القُلوب تَسكن عند من يَحتويها .🤍
#الكاتبه نيلان
~~~~~~~~~~~~~~~~~~~~~~~~~~~~~~~~
ليار : الدنيا ليل والجو حلو وقفت يم الشباك اباوع للسماء الجو صافي في شويه بروده كنت صافنه افكر شنو الي راح يصير بيه تعبت واني اتحمل معايرت الناس وحجيه عليه الجامعه كل الطلاب اهاليهم الي ابوه دكتور والي امه مهندسه كلهم طلاب من عائلات اغنياء
واني بنت فلاح يشتغل بمزرعه اني ماعندي اعتراض على شغل ابوي وبالعكس فخوره بابويه بس دائما اشوف بنات الجامعه انيقات وحلوات اما اني اروح بملابس عاديه للمدرسه ودائما اتفشل كدام الطلاب هواي كانت تصير معاي مواقف ومن هذلي المواقف موقف مع بنت بالجامعه اسمها اروى
كنت امشي وماسكه الكتب واراجع للامتحان اخاف ارسب بي وماانتبهت لكدامي دعمت بشخص بس ماعرفت منو رفعت راسي وانا اعتذر
ليار : اسفه اسفه ماكان قصدي اعتذر ماانتبهت
اروى : اوووف شهل همجيه شنو ماتشوفين كنتي راح تخربين ملابسي وكانت راح تتطشر على القهوه اوف ثاني مره انتبهي لا اخلي المدير يطرجدج هو انتي كلج خلق بنت فلاح
ليار : جرحتني كثير بكلامها سكت وصرت مثل بلاع الموس اعتذرت منها ورحت مباشره للحمامات ضليت ابجي ابجي لحد مادق الجرس يعلن بدايه الامتحان غسلت وجهي ورحت امتحن
عوده للحاضر ___________
دمعن عيوني وانا اتذكر الموقف وشلون الطلاب كانو يجرحوني بالكلام اخذت نفس حسيت ببروده سرت بجسمي سكرت الشباك ودخلت لفراشي بهدوء حتى مايكعدن البنات وقررت بكرا افاتح ابويه واترك الجامعه تعبت كثير من التنمر والتكبر الموجود بالطلاب واذيتهم لي
في صباح اليوم التالي
كعدت الصبح الساعه 4 كمت توضيت وصليت ودعيت الله ان يرزق بابا ومايعيشن خواتي مثل ماعشت خلصت صلاه لفيت السجاده ورجعت لفراشي بس ابد ماجاني نوم شلون افاتح ابوي بالموضوع وشلون اقنعه انه مااريد اكمل دراسه وشنو العذر الي اقوله له من يسألني شنو سبب رفضي لتكميل جامعتي تعبت من التفكير لفيت راسي ونمت قعدت على صوت البنات يحجن شراح يلبسن للمدرسه بمناسبه اليوم اول يوم دوام وكلهن متحمسات للدوام الا اني شافتني رفيف
رفيف : عزاااا هاي انتي لهسه نايمه واني على بالي كعدتي وطلعتي ولج شتسوين لهسه غير تروحين للجامعه علمود توصلين لان بعيده هواي ولج والباصات الي يودونكم هسه راحت شلون هسه ياااا شبيج ليار
ليار : رفيف اني ماراح اداوم اليوم بابا موجود ؟
التمن البنات كلهن يمي وضلن صافنات بوجهي ليش مااريد اروح للجامعه
أنت تقرأ
هدران 588
De Todoكيف أصف ما بداخلي أن عَجِزت جميع حروفي عن البوح بما اشعر ،أتتني رغبه البكاء. لم أعد أستطيع التحمل ، تأتيني أفكاراً سوداوية جعلت من تحت عيناي حدائقً سوداء ، حزنً لا يفارقني ، اكتئاب دائم ، خيبات لا مفر منها ، حياه قاسية و الأقسى منها إنك تريد أحداً...
