ياقوى عينه يكلمني برسميه نسى مابيني وبينه

البارت الخامس . .

الساعه 7 ونص صباحاً..
كالعاده بالدور الاول كانوا الحريم اول المستيقضين وريحه القهوه العربيه واصله لاخر الدنيا ..
نزلوا قروب حبيتن ((ميلاف سارا رويدا))متحمسين ونشيطين عالصباح ..
رويدا وهي تبوس راس جدتها وتحظنها من ورا:صباح الخير لاأحلى جده بالدنيا
ام عبدالله وهي تربت على يديها :صباح النور بنيتي
ابو عبدالله:يعني بس جدتكــ ؟؟لها صباح الخير وانا ولد القطوه السوداء
رويدا راحت لحظن جدها:هههههههههههههه فديتك صباح الفل والورد والكادي والجوري
ابو عبدالله:بس بس بلا كذب
سارا:صباح الخيرات ..كيفكم ؟؟
ام هاجر:صباح النور تمام
ميلاف:وش عندكم صاحين بهالوقت ؟؟
ام فيصل:متعودين حنا لاكن انتم وش مصحيكم بهالوقت؟؟توقعتكم متسدحين ونايمين مثل الباقي؟
ميلاف:ههههه والله نايمين البارح بدري ..عشان كذا مصحصحين
ام فيصل:اها ..وانا اقول وش في الدنيا هجده البارح اثاريكم نايمين
ميلاف:هههههههههههه حرام عليك عمتي !!
ابو فيصل:اي هجده؟؟ الصغار انخمدوا وناموا.. وجوك الكبار بهبالهم ؟؟
ام فيصل:وليه وش صار ؟؟
ام هاجر وهي تتذكر الموقف:خخخخ قولي وش اللي ماصار؟؟
ام بدر:خير اللهم اجعله خير وش فيهم العيال ؟؟
ابو فيصل:مافيه شي هالمهبل ماغير دخلوا ضبان على البنات وبغوا يطيرون من الخوف
رويدا:هههههههههههههههههههههه اما ضبان
ابو سعد:تضحكين ؟؟ليتك معاهم عشان الضحك هذا يروح ..
ميلاف:اما ذا العيال نكته
ابو فيصل :ولا ازيدك من الشعر بيت يقعدواا هايتين بالشوراع ومايناموا مثل العالم والخلق ولايريحون وطاح عليهم سمير
ام سمير انفجعت:بسم الله عليه ولدي وش صارله .؟
ابو سعد:لاتخافين مافيه الا العافيه شربوه العيال مويه وصحى
ام سمير :بسم الله بروح اشوف له والله مدري انه تعبان ..
ام عبدالله:خليه نايم بعدين شوفي له
ابو عبدالله:لالا خليها تصحيه فيه رياضه بعد شوي
قروب حبتين بصراخ :حماااااااااااااااااااااس
سارا:والله جدي فيه رياضه ؟؟
ابو عبدالله :اي بس روحوا قومهم كلهم ..
ميلاف:كلهم كلهم ؟؟
ابو عبدالله:اي كلهم الشباب والبنات ..واللي مايقوم بس عطوني الوو
رويدا راحت ركض وهي مره متحمسه:ازهلها يابو عبدالله
ابو عبدالله:كفو بناتي والله (بصوت عالي)وقولوا لهم بسرعه ..
ميلاف:طيب
////طبعا ابو عبدالله معود احفاده اي يوم يكونون فيه فاضين وماعندهم شي مثل اوقات الاجازات والاعياد يصحون من النوم بدري و يلعبون رياضه
<<ماقلت لكم يهتم بصحته!!..
طلعت ام سمير بالمصعد للطابق الرابع وطلعوا معها قروب حبتين عشان يصحون العيال ابتداء من الطابق الرابع ..
اول ماأنفتح الباب اتجهوا قروب حببتين لغرفه رهف و ام سمير راحت لغرفه ولدها ودقت الباب بالشويش ..
ماحد يرد:............
