ياقوى عينه يكلمني برسميه نسى مابيني وبينه

البارت الثامن . .

-في الحُب ..
في الحُب فقط لاتستمع لنصيحة أحد ..
استمع لصوت قلبك فقط ,
فهو وَحده من سيرى أشياء لن يراها أحدٌ سواه .

مجدداً بقصر فهد العبدالله مر الاسبوع على ابطالي عادي وبدون اي احداث تذكر .. وكان كل واحد فيهم مشغول بحياته ..
الشباب والرجال كانت الشركه ماخذه كل وقتهم ..ومايرجعون البيت الا وقت النووم ..
الحريم والبنات قضوا الاسبوع كله باالسوق تجهيزاً لمكله هاجر ..الا رنا اللي كانت تستعد لمعرض الرسم ..وكان ماخذ كل وقتها.
هذا بأختصار أهم الاحداث اللي صارت مع العائله خلال هالاسبوع ..

:::::::::::::::::::::::::::::::::::::::::::::::

((يوم ملكه بدر وهاجــــــــر ..))

::::::::::::::::::::::::::::::::::::::::::::::

يوم السبت الصباح الساعه 6 ..بالطابق الثاني تحديداً غرفه سارا ..

كانت سارا واقفه قدام التسريحه وتتجهز عشان تروح المدرسه ..
سارا وهي تتحلطم:اوووف وربي مالي خلق اروح المدرسه..والله قويه اليوم ملكه هاجر وبدر وانا رازه فيسي بالمدرسه ..
ياحظهم البنات بيطلعون بدري هناك وحنا نقعد مع هالمدرسه الزفت ..
دق جوالها ناظرت فيه وهي متنرفزه:مين ذا الحين اللي بيدق !!
سارا:الوو
ميلاف:بنت وين حلقي الاسود؟؟
سارا:معاي
ميلاف:طيب انزلي به معك ..
سارا:اوكي.. بس انتي خلصتي ؟؟
ميلاف:يب شويات ونازله
سارا:طيب يالله ..
ميلاف :يالله

اخذت سارا اغراضها وطلعت للصاله اللي بطابقهم دقت باب غرفه رنا ومحد رد عليها ..فتحت الباب والدنيا هدوووء تااام والفراش مرتب
مثل ماهو والغرفه تقول مهجوره من سنه ..
عقدت حواجبها بأستغراب:وين راحت ذي؟؟
سكرت الباب وراحت لأهلها اللي كانوا جالسين يفطرون ويسولفون

سارا:صباح الخير ..
الكل:صباح النور..
ابو فيصل:هاه وشلونك اليوم وكيف استعدادك لاول يوم دراسي
سارا:خلها على الله بس وربي تقول جبل على صدري
ابو فيصل:ههههههههه وليه عسى خير ان شاء الله ؟؟
سارا:ماحب اداوم اول يوم ..متعود اداوم ثاني اسبوع
ابو فيصل:لا هذي دراستك وذي اخر سنه يعني لازم تشدين حيلك
سارا:والله لو مو جدي اصر علي ماكان داومت والقهر زياده ان البنات بيمشون للشرقيه قبلنا
ام فيصل:ههههههههههههههههه قولي علتك مع البنات لاتتحججين بالدراسه
ابو فيصل:الله يصلحكم من عيال ..<ناظر بالساعه >يأم فيصل وينه راشد تأخرنا ع جده واعمامه
فيصل:الحين جاي يبه بس قاعد يجهز ملابسه حق السفره للشرقيه ..
ام فيصل:الله يهديه ماقلت له خلني ارتبها لك
فيصل:يمه ماتعرفين ولدك مايحب حد يلمس اغراضه !!

طلع راشد والابتسامه شاقه وجهه :صباح الورد
الكل:صباح النور
ابو فيصل:وينك تأخرت ؟؟
راشد:يبه كنت ارتب اغراضي وخلصت
ابو فيصل:انا مدري شنو قاعد ترتب؟؟ ترى كلها ملكه بالليل وبكره العصر راجعين الواحد فيكم مايلتزم بمواعيده ..صايرين انتم والبنات واحد !
فيصل وهو يحاول يمسك الضحكه على شكل راشد مع التهزيئ:..................
راشد وهو يرقع عشان لاينغسل شراعه :اقول ماكنا تأخرنا خل ننزل احسن..
ابو فيصل:يالله يالله قدامي انت واياه والله مامنكم فايده يهالشباب ..
ام فيصل:الله يوفقكم يارب ..
ابو فيصل:وياك بس انتم اجهزوا فيما نخلص شغل بالشركه لانجي من الدوام وانكم باقي
ام فيصل:ان شاء الله ,,اصلن كلنا جاهزين ..
سارا:يمه فستاني اذا جاء حطيه بغرفتي اوكي ؟؟
ام فيصل:ان شاء الله
وبعدها نزل ابو فيصل وعياله تحت اما ام فيصل تمت تتجهز لهالسفره وهالفرحه ..