سلاااااام الزيينات رجعتلكم الجزء الثاني تاع كرونيك صراع مع القدر اللي راح يكونوا فيه أحداث نااااااارية 🔥🔥🔥 وغير متوقعة نهاائيا 😈هيا أتفاعلوا وشعلوووها بلي جام والتعليقات 🔥🔥 توحشتكم 😍❤😎💞💞
في المطار الدولي للجزائر العاصمة هبطت تجر في الفاليزة تاعها وقفت في نص المطار وتبسمت إستنشقت أكبر كمية من هوا بلادها المميز توحشتها بزاف ضرك لحڨ الوقت اللي لازم ترجع فيه وراهي رجعت بوجه جديد وشخصية جديدة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
راحت مباشرة لدارها وڨعدت تشوف فيها بكل برود صح توحشتها بزاف بصح دموعها نشفوا ومشاعرها تجمدوا ماتبدلش فيها غير الوجه حتى شخصيتها تبدلت نظن عرفتوها إيه هي نفسها رحيق بصح رحيق الڨديمة ماتت في الحريق هذاك مع جلال ورحيق اللي راهي واقفة ضرك لاعلاقة لها بالشخصية الأخرى بعد ما سلكت من الحريق وقدروا يسعفوها تشوه وجهها كامل ودخلت في حالة إكتئاب حاولت تنتحر مي سفيان وقف معاها وما ڨال لحتى واحد بلي مازالت حية مالڨري كان يشوف في حالة يوسف بلا بيها بصح حالتها هي كانت أضعاف الحالة تاعو وعلابالو بلي ما كانت قادرة تقابل حتى واحد بهاذيك الحالة مع الوقت قنعها باش تداوي ودارت بزاف عمليات تاع تجميل( بصح ما قدروش ينقذولها عينها اللي عمات وڨعدتلها غير عين وحدة ) وبعدها نهائيا على خدمتها دارلها بوتيك صغير فيه حوايج تاع لبسة ومايك آب ومع الوقت تلهات بيه ووالفت خدمتها وكي قررت تهبط لدزاير وتقابل ناناها وسفيان نقللها البوتيك تاعها لدزاير باش تلڨى كلش ساهل وتتلهى بخدمتها الجديدة وتنسى كامل حياتها القديمة المهم سفيان كان نعم الأخ ليها ووقف معاها وقفة تاع رجال وهي مستحيل تنسى خيرو
طبطبت في الباب حلت عليها ناناها وعينيها معمرين بالدموع (علابالها بلي جاية كان ديجا سفيان ڨالها كلش خاطر ميقدروش يديروهالها مفاجأة وهي مرا كبيرة ومريضة خافو عليها كشما يصرالها ) تحضنتها وبدات تبكي ورحيق غير تتبسم ڨلبها خلاص مات مبقاتش تتأثر بحتى حاجة بعدت عليها وتبسمت معاها رحيق : نانا تووحشتك بزاااف 😍 زينب : أنا ثاني توحشتك يا بنتي ڨريب متت في غيابك رحيق : بعيد الشر عليك نانا بقيتيلي غير نتي شكون ڨعدلي من غيرك زينب : بقيتلك أنا ويوسف وغمزتها رحيق : ههههههههه والله وحدك يا نانا ماتتبدليش ودخلو متحضنين بعضاهم ناويين يبداو حياة جديدة
***********************************
عند سفيان ومايكل ولا ريان اللي ماتقبلوش نهائيا أنهم يكونوا إخوة بصح الأم تاعهم كانت دايرة المستحيل غير باش تجمع بيناتهم وكانت كل ماتروح تزور مايكل تدي معاها سفيان بالسيف عليه ومايكل بدا يتقرب من أمو شوية وبدا يوالفها بصح مقدرش يتعامل معاها بأريحية حياتو كامل عايش بلا عايلة مستحيل يتقبل فكرة أنو عندو أم وأخ بين ليلة وضحاها ........
❤بقلم : عائشة ❤ 🔥كرونيك صراع مع القدر الجزء الثاني 🔥