دقت مره ثانيه وفتحت الباب بهدوء وقابلتها بروده المكيف اول مافتحت الباب
ناظرت بسمير اللي كان نايم بهدوء والدنيا معفوسه شعره منثر ونص الفراش طايح بالارض ..وجسمه اغلبيته مو متغطي والاخ بسابع نومه
اخذت الريموت وقفلت التكييف المركزي وقربت منه جلست بجنبه وحطت يدها على راسه تشوف حرارته
سمير حس على وجود امه فتح عيونه بثقل ونعاااس:...............
ام سمير بأبتسامه:صباح الخير يمه
سمير بصوت غير مسموع:صباح النور
ام سمير:يمه بسم الله عليك وش فيك
سمير عاقد حواجبه ومستغرب:وش فيني ؟؟
ام سمير:وش فيك طايح البارح ..؟؟
سمير:انا طايح ؟؟<<نسى الاخ..
ام سمير:اي عمك يقول مغمى عليك.. وش فيك ياولدي تعبان من شي وماقلت لي
سمير باقي مو مستوعب رجع يكمل نومه :لا يمه لاطحت ولاشي بس كنت استهبل اصلن كلنا كنا نستهبل
ام سمير مستغربه كلام ولدها:يمه بسم الله عليك وش فيك تهذي بكلام مو مفهموم وبعدين مين اللي يستهبل ؟؟
سمير توه ينتبه على نفسه قام وجلس بسرعه:هاه ..مين قال ان فيه احد قاعد يستهبل ؟؟
ام سمير:انت تو
سميريرقع :لالا لا يمه انا طحت البارح والحمد لله شوفيني بخير مافيني الا العافيه
ام سمير :كله من اكلك الخايس ماقاعد تاكل زين شوف وشلون ضعفت ..وبعدين ليش معلي بروده المكيف كذا ومو متغطي ؟؟افرض تعبت من
المكيف والا جاك شي ..!!والا نسيت انك تعبان بصدرك؟؟
سمير :لا مانسيت بس انا اذا نمت ماحس بنفسي
ام سمير:طيب يالله قوم جدك ينتظرركم تحت فيه رياضه ..
سمير وهو يضحك:شخباري يمه !!طيب ان شاء الله
ام سمير طلعت ورجع الاخ الفاضل كمل نومته ..
**بغرفه رهف دقوا البنات البااب بأزعاج وتموا يستهبلون ..
رهف :................
تموا يدقون لين ماطلعت رهف وهي متنرفزه :خير وش هالازعاج مع االصباح ؟؟
رويدا:الخير بوجههك جدي يقول انزلوا فيه رياضه
رهف عصبت :طيب باقي الدنيا عيد وش رياضته الحين؟؟..
ميلاف:مدري بس انزلي
رهف بدون نفس:طيب ابدل واجي ..
قفلت رهف غرفتها وتموا البنات يناظروا بالابواب مقفله ..
سارا :ميلاف عاد اخوانك انتي صحيهم ..الصراحه استحي ادخل عليهم
رويدا:ايوالله
ميلاف عمزت لهم :طيب خلاص ياللي يستحون ..
رويدا تدفها:طيب لاتغمزين وتحسسينا انا مسوين شي غلط من زينهم عاد اخوانك.؟
ميلاف بعدم تصديق واستهبال:خخخخخخخ من زينهم!؟؟اي واضح من اللي خاق عليهم
رويدا:عشتوا مابقى الا هي اخق عليهم؟؟وبعدين من فيهم صاحي متعب العربجي والا علي المراهق ؟؟
ميلاف:كلي تبن تاج راسك هم
رويدا :طيب بس اخلصي علينا
وقفت قدام غرفه سعد وتمت تدق الباب شوي طلع سعد:...............
ميلاف:صباح الخير
سعد بابتسامه :صباح النور
ميلاف:جدي يقول انزل فيه رياضه ..
سعد وفيه ضحكه:طيب؛؛وقفل الباب..
سارا:يالبى الذوق بس
رويدا:اي على بالك ابو الشباب رهف
ميلاف:خخخخخخخخ اسكتوا لاتسمعكم ..
