالله واقلطوا
الكل راح يفطر الا عزيز اللي قعد عند النار وهو يفكر في غيم وكيف هي جميلة وصوتها ناعم كل شي فيها جذبه
عزيز وهو يقول بنفسه : معقولة حبيتها من اول نظره ! ، صحصح ياعزيز وش فيك من شفتها ذبت انت اقوى من كذا ماتجذبك بنت
شافه سعد وهو منسجم بالتفكير : عزيز وش فيك
عزيز : هاه ، ولا شي
سعد : اتمنى
أنت تقرأ
"ضاع الغزل من ضحكة شفاها"
General Fictionانها أول رواياتي اتمنى تنال اعجابكم للكاتبة : أمواج قراءة ممتعة ?
