و إن لفراقك لوعة تختلف عن باقي الآلام جرح يبقى أثره متربعا على فؤادي ..... حين تنهمر دموع القهر و الحزن من مقلتاي وينفصل قلبي عن مالكه ...... حينها أدرك أنني أصبحت في عداد الموتى .....
************************************
تذكير بأهم نقاط الجزء الأول :
سارة وحسام تزوجوا وسارة كانت بالحمل في شهرها الأول
سوزان بعد زواجها بإسلام إكتشفت بلي هو اللي إغتصبها وعرفت بلي مستحيل تحمل
أحمد وروان تزوجوا وعاشوا فرحانين
رحيق ماتت هي وجلال بعد ما كانت تتبع فيه باش تدي إنتقامها منو خاطر قتل والديها تحرقت بيهم الدار ويوسف كان حاضر ثما
سفيان تفارق هو صوفيا بعد ما حبوا بعضاهم ومايكل أنقذها من الموت خاطر باباها كان حاب يقتلها كي خانتو وعاونت سفيان باش يحكموا
سفيان بعث يماه باش تطل على يوسف في السبيطار وتهتم بصوفيا ومايكل (هاذي نقطة مهمة)
************************************
بعد أربعة أشهر :
ڨاعدة في شمبرتها متكية ظهرها للحيط وضامة رجليها لصدرها وعينيها مفتوحين ومدمعين عبارة عن جثة بلا روح تسمع في صوت الغنا والزغاريد صكرت وذنيها بيديها وطرطڨت بالبكي تبكي بطريقة هستيرية مفاقتش للباب كي تحل حتان حست بيدين حضنوها وهي ثاني تبكي تواسي في صحبتها وختها متأسفة للحالة اللي وصلوا ليها .......
في جهة أخرى وفي نفس الوضعية كانت صحبتها وتوأم روحها ڨاعدة رغم أنهم بعاد على بعضاهم إلا أنهم كانوا حاسين بالحزن اللي في قلب كل وحدة منهم حتى الحزن وتشاركوا فيه بصح كل وحدة وهمومها .... هزت راسها من فوڨ ركايبها حساتوا ثقيل بزاف من البكي ....... تفكرت اليامات اللي كان فيها حنين معاها وميخليش حتى طلب مينفذولهاش هي هبلاتو بوحمها وهو صابر عليها وفرحان لأقصى درجة ....... مفهمتش واش تبدل حتى رجع هكذا كل يوم يضربها و يهينها يطيح من قيمتها ويسبها ...... و زاد حتى بعدها على عايلتها ونحالها تليفونها جابها لوهران ومنعها من خدمتها ....... جرحها بأسوء الطرق ما خلاش في قلبها حتى إحساس مليح ليه بغير ذكرياتهم اللي فوتوها والقطعة اللي مغروسة في رحمها منو أملها الوحيد في الحياة ...... شيانت وڨطعت الماكلة وجهها رجع أصفر وتاعبة ديما .....
حطت يدها على كرشها البارزة وبدات تهدر مع بنها :" حبيبي كيفاش نديروا مع البابا نهربوا ولا نزيدوا نصبروا شوي بالاك يرجع كيما كان ..... مستحيل يكون هو نفسو ...... باباك كان أحن شخص في العالم وكان أروع رجل مستحيل يستقوى على مرا مفهمتش واش بيه يا إما هذا هو وأنا كنت مخدوعة فيه ولا كاين حاجة بدلاتو ....... علابالك نتا أملي الوحيد نتا سبب فرحتي وتمسكي بالحياة نحمد ربي اللي رزقني بيك يا عمري ...... "
************************************
ڨاعدة وتخمم على بنتها عندها فايت الشهر ما سمعتش صوتها ملي تعيط تلڨاه مصكر وكي تعيط عند حسام يڨلها مانيش في الدار حارت كيفاش توصل لبنتها وملي تڨول لراجلها يڨولها مابيها والو نتي برك راكي تكبري فيها بصح إحساس الأم ما يغلطش هي حاسة بلي بنتها ماهيش مليحة ......
************************************
في مستشفى الأمراض النفسية والعقلية يدور في الغرفة تاعو ويبكي يعيط بإسمها بأعلى صوتو : رحييييييييق علاااش رحتي وخليتيني علااااااااااش الدنيا ما تسواش بلا بييييك ..... راكي تشوووفي في حالتي عاجبك الحال كي رجعوني مهبووول وراهم حابسيني لهنااااا عجباتك الحالة اللي وصلتيني ليييهااااا آه جاوبينييييي شوية وطرطڨ بالضحك ههههه هههههههههههههههههههههههههه ما متيش مستحيل تكوني متي ههههههه لالا حبيبتي وبنتي مستحيل تخليني وحدي أنا متأكد رجع يبكي ويعيط بصح شفتهم كي دفنوك شفت قبرك بعينيا أنا اللي لحت عليك التراب آآآآآآه ياربييييي ياااااارب سلكني راني رااايح نهببببل 😭😭💔💔
❤بقلم : عائشة ❤
🔥كرونيك صراع مع القدر الجزء الثاني 🔥
ورجعتلكم بالجزء الثاني تاع الكرونيك رايح يكووون ناااار قوة برك نتوما عليكم بالدعم وأنا عليا نمتعكم 😉 توحشتكم بزااااف 😜 ديزولي بزاااف كي طولت عليكم كانوا عندي ضروف ورجعت عيشوووش بمفاجآتها الغير متوقعة 😁💜
أنت تقرأ
كرونيك صراع مع القدر ( باللهجة الجزائرية ) الجزء الثاني 🔥🔥
Romanceسلاااااام الزيينات رجعتلكم الجزء الثاني تاع كرونيك صراع مع القدر اللي راح يكونوا فيه أحداث نااااااارية 🔥🔥🔥 وغير متوقعة نهاائيا 😈هيا أتفاعلوا وشعلوووها بلي جام والتعليقات 🔥🔥 توحشتكم 😍❤😎💞💞