دقت ميلاف باب غرفه متعب اكثر من مره وهو واحد اول مايصحى من النوم الاخلاق تكون قافله معه
فتح الباب وهو معصب :نعم ؟؟
ميلاف:جدي يقول انزلوا فيه رياضه
قفل الباب بوجهها من غير مايرد عليها ..
سارا ورويدا:ههههههههههههههههههههههههههههههههههههههههه
ميلاف:اقسم بالله مايستحي ماعنده ذوق مالت عليه بس
يارا:لسا ماشفتي شي
ميلاف:خل اشوف لعلي //دقت الباب اكثر مره بس هو نومه مره مره مره ثقييييييييل تمت واقفه ساعه وهي تدق
سارا طفشت من الوقفه :اوف شكل ذا ماراح يصحى
رويدا:ماتعرفين علي ونومه الثقيل ؟؟
ميلاف خل ادق على سمير عساه يصحى ويكون احسن من علي
طبعا غرفه سمير مقابله لغرفه علي ..
تمت ميلاف ورويدا يدقون على سمير وسارا تدق بأزعاج على علي
سمير :ادخل
فتحت ميلاف الباب وكانت تكلمه من عند الباب ..ورويدا تراسل بالجوال
ميلاف:يقول جدي انــ......
سمير قاطعها :اطلعي برا
رويدا ماقدرت تمسك نفسها :ههههههههههههههههههههههههههههههههههههه
ميلاف :طيب جدي يقول فيه رياضيه
سمير عصب:خلاص طيب الحين بقوم
ميلاف :وش دخلني ان شاء الله يجي الحين ويلعن سابع جد لك
سمير:طيب بس روحي
رويدا :ميلاف وين حطيتي شاحنك بطاريتي بتفضى
ميلاف :تعالي اعطيك اياه
رويدا:انا بروح اخذه اعرف المكان
ميلاف:لامابتعرفين مكانه لاني غيرته
دخلوا البنات الغرفه وسارا كانت مندمجه مع الجوال ويدها الثانيه عالباب وتدق
علي فتح الباب بسرعه وهو مايشوف من النوم كان شكله مبهذل اقوى شي وفاصخ الفنيله وصدره عريااان
سارا ماكانت منتبهه رفعت عيونها وجمدت بمكانها لما شافته بهالمنظر تمت تناظره بصدمه :.......................
علي وهو مو منتبه على نفسه ومايشوق من كثر النوم :؟؟؟؟؟؟؟؟؟؟؟؟؟؟؟؟؟؟؟؟؟<<يعني وش تبغين ؟؟
سارا تمت مفهيه ولما انتبهت عالموقف اللي هي فيه تمنت الارض تنشق وتبلعها:......................
علي انتبه على نفسه .. ناظر بنفسه مره وبسارا مره وهو حيل مفهي سكر جزء من الباب:وش بغيتي ؟؟
سارا بأرتباك ووخجل واضح وكلمات متقطعه :جـ' جـ جدي يقووو ل اااااانزل فيه رياضه تحت
علي (ياربي وش سويت انا ):طيب
سارا حطت رجلها وماعاد تشوف الاغبرتها
طلعت ميلاف ورويدا من الغرفه
ميلاف:وين راحت ذي ؟؟
رويدا:يمكن اغتالوها اخوانك
ميلاف:انقلعي انقلعي
رويدا:هههههههههههههههههههههههههههه اكيد انها نزلت شوفي المصعد شغال
ميلاف:يالله خل ننزل
بالطابق الثالث ..
اول مانزلت سارا من الاصنصير سندت نفسها عالجدار وهي تحاول تستوعب اللي صار معها ..
