ياقوى عينه يكلمني برسميه نسى مابيني وبينه

البارت التاسع . .

اولاً / اسفه ع التأخير🤍 "اتركم الان مع البارت"

يوم جديد بأحد زوايا الرياض ..
بعيد عن المال والعز والمناصب ..
حيث الاحياء الفقيره اللي تدل على بساطه ناسها واهلها ..

.......
ببيت ابو نوف ..
عهود كانت نايمه بغرفتهم الصغير والبسيطه .. لاكنها صحت عشان تشرب مويه وهي متجهه للمطبخ شافت نوف صاحيه وقاعده
بالحوش بروحها طلعت لها وناظرت فيها بعيون نعسانه:صباح الخير
نوف كانت سرحانه وانفجعت من عهود :بسم الله
عهود:وش فيك خفتي ..كنك شايفه جني؟؟
نوف:خوفتيني
عهود وهي تفرك عيونها من النعاس :اها وش مصحيك ؟؟
نوف ارتبكت :هاه ولاشي بس الجو حلو
عهود:تستهبلين؟؟
نوف سمعت صوت سياره برا ووقفت بسرعه ولبسته عبايتها
عهود:وين وين ؟؟
نوف:بروح مشوار مهم وراجعه ماني مطوله
عهود:وش مشواره الحين ؟؟
نوف مستعجله:اذا رجعت اقول لك كل شي
عهود:ومع مين بتروحين؟؟
نوف:شذى واخوها انتبهي للبنات وسكري الابواب زين ..<<طلعت وسكرت الباب بسرعه
عهود مستغربه:وش فيها ذي ؟؟
دخلت البيت وسكرت الابواب وتمت على اعصابها تنتظر نوف حتى ترجع ..

بالسياره ..
شذى :كيفك نوف
نوف بصوت واطي :تمام
شذى:وين تبين نروح؟؟
نوف:شركه فهد الـعبدالله
شذى بققت عيونها :وش تروحين تسوين هناك ؟؟
نوف:عندي شغل مهم وظروري
شذى(وش هالشغل؟؟):اها
نوف كانت كثير خايفه ومرتبكه لانها تقريبا اول مره تطلع مع واحد اجنبي عنها و ماتعرفه ..
بعد صمت لنصف ساعه تقريباً وصلت نوف للشركه
نوف شافت ابوها واقف عند الباب :شذى
شذى:هلا
نوف:اسمعي خلي اخوك ينزل يلهي ابوي فيما ادخل الشركه
شذى:نوفوه انتي على ايش ناويه؟؟
نوف:انتي سوي اللي اقول لك عليه وانتي ساكته
شذى :طيب راح اشوف وش اخرتها معاك
بلغت شذى اخوها ونزل يلهي ابو نوف مثل ماطلبت نوف ودخلت الشركه وهي ترتجف من الخوف

::::::::::::::::::::::::::::::::::::

بمكتب سمير اللي مايقل عن فخامه مكتب ابوه واعمامه ..
وبأول يوم دوام رسمي له بالشركه ..طبعاً كان بقمه حماسه ونشاطه ..وكانوا العيال كلهم محظرين عنده..

فيصل :مبروك عليكــ يابو سمره
سمير ابتسم:الله يبارك فيك تسلم
علي: عالبركه وعقبالنا
بدر: لو تخلي الهبال اللي براسك انت ورشود وتنتبهون لشغلكم احسن لكم
راشد:وش نسوي لازم نعيش حياتنا
سمير:اوكي عيشوا حياتكم
علي :اقول راشد
راشد:هلا
علي: دقت عليك مها اليوم؟؟
راشد:اي شفت لها مكالمات بجوالي بس طنشتها
علي:ياخي غثتني هالبنت كابته على نفسي
راشد:ههههههه احد قالك اوعدها بالزواج؟؟
علي:ياخي ماكنت اتوقع انها دلخه لهالدرجه
راشد:خخخخخ كل البنات بعقولهم الا مها من يوم يومها وهي دلخه ..
بدر:وانتم باقي على ذا السوالف؟؟
فيصل:مايكونون علي وراشد اذا ماسووها ..
علي وراشد:هههههههههههههه
ابو عبدالله دخل عليهم بابتسامه :ماشاء الله تبارك الله ..الله يحفظكم يارب ولايحرمني من هالجمعه
رشود وهو حاط رجل على رجل ويتفلسف :ولا يحرمنا منك يابو عبدالله
ابو عبدالله: الله يسلمك ..وش رايكم اجيب لكم القهوه والشاهي ترى انا حاظر طلباتكم اوامر
سمير يحاول يمسك ضحكته ((يلعن اوم المصخره )):............
راشد يناظره بنص عين :تتمصخر ياجدي؟؟ الله يسامحك
ابو عبدالله:اعوذ بالله انا اأتمصخر عليكم ؟؟
علي يتهرب من دش التهزيئ اللي بيجيهم من جده :عن اذنكم انا بروح مكتبي عندي شغل
ابو عبدالله:حلفت عليك ماتقوم خلك مع الشباب .. وش رايكم اركب لكم بلازما هنا وازود لكم بالكنب عشان تتوسعون
العيال ماسكين الضحكه و خايفين من جدهم مايبون يضحكون بوجهه وهو معصب كذا :...................
ابو عبدلله بجديه ونبرته العاليه المتميز فيها :كل واحد على شغله
بدر:ان شاء الله
ابو عبدالله:وهالجمعات بالمكاتب معد ابيها
قاموا الشباب وكل واحد اتجه لمكتبه وبداخلهم ميتين ضحك على اسلوب جدهم وكمان على اشكالهم وهم ينطردون من المكتب اما
جدهم فكان واقف وهو منزل راسه بالارض ويناظرهم بنص عين ..