تفاعلوا لطفًا
.
.
.
.
: الكمية كانت كبيرة ، اعراض الانسحاب راح تستمر لفترة طويلة رغم اننا قمعنا بعض الانواع الموجودة ف المحلول ، كان هيروين ممزوج بشوي من كل نوع ثاني .. عدد من المخدرات والمهلوسات والمنشطات اللي قاع تلعب باعضاءه ، انا مصدوم انه للان يتنفس كمية مثل هذي قاتلة المفروض مايطلع منها ..
: يعني شنو دكتور ؟ يعني لمتى بيظل يتعذب جذي؟
الدكتور بهدوء : اسف استاذ بهاء ماقدر احدد لك المدة بس راح يظل تحت المراقبة لفترة من الوقت ومانقدر نخليه يصحى ، لانه اذا صحى ي اما بيهلوس ي اما بينقص اكسجينه ي اما بيرتفع ضغطه
ابتسم بهاء بعدم تصديق وهو ك طالب طب عارف معنى مانخليه يصحى : كلما صحى بتخدرونه؟ بتدخلونه بغيبوبة غصب !!
نطق بشكل مفاجئ : المجرم المتسبب بهذي الحادثة مات لانه ماتحمل هالكمية .. مالنا الا اننا ننطر غسان يتخلص من اعراض الانسحاب وتقل كمية المواد الكيميائية الضارة بجسمه
بهاء التفت لسعود اللي تكلم بعدما كان ساكت يسمع كلام الدكتور ..
ظل يقلب نظره بينهم قبل مايوقف بهدوء وينطق بجدية : مابخليه عندكم ، من الحين تجهزون لي اجراءات النقل ، بعالجه ببريطانيا بطريقة ارحم من هالغباء اللي تتكلمون عنه
سعود : تدري كم التكلفه؟ الدولة ماراح تعالج مدمن برا ؟
بهاء ابتسم بسخرية : من قالك على حسابهم هم متى كان لهم فايده اصلا؟ كل فلس انا بدفعه لاتشيل هم
سعود شاف الجدية بكلام بهاء وتنهد بقلة حيلة : مثل ماتبي
بهاء : بحجز تذاكر طيران وانت جهز كل المستندات المطلوبة واللي انتوا مصادرينها
سعود : ان شاء الله كل شي بيتم على خير
بهاء : بروح اشوفه شوي قبل ما اطلع من المستشفى ، فضخوا قلبي بانذار الكود بلو قبل شوي
طلع من مكتب الدكتور المسؤول عن حالة غسان ، توجه لغرفته وتنهد ، ماعاد يتحمل كمية الالم والتعب اللي قاعدين يمرون فيه هم الاثنين
دخل عنده وشافه مثل الجثة الهامدة ، صوت جهاز النبضات والكمام اللي يزوّده بالاكسجين ، ابرة المغذي المركب بيده الشاحبة .
قرب منه وحس ببرودة جسمه وعض شفته بغبنة : ي قلب بهاء انت .. وربي اللي قام يصير فيك مايرضيني