نزلت ميلاف ورويدا
ميلاف:سارا سارا
سارا ولونها مخطوف:هاه
ميلاف:بسم الله الرحمن الرحيم وينك انتي .؟؟
سارا:نزلت قبلكم انتظرتكم وماجيتم ؟؟
رويدا :يالله صحوا عنود وانا بصحي بدر
ميلاف:طيب
دخلت ميلاف وسارا غرفه العنود بدفاشه من غير مايدقون الباب
ميلاف :بصراخ:عنووووووووووووود
العنود قامت مفجوعه:خير بسم الله الرحمن الرحيم وش فيه؟؟
سارا:هههههههههههههههههه مافيه شي بس قومي فيه رياضه
العنود وهي تتنفس بسرعه من الخوف :الله يرجكم خرعتوني
ميلاف:بسم الله عليك بس يالله قومي
بغرفه بدر
رويدا وهي واقفه عند راسه :بدور ..بدير ..بدددددررر
بدر احد اصحاب النوم الثقيل فتح عيونه :................
رويدا بابتسامه:صباح الخير ..يالله قوم جدي يقول فيه رياضه وبسرعه انزل
بدر رجع تغطى باللحاف من فوق راسه :............
رويدا وهي تسحب اللحاف وبأزعاج:يالله قووووم
بدر عصب ورفع صوته :ااووف طيب خلاص
رويدا:طيب قوم
بدر:قسم بالله لو ماتنقلعين من قدامي لابكيك الحين
رويدا قامت وهي تتحلطم :طيب خلاص لاتنافخ اعوذ بالله ..ناس مايستحون
طلعت رويدا ونزلوا البنات للدور الثاني ..
اول مافكروا يدخلون غرفه رنا ..
سارا:لالا تفكروني مجرد تفكير انكم تسوون ازعاج معاها
ميلاف:ليه
سارا :تبينها تذبحني ؟؟ترى ذي مجنونه تسويها
رويدا وهي تدق الباب بقوه وازعاج:ماعليك منها بتقوم مثل الباقي ..رنننااااااااااا رننننووووو
ميلاف وهي تدق معاها السامري عالباب :رنووووووووووووووووووووش رورو
سارا كانت تنتظر رده الفعل من رنا
رويدا وهي تهز خصرها وتدق الباب وتغني :تنكس انا فدا من تنكس
فجاءه .. فتحت رنا الباب والشياطين براسها وقافله معها الاخلاق :خيــــــــــــــــــــر نعم؟؟
ميلاف خافت وبكل براءه:جدي يقول يالله رياضه
رنا سكرت الباب بوجيهم وبقوه من غير ماتقول شي../
سارا:هههههههههههههههههههههههههه
رويدا:شوف اللي ماتستحي
سارا:انا وش قلت لك ..اختي واعرفها ياما انجلدت عند هالباب ..
رويدا:/ههههههه الله يلوم اللي يلومك .. لاكن مانقول غير الشكوى لله
ميلاف:يالله يالله صحي اخوانك ياحلوه ..
راحت سارا لغرفه فيصل وتمت تدق بهدوء
فيصل فتح الباب بهدوء وعيونه مقفله من النوم:مممم
سارا بابتسامه واسلوب هادئ وحلو عشان ماتتهزأ :صباح الخير
فيصل:وش تبغين ؟؟
ميلاف وهي تمسك الضحكه(ههههههههههههههههههههههههههههههاي يلعن ام النفس)
سارا:جدي تقول انزل فيه رياضه
فيصل:طيب
سارا:بسرعه والحين لاتتأخر
فيصل عصب:طيب خلاص قلنا
سارا سحبت نفسها وجلست تضحك :هههههههههههههههههههه
رويدا:والله مصخرونا اليوم
ميلاف:بقوووووووووووه
رويدا:اخلصي روحي لراشد..
سارا تمت تدق حتى ماأوجعتها يدها :اوف ياثقل نوم هالولد
راشد فتح الباب وهو يتحلطم :نعم انتي خير وش هالازعاج مع الصباح وش عندك؟؟
سارا وفيها ضحك:جدي يقول انزل فيه رياضه
راشد انصدم من الكلمه:ايش ؟؟
سارا:هههههههههه جدي يقول فيه رياضه انزل
راشد:وش يحس فيه ذا مو وقته الحين
سارا:عاد كيفك يالله انزل
راشد:طيب
ميلاف:اوووووف باقي اخر غرفه ..غرفه محمد
رويدا:الله يستر منه هذا وهو رايق اخاف منه فما بالك توه صاحي من النوم..؟؟
سارا دقت الباب بكل هدوء وفتح بعد طول انتظار ..
