تفاعلوا لطفًا❤️
.
.
.
.
.
كانوا واقفين قدام باب غرفة العمليات وعيونه تفرغت من الحياة لما قال له الدكتور اللي صار .
نطق وشهقاته سبقته مو مستوعب : لا لا جذاب لا لاتقولها ععثمماانن عثماانن تكففونن لا مابي
تمسك فيه الثاني ونطق يحاول يهديه : غسان طالعني طالعني ، غسان حبيبي شوفني حط عينك بعيني!!
غسان كان يطالع فيه بفراغ ويشاهق بدون دموع : س.سمعته؟ سمعته.. ق.قال مات!! قال عثمان مات
دموعه بدت تنزل : عثماان ماتتت!!
بهاء عض شفته وطالع بمؤيد ونور اللي ماكانوا احسن حال من غسان .
ضمه بقوه وقال : الله يرحمه.. مالك الا انك تقول جذي
غسان بضعف وعدم تصديق : م.مات بسببتي صدقني ماتت بسبتي!!
بهاء : مالك شغل انت!! مالك شغل غسان انت ماقلت له روح لنوااف وموت معاه
غسان كأنه استوعب : ن.نواف بعد .. مات؟
بهاء غمض عيونه : غسان تكفى
غسان بصراخ : ماتوا .. اثنينهم؟ ليش الدكتور قال بس عثمان!! ليش قال عثثمماان ماقال نواف؟
بهاء بيأس : نواف سبق وقال لنور ومؤيد قبل مانجي كانوا بيلحقون على عثمان بس .. بس الحروق كانت اقوى.. اقوى من انه يستمر
غسان بدون ماينطق شي بدا ينزف انفه ورجع راسه لورا على كرسيه المتحرك ، توسعت عيون بهاء وقرب منه ورفع راسه : غسان .. غسان حبيبي صحصح معاي تكفى
مؤيد قرب منه بسرعة ودموعه كانت متحجرة بعيونه : خلك مع نور باخذه لاقرب غرفة دكتور ارهق نفسه وضغطه مرتفع
اومئ بهاء ومؤيد سحب كرسي غسان باسرع مافيه لاحدى الغرف .
قرب بهاء من نور اللي كان يكتم شهقاته وضمه : عظم الله اجرك نور
نور تمسك بقميصه وبدا يصيح بقوة ..
كان شعورهم كما لو انهم فقدوا اخوهم الكبير .. الحنون .. المسؤول
بطلهم المغوار اللي كان يخليهم متماسكين .
راح لرحمة الله
—
بعد اربع شهور ..
: مودي لاتنسى تمّر نور وتجي معه لعند خالي غسان