محمد:نعم ؟؟
سارا:جدي يقول فيه اسبورت انزل
محمد بدون نفس واخلاقه عالاخير مقفله:طيب
سارا:الحين
محمد عصب وهو يقفل الباب :خلاص قلنا ترى اسمع مو اصمخ
سارا وبصوت غير مسموع:طيب لاتدف ..
محمد رجع فتح الباب :اش قلتي ؟؟
سارا:ولاشي <<وحطت رجلها ..
نزلوا البنات للدور الاخير وراحوا غرفه هاجر وطبعا هالبنت على نياتها لعبوا فيها لعب من الازعاج والصراخ ..
بعد نص ساعه بالتمام كان الكل متواجد بالصاله ..
ابو عبدالله يناظر اشكالهم وفيه الضحك :جاهزين ؟؟
العيال والبنات:..............
ابو عبدالله :هههه يالله قدامي انتي واياها.. <<طبعا كان لابس اسبورت بنطلون اسود وبلوزه ماركه بيضاء مخططه من عند الرقبه بالاسود..
ام هاجر :قبل ماتطلعون فيه عندي خبر حلو ..
الكل:؟؟؟؟؟؟؟؟؟؟؟؟؟؟؟
ام هاجر وهي تناظر بدر وهاجر :ام بدر ..
ام بدر:هلا
ام هاجر: مبروك هاجر واقفت على بدر
هنا عاد تدورون هاجر ماعاد تلقونها تمنت الارض تنشق وتبلعها وجهها صار احمر ..وصار جسمها معرق وعلى طول طلعت برا ..
ام عبدالله بفرح:كللللووووووووووووووووووش الف الف الف مبروك
ام بدر:الله يوفقهم ويسعدهم
بدر كان بيطير من الفرح وراح باس راس امه :الله يخليك يالغاليه ..اي هذي الاخبار اللي تفتح النفس ع الصباح
ام سمير:كللللللووووووش
ام فيصل:ع البركه الله يوقفهم ويسعدهم
البنات بصوت واحد :كللللللللللللللللللللللللللللوووووووووششش
ابو سمير:بس فضحتونا لسا ماصار شي يادوبك الحين انخطبوا \
ام سمير:ولو خل نفرح لهم ونستانس..الله يوفقهم ويسعدهم يااارب
صار المكان كله زغاريد وفرح وتبريكات بهالمناسبه
العنود:مبرووك يابدر انت وهاجر
العيال كلهم :الف مبروك يابدر
بدر:الله يبارك فيكم وعقبالكم
راشد وهو يشد ع الكلام :امين يااااااااااااااااااااااااارب
بدر:هههههههههههههههاي
ابو عبدالله وهو يحظن بدر :لاتشقق بس
بدر:ههههههههههههههههههههه
ابو عبدالله:الف مبروك الله يسعدكم ويهنيكم ..
بدر:الله يسلمك جدي ..
ابو عبدالله:يالله خلونا نطلع
ام عبدالله وهي تناظر بعيالها :وش رايكم نطلع للحديقه ونجلس احسن من الكبته بهالبيت
ام فيصل:يالله ..بس خل اقول للخدم يفرشون بالحديقه
ام عبدالله:يالله..
ابو فيصل وهو يناظر العيال :لسى على وعدنا بعد الرياضه كللكم عالشركه وانا وعمانكم راح نسببقكم الحين..
العيال كلهم اخلاقهم بطرف خشومهم :...........
ابو فيصل كان يضحك بداخله على اشكالهم ..
طلعوا كلهم و كان الحريم الكبار وازواجهم جالسين بالحديقه جلسه دائريه يتقهوون ويسولفون ..((طبعا الحريم كانوا لابسين طرحات))..
اما العيال والبنات وجدهم كانوا يجرون..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,
ام عبدالله ((جدتهم)) كانت تناظرهم ومبسوطه عليهم :ياحليلهم شوفوا وشلون يلعبون رياضه
ابو فيصل :ايوا الله يمه الرياضه مفيده ومهمه للجسم والله لو فيني حييل كانت رحت ركضت معاهم
ابو سعد:ههههههههههاي اي حيل الله يهديك خلاص صرنا شياب ماعادت تنفع لنا هالامور
ام فيصل:انتم شيبتوا لاكن شوفوا وشلون عمي الله يحفظه يركض بسم الله عليه مو كأن عمره 62سنه
ام هاجر:ايوالله مادري ليش هالاولاد ماطلعوا على ابوي
ام عبدالله:ابوك من يوم يومه وهو يحافظ على رشاقته وصحته
ام بدر:ايوالله ..الله يحفظه
ابو بدر:احنا يايمه ذبحتنا المفاطيح والمنادي
ام بدر:هههههههههههههههاي وانت صاادق
بعد ساعه ..
.....مر من جنبهم قروب الرياضه وكثير فحمانين وتعبانين وقفوا ......
ابو عبدالله وهو يهاوش العيال:هذي نهايه النووم الزايد بعيالكم والأكل الغلط شوفوا ماقدروا يكملون لفتين وراء بعض
ابو سعد:عاد يايبه صاروا بين ايديك ورهم نجووم الظهر
فيصل وانفاسه متقطعه:حرام عليك ياجدي وربي تعبت
ميلاف:من جد تعب ترى مشينا مسافه مو بسيطه
بدر رمى نفسه عالعشب:آآآآه يايمه كل مافيني مكسر
العنود:حرام جدو وربي مشينا مسافه طويله صار لنا ساعه نمشي
ابو عبدالله :هذا لانكم ماتمارسون الرياضه بأنتظام .. ماغير النووم والكسل ذبحكم
علي جلس جنب امه :خلاص انا معد اقدر اكمل اذا تبون تكملون بروحكم كملوا انا تعبت
ميلاف :وانا كمان
راشد:لا لا قسم بالله تعذيب.. على قوله اخوننا المصاريه كل حته من قسمي متعوره ..
ام عبدالله :خلاص يابو عبدالله هالمره اعفيهم ..
ام سمير:ايوالله مساكين يكسرون الخاطر ..
ابو عبدالله ناظر بالعيال وحالتهم حاله:خلاص خلصتوا تدليع انتي واياها بهالعيال ؟؟!! يالله قدامي
رنا:جدي تكفى خلاص والله تعبنا
ابو عبدالله :انتوا ماتعرفون وش فوائد الرياضه ..؟؟ليتكم مانتم متخرجين من احسن واكبر الجامعات بالسعوديه!!
رويدا:جدي عارفين بس والله تعبنا
ابو عبدالله بنبره جديه :قدامي انت واياها وبلاش الدلع الزايد ..
راشد:يامسرع قلبت قبل شوي وش حلوك ..
ابو عبدالله كان بيده علبه مويه فتحها ورش المويه ع راشد:انت اول واحد قدامي ولاتكثر حكي
راشد يصارخ:ااااااااااااااااااااااااااه ياجدي حرام عليك..
الكل تم يضحك على راشد ..
<<ابو عبدالله علاقته كثير قويه مع احفاده ويمازحهم كأنه صديقهم وواحد منهم وهم كثير متعلقين فيه ويحبونه ويعتبرونه صديق ومخزن اسرارهم لهم>>
ام بدر تضحك على شكل العيال:هههههههههه ان شاء الله عمي الفطور دقايق ويجهز بس ولاوصيك فيهم ..
ابو سعد:والله هالاولاد مايجيبهم الا ابوي ممشيهم زي الألف ..
ام هاجر:يالله انا بدخل اقول للخدم يجهزون الفطور
ام بدر:وانا جايه معك
دخلوا الحريم للغرفه الخاصه بالأكل وتموا يجهزون الفطور مع الخدم ..
خلونا نروح للشباب ونشوف وش يسوون بالجري**
**قروب حبتين ''سارا وميلاف ورويدا'' كانوا يجرون بجنب بعض يعلقون ع الاولاد ويضحكون
**علي وراشد كانوا يمشون بالأخييير وببطء ناظر فيهم جدهم ووقف
ابو عبدالله:راشد.. علي
راشد:هاه
ابو عبدالله:تعالوا عندي قدام ..
راشد:لا لا مرتاحين هنا ..
ابو عبدالله:حلفت عليككم تجون عندي ماني مرتاح لانكم بعيدين عني
راشد :ياجدي
)ابو عبداللله بأصرار اشر للمكان بجنبه .,/
علي ناظر براشد بأستسلام:امرنا لله
هاجر:جدي كم باقي من الوقت ؟؟
ابو عبدالله:باقي ساعتين
الكل قام يصارخ....لالالالالا
ابو عبدالله:هههههههههه امزح معاكم وش فيكم انتم دلوخ كذا؟؟!!
رهف وهي تحط يدها ع شعرها :اه الشمس لعبت بحسبتنا
ابو عبدالله:مافيه شمس ولاهم يحزنون الجو روعه بس انتم دلوعين
راشد كان يتأمل العنود بالشورت الاسود الضيق والبلوزه الرياضيه الوردي وشعرها يطيره الهواء كان شكلها روعه ..
العنود ناظرت براشد ابتسمت له ونزلت عيونها
رنا جتها رساله فتحتها وتجمدت مكانها ..
((ياحلو ..صباح الخير
يالبى الاسبورت ..يالبى الرياضه اللي مطلعاك بهالحلاوه))
ووقت مكانها متحجره ..ومصدومه وخايفه وشوي بتبكي ..(ياربي مين هذا صار له اسبوع يلاحقني ولاني عارفه من يكون ؟؟
ممكن عيال عمي يستهبلون ؟؟
بس كلهم مو معهم جوالاتهم !!وش مصلحتهم يقولون لي هالكلام ..بعدين عيال عمي محترمين وهذا واحد وقح
ياربي وش هالورطه ))
ابو عبدالله لاحظ سرحانها وارتباكها :يارنا اتركي الجوال ويالله للجري
رنا :طيب بس دقايق
ابو عبدالله:تتأخرين ثانيتين ازود عليكم ساعه جري
فيصل راح بسرعه واخذ جوال رنا :لا لاتكفى الا زياده مانبي ..وانتي ماتعرفين تأجلين مكالماتك لبعدين ؟؟
رنا بارتباك واضح وخوف من ان اخوها يشوف الرسايل:هاه طيب شغل ضروري وش اسوي ؟
فيصل :قدامي اشوف
رنا:طيب بس عطني جوالي
فيصل:خذي بس لاعاد اشوفك تطلعينه قدام جدي
رنا اخذت نفس اطمئنان وارتياح:طيب
** محمد وهو يهمس لسعد :صايره الساعه 8 وحنا مانفذنا الخطه
سعد : ماعليك الحين نبدأ بس خلكم منتبهين زين ..
محمد:اوكي ..
سعد وقف وسوى نفسه يكلم بالتلفون ويرفع صوته عشان الكل يسمعه :الوو
هلا وغلا ..
تمام طيب ماعلي انت وشلونك ؟؟
شنو ؟؟الحين !!..
ابشر والله ..لالا الحين
افا عليك الحين جاي ..
يالله مسافه الطريق ..
<<الشباب كلهم عرفوا انه بدأ وقت تنفيذ الخطه فالكل بدأ يستعد لدوره ..
سعد:جدي بعد ذانك بس مضطر اطلع الحين
ابو عبدالله:وين تطلع ؟؟
سعد:فيه شغل ضروري لازم اخلصه لواحد من قرايبي الحين
ابو عبدالله:طيب نص ساعه ونكون خالصين ..بعدها الله يوفقك
سعد:لالا ماينفع اتأخر حتى ثانيه
ابو عبدالله بعد تصديق:اوكي بالتوفيق ..
راح سعد وكملوا العيال الرياضه وبعدها جاء دور محمد
كان واقف ويسوي نفسه يناظر للساعه بتوتر
ابو عبدالله:وش عندك واقف ؟؟
محمد:جدي لازم اطلع ..
ابو عبدالله:اوه وش عندك انت كمان ؟؟
محمد:جدي والله ماأتمصخر بس لازم اطلع عندي بروفه بالمسرح
ابو عبدالله يناظره بعدم تصديق:..............
محمد يترجاه:جدي تكفى ..لازم اطلع والحين بعد ..تعرف ماقدر اتأخر و فريق العمل الحين تلاقيهم كلهم ينتظروني حرام يأخرون شغلهم بسببي
ابو عبدالله :طيب فارق..
محمد ماصدق خبر وحط رجله على غرفته اخذ دش و بدل ملابسه وطلع ..
نرجع للحديقه ...
العنود:بنات ماتحسون ان الوضع فيه انا؟؟
رنا:الا فيه شي مو طبيعي
العنود:تتوقعون وين بيروحون؟؟
هاجر:مدري بس الوضع مايطمن
رهف:بنشوف وش النهايه معهم ..
متعب كان ماسك الجوال ومره مصدوم ومتأثر ..
لاياشيخ ..
افا ..متى صار هالكلام ؟؟
الحين ؟؟
طيب والرجال سلم والاجاه شي ؟؟
اااووه اللي يرحمهم ويغفر لهم يالله الحين جاي
انت خلك مكانك على ماجي اوديك المستشفى..
لالا مسافه الطريق ماراح اتأخر بس انت ريح لي عمرك
يالله ..
نزل التلفون :والله كدرت خاطري بهالخبر عالصبح ..
فيصل:خير وش عندك؟؟
متعب :خوويي صار عليه حادث هو واهله وتوفوا
البنات مره تأثروا <<صدققوا !!
راشد:لاياشيخ
متعب :واللـــ... (جاء بيحلف وسحبها )(استغفر الله احلف بالله كذب الحين؟؟):هذا اللي صار ..
راشد:الله يرحمهم ويغفر لهم
متعب من غير ماياخذ اذان جده :يالله لازم اروح ..<<وطلع
ابو عبدالله:مو ملاحظين انكم قاعدين تتساحبون ؟؟
راشد:استغفر الله جدي يعني نكذب عليك حنا؟؟
علي:الله يسامحك بس
ابو عبدالله:اقول تلايط انت واياه ولايكثر
تموا يمشون ورنا بالها مو معهم وسرحانه وبنفس الوقت متوتره شوي
سمير وقف وبددأ بتنفيذ المقلب ..
سمير يهمس لراشد:تعال بجنبي لاطيح ويضرب راسي بالارض وينكسر
راشد:خايف على روحك مالت عليك ..
سمير :هههههههههه اقول اسكت بس
بعد لحظات وبدون محد يحس
رراشد يصارخ:سمير سمير
الكل انفجع والبنات تموا يصارخون ..
راشد وهو حاظنه :سمير سمير رد علي
ابو عبدالله:سمير سمير تسمعني ؟؟
بدر اخذ علبه المويه بارده وكبها عليها ..
هنا سمير بغى يموت من بروده المويه (الله لايعطيك عافيه على هالعمله ياللي كب المويه علي ..ياكلـــب اوريك بس خل اطلع من هنا ):........
فيصل:خل نشيله عالمستشفى بسرعه
ابو عبدالله شاله مع العيال وحطوه بالسياره ..
ميلاف وهي تبكي :يمه اخووي وش فيه ؟؟
العنود:مافيه الا العافيه بس سكتي شوي ..
علي وراشد راحوا مع سمير ومشت الخطه مثل ماكانوا مخططيين تماما ..
طبعا البنات كانوا مره قلقانين وخايفين وبعد دقايق جاهم اتصال من راشد يطمنهم انه صحى وصار احسن ..
دخلوا داخل وكل وحده طلعت لغرفتها واخذت دش وبعدها تجمعوا وجلسوا مع بعض ..
............................................